#صغيرتي 🔥3🔥
أنت سَندي ، مَلجئي ، عَالمي ، دولتي ، كَوكَبي ، جَنّتي ، قَمَري ، نجمي السَّاطع ، وَ اجمل ما أملكه
أنت كل شيء ❤
حور... ااااه قلبي نحس ف روووحي بنموت طلعت تجري من الصااله تلاقت هي ووليد ع الباب
وليد... خيررررك حوور شن في
حور.. تبكي
وليد.. يخبط ع الباب تي خيرك خيرك شن في وشاف بجنبه لقي ولد يتفرج ع حور حول جاكيته وغطاها بيه ووقفها داخل الصاله مشي للولد خبط ع سيارته الولد خاف هرب🔥
رجع ل حوور
خيرك حور شن في خيرك تبكي ادوي
حور... حضناته وقتله قلبي ياوليد قلبي💔
وليد... حضنها بقوه وكإنه يقوللها اني بجنبك تخاافيش اني معاك مافي شي ح يوجعك
حور...تبكي بقوه
وليد... تي خيررررك شن في 😠😡
حور... فيه حاجه ياوليد ف الماضي غامضه اني ناسيه كل شي ومش متفكره بس توا جتني رؤيه غامضه لما كنت ف الصاله وكإن المشهد هدا شفته وكنت عايشه فيه
وليد... اي منظر
حور... منظر الأغااني والرقيص
وليد.. هلبا استغرب😳😳 بس حضنها وقعد يمسح ع شعرها اسسسسس حورتي معاش تبكي
حور.. وليد نبي نعرف الماااضي متاعي بالله عليك
وليد... حاااضر نوعدك ح نعرف كل شي 💔 توا ع خاطري تخشي ترقصي وتضحكي معاهم وانسي كل شي
حور... ابتسمت حقا نرقص؟؟
وليد... عينك وقعد يلعب ع خشمها بصبعه
حووور ..... اوخي اوخي
وليد... ههههه باه شويا بس
حووور. شكرا وليدي شكرا باساته ومشت تجري
وليد... ابتسم ع جنب وعض ع شفايفه هدي قالت وليدي والا اني معاش نسمع ❤️❤️😘😘
خشت حور وكانت هلبا فرحانه رقصت وضحكت وحاولت انها تفوت كل شي زي ماوعدت وليد
طول الوقت وسلمى تشوف ل حور بنظرااات حقد وكارهتها 😡
تم العرس وكان احلى مايكون روحو ل الحوش وكل وحده رقدت ع سريرها من التعب الا حور غيرت ملابسها ونزلت المطبخ قعمزت والضي مطفي قعدت تبكي💔
وليد... كيف وصل الحووش يسمع ف صوت شهقات ونفس قعد يتبع ف الصوت لين وصل المطبخ فتح اللايت
وليد... 😳😳حوور خيرك
حوور... بدت تمسح ف دموعها بسرعه لالا مافيا شي اني نبكيش
وليد... ضربها بصبعه ع خدها بشوويااا مع غمزه😉 تكدبي عليا سنفوره
حور... لالا نكدبش
وليد... هيا عاد احكي خيرك تبكي
حوور... وليد نحس ف روووحي مضايقه هلبا ف شي ف حياتي نااقص ولازم نفهمه
وليد. اياح علينا شن قتلك اني (باهي انت ناسيه كل الماضي مش متفكره منه حتى شويا
حوور...لالا مش متفكره الاااا الاحداث متاع السنتين الاخيرات وغيره لا
وليد... باهي تو نوضي انت نني وخلي كل شي علياااا
حور... وعد
وليد... وعد سنفورتي❤️❤️🎈🎈
حور.. طلعت تجري قعد وليد متنح فيها وف كل تفاااصيلها
((من يوم شااافها وهوو المسؤول عليها هو اللي رباها كان معاها ف كل خطواااتهاا لما بدت تكبر تغيرت مشااعره كان يشوف فيها اخته وبنته بس توا بدي يشوف فيها اكتر من هكي يبيها ليه بروووحه يتمنى لو كان زواجه مش بس ع ورق يتمنى لو يااخدها من كل النااااس ويهرب بيها لانها ليه🎈🎈❤️
قطع افكاره حور رجعت حضناته من ضهره وقتله انت احلى واحسن خووو ف الدنيا ((طبعا حور ماتعرفش انها زوحة وليد ولو كان بس ع الورق))
