#صغيرتي 🔥1🔥
قبل 13 سنه
حور.. مش معروفه ميته والا حيه
الاب والام... قدامهااا وبرضو مش معروفين ميتين او حيين
وجوههم غارقه بالدم لحظاااات وبدت تشوووف ف الضي
بس مافيش حيل تتحرك تسمع ف
قيم راااسه كويس / نزف هلبا /حالته خطيره / المراه ميته يادكتور
حور... الكلام تسمع فيه وهي مش مصدقه كان عمرها 10 سنوات طفله تشوف ف امها وبوهاااا يفارقو ف الحياه قدامهااا 💔💔
بدت تحس ف حاجه تجبد فيها لين طلعت من تحت السياره تشوف ف زحمة ناااس امها وبوها بجنبها ياااربي شن اللي صاير شن اللي فيه وكان عقلها وقلبها اصغر من ان يستووعب هدا كله ف غاب عليها الوعي💔💔
فوزي(الاب).. هيا جاااهزين
حور... تنقز اي اي جااااهزه اني
سمر(الأم)... وحتي اني جاهزه هيا
طلعوو وكانو ف قمة السعاده
حور...بابا
فوزي... عيونه
حور... نحبك اني
فوزي حس بغصه كبيره ف قلبه قعد يتفرج عليها ف مراية السياره لحظااااات وخشو ف سياره كبيره
🎈🎈🎈🎈💥💥💥💥💥💥💥💥
فوزي تزوج من غير رضا اهله ف تبرو منه لانها كانت من برا بلاده سنين ماحدش كلمه ولاقبلو يكلمهم كان عنده خوو واحد خو دنياااا مش خو اب وام كان صديقه وخوه وكل شي بالنسبه ليه وقف معاه ف اوقات ضعفه وحزنه وفرحه وكل تفاصيل حياته يوم وصل ل المستشفى طلب من الدكتور يكلمهوله بحيل هلبااااا مهدود وفعلا جي ناصر
ناااصر.. ياااااربي لا هدا انت فوووزي لا بالله يااوخي ماتمشي وتخليني
فوزي... لحظاتي ف هالدنيا بدت معدوده يانااصر ياخوي ماعندي غيرك نحملك حملي قبل نفارق دنيتي
ناااصر.... يبكي 💔💔
فوزي...ياناصر بنتي في أمانتك يااناصر
ناصر... 🥺🥺😳😳ماتقولش هكي ياخوي بعون الله تنوض مافيك شي وانت اللي تربي بنتك
فوزي... ياناصر عارف دقايقي معدوده وراس خوي تاخد حور و و وزوجها لواحد من اولادك
ناصر... 😳😳😳😳😳😳
فوزي.... عطيني رد ريحني قبل تطلع روحي
ناصر... بس بنتك صغيره كيف بنزوجها
فوزي... دير حل نبيها تعيش معاكم بطريقه شرعيه وراس خوي خليني نموت مستريح
ناصر.. بعد تردد وخوف وحيل منهد تأوه بقلة حيله من الحمل اللي حملهوله فوزي اااااه شد يده وقاله (وهو يكابر في داخله ميت ع صاحب عمره االي يلهف ف انفااسه الاخيره ف الدنيا) ح ندير كل اللي نقدر عليه وبنتك ح تعيش معاي براحه وحب وأمان ح نكونلها أكتر من أب
فوزي... الحمد لله ربي يسترها عليك دنيا وآخره ربي يكافيك ع اللي درته معاااي مريحني ف حياتي وريحتني حتي ف م م م م م موتي رزن لسانه بدي يحس ف حاجه تتحول من جسمه رجليه ماتو والروح بدت ترقى عرف روووحه ف حالة الموت شاف ل ناااصر وقعد يتلفظ ب آخر كلماته ف الدنيا
حور حور حور ياناصرااا ااا ااا 🥺🥺🥺🥺
نااااااصر.. لااااااااااااااااااااااااااا فوزي فوووووووووووووووووزي
سمعوه الد والممرضات جو يجرو💥
اطلع برا لو سمحت
ناصر...🥺🥺🥺🥺🥺🥺🥺طلع البرا
الد...لحقه (بنظره حزينه عظم الله لكم الأجر
ناصر... 🥺🥺🥺🥺🥺😭😭😭😭😭😭😭😭
