بين الجدران

للحظات مرت وصار إنزال جوي ومحاصرة بيت ابو امين وطوقوه أمريكان والحرس الوطني من كل جهات

تم اعتقال فهد وجميع إخوته وحتى ابوه من قبل أمريكان
ظل يريد يعرف اشصار كلها لحظات وهو بالكراج مقيد والجيس براسه ومعصوب العينين جان يسمع صوت ابوه يتوسل بيهم ان مياذوه ظل يصيح عل ابوه ان ميخاف عليه وان يدير باله عل صحته ظل يتوسل ان يتركون ابوه المريض بحاله لكن ماكو اي احد يسمع حطوه بالهمر وتم نقل للمطار المثنى بمروحيه........

********
كل يوم يمر جان اتعس بالنسبه الها من قبل ابنها بدا يكبر ولسه هو بلا جنسيه وماعنده شي يثبت نسبه كل الي عدها ورقه عقد غير مصدقه
ايديها بدت تخشن وظهرها بدا يتقوس شغل اكثر من عشر ساعات ومن ترجع ابنها وحاجاته ذبل كلشي بداخلها متعرف اخر مرا شوكت اهتمت بروحها او حتى مشطت شعرها  وزاد همها ابتعادها عن انعام الي جانت وياها بالشغل تخفف عنها.....
رجعت بذاك اليوم متعبه اتمنت حضن امها اتمنت حتى لو شوفه ابوها شكد اتمنت ان سمعت كلامه وما طاوعت كلام ياسين اتمنت لو ظلت بذاك اليوم ماطلعت من بيتهم
البيت الي جانت عايشه بيه بعز ودلال
حب ابوها وامها وخوف اخوتها عليها كله هذا فقدت بمسمى الحب
الحب الي شافت من وراها الويل والعذاب حطت رأسها عل مخده وبدت تغوص بالماضي
_ديمه هاي اسبوع واني احاول ويه ابوك قافل يريد اطلگ
_لا تستسلم اموت والله
_ديمه انت زوجتي لازم تختارين لو ننهزم لو نفترق
_ياسين نزوج وانت ظل مزوج
_لازم موافقه زوجتي هذا القانون وهيه اكيد متوافق
_شلون ياسين مااكدر انهزم
_ ننهزم للشمال واهناك نزوج بعدها راح اهلك يسامحوك
_ ومرتك شلون
_اطلكها واكدر بذاك وكت ازوجك.....بس انت طاوعيني
_اخاف
_لاتخاف احنه مزوجين واهلج وعماج يعرفون انت زوجتي
_ياسين واهلي
_بمرور وقت راح يسامحوج انت اهنا مو جاي تهربين ويه رجل غريب لا انت ويايه واني زوجج
خليني افكر
_لي عكب باجر عندك ديمه لو نبقه سوا لو كل واحد يروح لدربه وانت فكر زين