لما سمع كلمة خووو كل شي بدي يفور من داااخله الدنيا دارت بيه وحس رووحه بيهبل معاش يبي يسمع كلمة خو من حوور بدي يخبط ع الطااوله ويحرك ف شعره بتعصب قااام فونه واتصل ب
أيمن... اووو هيبه شن الامور
وليد... والله تمام ياااراس اسمع شن بنقولك
أيمن... اي نعم
وليد... بنعطيك اسم بنت نبيك تجيبلي عليها معلوووماااات تامه من يوم انووولدت ل حد توا والاهم نبي معلومات ع امها وبوهااا وماااضيهم نبي نعرف كل شي
أيمن... تتدلل ابعت الاسم بس وخلي الباقي علياااا
وليد.. والله منور ع طول تو نبعتلك الاسم توا ونبي المعلومات باااسرع وقت
أيمن... صار
وليد...تي زعييييم هي طير توا
أيمن.... خزي تمت المصلحه
وليد.. تي اقلب عليا راسك فكني من النفخ وحق ربي مش طااايق روحي
أيمن... شكلك بديت تحب
وليد... 😳😳😳😳😳😳 ا ا ا تي برا برا حب شن
أيمن..... بدي يغني بصوووت عالي وتسهويك حب ايه اللي انت جاااي تقول عليه حب ايه حب ايييييييييه
وليد.... طوط طوط طوط
آيمن... شاف ل الهاتف😳😳سكر عليا 😥😥😥
هاهاهاهاهاههاها
تاني يوم
حور... آلاء آلاء هيا فيقي وقت
آلاء.. امممممم نبيش بنرقد اني
حور... اقعدي انشالله عمرك مافقتي ونزلت
صباح الخير ماما ص الخير بابا صباح الورد اوووخي الغالي
عبير ناصر صباااح النور ب بنيتنا
وليد...😡😡 بدي يكره ف كلمة اوخي ويكره ف روووحه من مشاعره
هيااااا بسرعه وقت اني ف السياره
حور... هدا خيره
عبير... مش عارفتيه اكيد مش راقد
حور... تمام ماما راه آلاء تبيش تمشي ل المدرسه
عبير... معليشي تعبااانات خليهم يرقدو انت الوحيده اللي طلعتيلي نويشطه
حور... ابتسمت ل أمها وهي تفطر ع السريع خدت شنطتها وطلعت
حور... السلام عليكم
وليد... وع السلام هدا شن اللي ف وجهك
حور... 😳😳شن؟؟؟ ونزلت المرايا تشوف ف روحها
شن اللي ف وجهي؟؟
وليد... التشخبيط اللي ف عيونك
حور... اااه هدا م البارح ماباش يمشي
وليد... وقف السياره نزل ورجع خودي ها
حور... وايبس ل شن
وليد... باش تمسحي بيه عيووونك ياماما
حور... هههههههههههههههه وبدت تمسح
ضحكتها بلسم لقلب وليد ينسى اوجاعه وهمومه بضحكتها يحبها اي يحبها ومش عارف الحب هدا وين بيرفعه
((أنت الأجابة الوحيّدة
على اسئلة امي واصحابي المُتكررة
عن سَبب حُزني وتقلُبات مَزاجي ..📻💜))
وصلها المدرسه وكالعاده مايمشيش لين يشووفها خشت مع صحباتها
وليد... نعم
أيمن... فهمني حاجه وحده بس كيف تبي معلوومات ع مرتك؟؟
وليد.. 😳😳😳😳😳😳😳
كيف كيف
أيمن... عرفت كل شي تبيه بس صدمتي وقت عرفت انها مرتك
وليد... وكيف عرفت
أيمن... مصح وجهك انت تعرفني نجبد الحاجه من سابع ارض وتوا مش المهم كيف عرفت فهمني قصتها كيف جت هدي وهي نفسها البنت الللي ع اساس قريبتكم واهلها توفو توا تطلع ماليهاش علاقه بأمك بالقرابه وتطلع مرتك
وليد... غر تعالا للقهوة تو نهدرزلك
أيمن... تمام
وصل ايمن الكافي
وليد... هيا قول بسرعه شن عرفت
أيمن... نزل راسه ماااضيها.......
وليد... خيره
أيمن... عرفت حاجات ممكن تتقبلهااش ولاح تقدر تستوعبها
وليد...........
رايكم❤️❤️💋