لاحول ولاقوة الا بالله وهووووو يبكي ومش مصدق كيف صاحب عمره ف لحظه يموووت قداام عيونه ياااااااااربي 💥💥😭😭
قعد مقعمز ف السياره قدام الحوش منزل راسه ويبكي💔شويا وسمع
طق طق طق طق طق ع باب السياره
ناصر... شاف بخلعه هيييييء
وليد... 😳😳😳بوي خيرك وكتر من الطق ع الباب افتح يابوي افتح
ناصر... يشوف ف وليد ويحس ف روووحه مكسووور من اللي صارله وكيف فقد صاااحبه ومكسور اكتر من الحمل الكبير اللي حملهوله فتحله الباب اللي بجنبه وأشرله انه يركب معاه
وليد.. خيرك بوي شن في
نااااصر.... عمك فوزي
وليد... خيره
ناااصر.... توفى😭😭😭😭😭😭
وليد.. لاحول ولاقوة الا بالله العظيم ان لله وان اليه راجعون
نااااصر... قعد ساكت هلباااا ويسمع ل كلام وليد
وليد.. ع قد صغر عمره بس هلبااا كان عقله كبير
عمره 19سنه بس كان اللي يشوفه او يسمع كلامه مستحيل يعطوه أقل من 30
بوه كااان هلبااااا مركز معاه وف كلامه وف خاااطره يقول مافي حد ح يتحمل معاي الحمل هدا غيرك انت ياوليد سااااامحني
ناصر... وليد بنقولك شي
وليد... تفضل
ناصر... عمك فوزي قبل يتوفى وصااااني وصيه
وليد... 😳وشن هي
ناصر... تعرف ان عمك عنده بنت وان هوو شبه مقطووع من شجره وحتى مرته توفت الله يرحمها وصاني اني ..............
وليد... تكلم يابوي
ناصر.... وصاني نتكفل ب بنته
وليد... كيييييييييف؟ بتتبناها يعني
ناصر... لا هو ماكانش يبي هكي
وليد... وكيف بتعيش معانا وحده مش من دمنا؟؟
ناصر... يبيني نزوجها ل واحد منكم
وليد.... ششششننننننننن😳😳😳😳😳😳😳😳
ناااصر... اااااااااااه ياولدي نبيك تحمل معاي الحمل الصاااعب هدا
وليد... كيف يعني
ناصر... يعني تتزوجها انت ومش الزواج اللي ف بالك اصلا هي طفله عمرها 10 سنين بس ح يكون زواج ع ورق بس ومش ح نقولو ل الناس المهم باش تقدر تعيش معانا وهدي رغبة بوووها واني نقدرش ندير شي غير هكي
وليد... يشوفله بنظرات استغراب كيف يعني كيف مافهمتش يعني تبيني نتزوج طفله؟؟ باهي وقرايتي ومستقبلي
ناصر... وليد من جاب سيرة قرايتك ح يقعد كل شي طبيعي مش ح يتغير شي اللي موجود ف الاوراق ح يقعد ف الاوراق وانت ح تعيش حياتك عااادي
وليد... تنهد بقلة حيله وحس ان ف مووقف مايقدر يقول شي الا تمام ل بوووه
اااااااه تمام دير اللي يريحك ونزل م السياره
ناصر... حس برااااحه كبيره💕
نزل وحكي ل مرته
عبير... شنننننننننن؟؟؟ 😳😳😳
ناصر... بالله عليك ياعبير اني تعبااان وماتبديش تزيدي فيها عليااا
عبير... كيف ياناصر كيف فهمني تجيب بنت بين يوم وليله لحوشنا وطفله وفوق منها تبي تزوجها ل وليد
ناصر... ياعبيييير تعوذي من الشيطااان
عبير... اعوذ بالله من شر الشيطان الرجيم
ناصر... الموضوع هدا بيني اني وانت ووليد بس مش ح يعرف ب قصتها جنس مخلوووق ف الدنيا وح تقولي انها بنت قريبتك توفت وماعندها حد
عبير... لاحول ولاقوة الا بالله يستر الله وخلاص
ناصر ((عنده 3 اولاد و 3 بنات))
محمد الكبير 23
وليد المتوسط 19