ظلت بذاك اليوم تفرفر بالبيت تريد تعرف شتختار هذا ابوها الدللها وهاي امها الي مايوم اذتها
وهسه تجي بكل بساطه تاذيهم
لكن شسوي لازم تتخله عن حبها بكل بساطه
بذاك اليوم نامت للفجر وماهتدت للحل وظلت للظهر نايمه وسعاد دردم عليهها مكدرت تجاوبها ظلت بفراشها ومتعرف شسوي حايره اجت عليها امها
ها يمه خيرج ليش ليهسه نايمه
من حجت هيج امها ماتحملت وكامت وحطت رأسها بحضنها وأنفجرت بالبجى كأنما جانت تحس انها هاي آخر مرا تحط رأسها بحضن امها
يمه اصملله شبيج
يمه تعبت اريد انام بحضنج ولاتكوميني
يااا راح يجي ابوج كومي سويلج شغله وسكتيها هاي حيزبون من الصبح ليهسه هيه تلكلك
يمه خليني نايمه بحضنج
يمه شبيج احجي خاف مريضه
لا يمه مابيه بس محتاجه لحضنج
ظلت ديمه حاطه رأسها بحضن امها وتشم بريحة امها بذيج اللحظه قررت أن تترك أهلها وتنهزم ويه ياسين......
******************
بذيج الليله انعام اتمرضت وحرارتها ارتفعت وكامت تهذري بااسم ميثم
ظلت امها عل رأسها تسوي الها كمامات
في الصباح مرت عليهم ديمه وشافت حال صديقتها
حارت شلون تخلي ابنها يمهم فلازم تساعدهم اول شي سوته بلغت ابو مطعم عل مرض انعام
وبلغت عمر انها متكدر تجي لانه ابنها مريض سدت الخط
خاله خلي نوديها عل مستشفى
منو يودينا بهل برد
تكسي خاله
لحظه خلي أبلغ جيرانه تخلي ابنج يمها
اي خاله لحظه خلي احظره
من نزلت جوه حتى تشوف سيارة شافت عمر گبالها جانت عيونه كلها دموع
خيرك استاذ عمر
ماكو شي بس حبيت اطمن عل ابنج
والله استاذ سامحني اني جذبت عليك ابني بخير بس انعام هيه مريضه
سلامتها
الله يسلمك
خليني اساعدكي
لا خاف اسوي عليك زحمه
لا بالعكس اني حيل مكتئب ومعرف ليش جيتو عل هوني رغم اني وعدت ان ابتعد عن طريق صديقتج
يله اجيب سيارة من الكراج
صعدت عل عجل وحضرت صديقها الي جانت شبه فاقده من حرارة الي بجسمها
طريق كله انعام  جانت تردد ميثم لاتعوفني  و عيون  عمر عليها
منو ميثم
ردت امها انعام يمه وليدي خطيبها الله يرحمو
الله يرحمو
رغم كل ياس الجان بيه من سمع بالاخبار ان خواله وجده اخذوهم أمريكان وحاله امه تعبانه وبجيها عل أهلها بس خبر ان انعام خطيبها متوفي هل شي سوا عنده امل ضعيف
بعد إجراءات طويله تم تشخيص مرض انعام نزله شعبيه حاده ولازمها راحه ودفو
للعصر بدت انعام تستعيد وعيها
الحمدلله على السلامه حبيبتي خوفتينا
اني وين
بالمستشفى
عطشانه
هسه اجيبلج مي
طلعت وشافته بعد واكف نفس الوكفه
اسفه والله نسيتك والتهيت ويه انعام
لا عادي حبيت اطمئن عليها
اي بس اجيب مي واجي
لحظه انا اجيب خليكي معاها
دخلت ديمه ومتعرف شلون راح تبلغها ان عمر برا ويريد يطمن عليها
انعام حبيبتي الشاب الي نقلنا عل مستشفى برا يريد يطمن عليج
كامت ام انعام عل حيلها
وي لساته واقف بغا خلينو يدخل
اي حاضر
دخل عمر وعيونه عل انعام الي من شافته ارتبكت
اشجابك هوني
جيتو اطمن عليكي.
(ام انعام) وي انعام اشبيكي ولد جابنا عل مستشفى
اتفضل ابني الله يحفظك للشبابك
ارتسمت عل محياه ابتسامه خفيفه وهو يحس بهل دفو
الي هو مفتقد امه وحنانها مفتقد شي من ريحة بلده قربه من هاي عائله يذكر بالعراق ويذكر باامه وكلشي حلو جان بحياته
ماحبيت اطفل عليكم
لا ابني احنه اهل وانت ساعدتنا
واجبي هذا خاله الحمدلله على السلامه انعام
اول مرا تسمع اسمها منه رغم مرضها بس ماحبت وجوده بالغرفه وظلت ساكته متريد تحجي وياه اي كلمه
حست ديمه بنية صديقتها اخذت بطل المي منه واشرتله ان يطلع برا

استاذ عمر لاتاخذ عل خاطرك منها
لا بالعكس مصاغ شي
اريد احجي وياك شي بس ماريد انعام تعرف
اي اتفضلي
انعام مسكينه وهيه خوش ابنيه بس هيه عدها صدمه جبيره لهذا هيه تبعدك عنها
تقصدين موت خطيبها
اي
هاي الدنيا كلها صدمات
لمعت عيونه وكعد عل كرسي
كلنا اهنا بهل غربه لان ورانا قصه مؤلمه فضلنا الهروب لبلد اخر
اليوم انت وضعك مخربط امبين عندك شي
صراحه مشتاق كثيغ لاامي وللموصل
الله يعينك
امي مريضه
نيالك
شنو
تعرف شي عن امك
صدك تحجين
انت گلتها كل واحد بينا بهل الغربه لان وراه قصه مؤلمه
ظلت ديمه ساكته وتتمنى تعرف شي ولو بسيط عن امها الي تركتها من سنين
تتلالئت الدموع بعيونها
_كلبت عليكي مواجع
_گلي شبيها امك
مريضه حيل
الله يشافيها
طيب انا اغوح
الله وياك
ظلت ديمه تذكر شصار بيها من قررت أن تترك أهلها وذاك اليوم جان نقطه انقلاب بحياتها كلها نقلها من السماء إلى قعر جهنم......

ام احمد