كال
كومي سويلي سم
مجاوبته الضاهر متاخر اللي مكدر يتريك طبعا اذا البارحه لل2 يله نام. كمت جريت نفس شلت المنشفه وعلكتها غسلت وجهي طلعت للمطبخ وانصدم بزين كاعد توه وبايده البطل فارغ وعيونه حمر وجهه معصور مثل الشارب شي مر فكيت عيني كلها عزه بعيني زين. ماما كخ ذبه ضل يكح مخنوك اريده يجر نفس ماكو مخنوك. شوي وجر نفس وكلسا كاح يابه تخبلت من صدك طلع ضياء باوع عليه فك عينه كلها
هاي شنوو
شنو عيني شكو مستغرب لتستغرب عادي شرب الباقي مالتك اللي بقيتلهيا صحت
شوكت كعد غير تنتبهين
شنوو. انتبه خرب حضي انت عايفه كعد الطفل عطشان وشربه
بقه يباوع قرفص كبال زين شو بابا باوعلي وزين يكح ووجهه احمر وعيونه مدمعه وكلسا يريد يذب من راسه
شون يا الله شون شسوي
بس هيييييي ماكو شي لتتخبلين
شنو ماكو شي شارب. طفل شارب خاف ياثر عليه خاف يصير بي شي
ماكو شي هسه ينام يكعد مابي شي لتصيرين مخبله
اي هو اني مخبله وابنك مخبل بس انت صاحي
لهنا وومكدر يسكتلي بعد ضربني راشدي رجعت ليوره لزمت خدي بقه خازرني همس
سكتت هواي تره تجاوزي مره لخ وشوفي اليجرالج من انعل ابوج يابو الجابج عليه مركز موكفه على حيله بحرف يطلع مني وانتي جايه تلوصين بالحجي تره ساكت الج لخاطر زين والا والله اطلعج بليله سوده منا لا الج لفاي ولا بيت يلمج بتتتت الكلب
بلعت ريك باوعت لزين يشهك بهدوء ودموعه تجري خايف شلت زين وطبيت جوه بس مشيت كم خطوه وزين كح وتقيا ركض طببته للحمام وضل يتقيا ويكح
لك ماما جر نفس
ويرجع يتقيا ذب كل الماكله قبل يوم غسلت وجهه دااطلع شفت ضياء صافن عليه بقلق سبحته لزين وهو واكف بالباب مراح شلته واخذته لغرفته بدلتله وهو يرجف ويبجي مزعوج غطيته بفراشه مجلب بيه. نمت يمه انداريت عالباب شفت ضياء واكف يباوع علينا من درت وجهي وطفيت الضوه اليم ايدي طلع وسد الباب بهدوء
شكد حقير واني هم مااستحي موزين منه ساكت بس اني علموده دااحجي اوووي شسويله وتذكرت كلامه
لخاطر زين. لخاطر زين مبقيج غمضت يعني كل اليجمعنا زين باوعت لزيون امسد بشعره مغمض والشهكه بي.
يعني كل العشته وياه من احساس جذب بجذب فعلا لا الي لفاي ولا الي بيت يلمني. اخ ربي شكد توجع هالكلمه غمضت عيني. مكدرت انام بعد فعلا مستني هالكلمه المفروض باجر تجي ماما للضهر مكدرت انام واروح واجي وزين نايم مكعد صعدت انو الباب مقفوله قافلها العاقل مالتي تباوع من شباك الباب الصغير كالت
زيون
بارت١٥
Start from the beginning