أنس الصغير 12
روان الكبيره 21
آلاء الم 10
بيادر أصغر وحده ع 7 س
تاني يوم
👇👇👇
مشي ناصر ووليد ل المستشفى وكمل اوراق البنت بيطلعها
طبعا ناصر عطاه وسلمله كل شي قبل يموت💔
اول مافاتو للروم كانت راقده او تهيألهم انها راقده ومتغطيه كلها بالغطا
ناصر... بدي يمسح ع ظهرها حور بنتي هيا نوضي يابابا خلي نروحو
حور... بحركه طفوليه بدت تحول ف الغطا بشوياااا تبي تشوووف من
نااصر... تقطع قلبه ع منظرها وخااصه بعد شاف عيونها كيف معبيات دموووع لما شافت ناصر بدت تبكي
ناااصر... خلاص ياحووور اسكتي 🥺🥺ماعرفش كيف يتصرف معاها
حووور... بدت تبكي وتعيط بصوووت عالي
وليد...من داخله يتأفف بملل ايااااااح هدي من اولها قطع عليه تفكيره كلامممممم حووور
حور....نبي باااابا نبي ماما جيبووووووولي بابا وماما نبيش حد اني نبيش حد اطلعووووو براااااا
وليد.... 💔💔💔💔💔صغيره البنت صغيره ع الحمل هدا مسكينه
قرب منها
وليد.. حور بابا وماما قالولنا نروحو بيك قبل وبعدين يجوك هم
حور... تشوف ل عيون وليد ❤️
وليد.. هيا نووضي نمشوو توا ويمسح ع شعرها
حور... شدت يده حضنتهاااا ب برائه وبدت تبكي
وليد... انصدم من المنظر وشااااف ل بوووه بنظره حزززززينه
ناصر... رجعله نفس النظره💔💔
خدو البنت وطلعو بيها اول ماخشت الحوش استغربت المكان بدت تعيط وتبكي💔💔💔💔
عبير... ياااااروووووحي ع منظرها 💔💔
قربو منها البنات وحاولو انهم يضحكوها ويلعبوها بس مافي فايده قاااعده تعيط
وليد.. ل لحظه فقد اعصاابه لما تفكر ان ح تكون مرته ونسي معاناة البنت عيط عليها
هيييييييييييييييييييي انت اسكتي يااااسرك م العياط
حور... وهي تشهق هيء هيئ هيئ بدت تبكي من غير صوووت وهربت ورا الباب متاع الدار
ناااصر.... خيرك انت هبلت والا خيرك كيف تعيط عليها هكي تي طفله هدي طفله وفوق هكي كيف فقدت امها وبوهاااا
وليد.... بملل حرك يده ورقي ل داره وهو يخبط ف كل شي يجي ع طريقه
حووور..... ساكته وتشهق وخااااشه ف بعضها حاضنه ركبتها وغارسه راسها بينهم
ع قد ماحاولو معاها مابتش تطلع م ورا الباب قاللهم ناااصر خلوها ع راحتهاااا
حور...عنيده هلبااا
وليد... ع صغر سنه بس كانت عنده هيبه تقتل والكل يهابه ويخااااف مته وحتي حور بدت وحده م اللي يهابوه😊
فاتت ساعه و2 و 3 وحور قاعده ورا الباب
وليد نزل جاته روان
روان... وليد البنت من بكري قاعده ورا الباب
وليد.... 😳😳😳😳
روان... ماكلت شي ومابتش تطلع خااايفه منك
وليد.... مشي بشويا قعد يفتح ف الباب وحور ترقي ف وجهااا ل اللي واقف لما شاااافاته وليد زادت غرست رااااسها ف وسط رجليها وبدت ترعش
وليد.. هلباااا سخف ع منظرها 💔💔
حور قيمي راسك
حور... تهز بكتافها بمعنى لا
وليد... نزل وحط يديه ع راسها
حور... قامت راااسها ومن خوفها منه ماعرفتش شن ادير الاا تحضنه حضن طفووولي حضن خوووف وأمان ف نفس الوقت
وليد.. 😳😳😳😳
👇👇👇👇👇
🔥الكاتبة أرجوان الشريف🔥
رايكم😍😍😍😍
