تركتها امها وطلعت وهيه ظلت وحدها رغم كلشي هيه ظلت متأكده ان هو يحبها وراح يرجع علمودها...........
********
_فهد اشبيك انت
_اشبيه
_رونق
_اشبها
_تشكي منك أن ماطيقها ولا حته تختلي بيها صار سنه وسته أشهر ماشتاكيت الها
_طول فتره حبسي ماجت عل بالي لحظه وحده
_والله خطيه هل ابنيه تعمل هاكذ بيها
_مريم ماحبها اشعمل ماحبها هو الحب بالكيف
_لاتعصب بس لا تقصر بواجباتك الزوجيه
_راح احاول
_بعد شي
_اشنو قولي
_تقول انك تغوح عل ذيج المنطقه
_ايو! اشنو..... هيه اشمعرفها ها اشنو هيه مراقبتني!
_اسمع فهد لاتعمل مشاكل مع بيت عمنا المرا ازوجت وانتهى الموضوع
_اعغف انتهى الموضوع اسمعي الله بسماه اذا عرفتوا هيه مراقبتني متصيغ الي مغا بعد
_فهد اعقل وفكر باابونا مشاكلك هاي تلوحنا احنه هم ولاتخغب علاقتنا اكثر مما هيه خربانه مع بيت عمي عوف نور بحالها
_شوفي انا اعغف جاي اعملو غلط بس اشعمل لقلبي يغيدها هساع بس قلتي اسمها حس قلبي يغيد يقف
_لا حول ولا قوة الا بالله فهد اعقل أبويه فكر بالفضيحه
ظل يفرك براسو ويروح ويجي بتوتر
_قلي كم مرا غحت
_مرتين
_واغشعتها
_ولامغا بس اغشعها ارتاح
_اوف عل هل الحب هذا.... قلي ابوي اشقلك من شاورك
_مااطيق اخبرك
_يااا ليش
_بعدين تعغفين انا غايح......
_فهد لاتغوح عل بيت نور بعد
_لا رراجع عل بيتي
مايعرف شلون عل سريع رجع بس يريد يعرف شلون عرفت مرته بالموضوع
_وينكي خرا
_يمه اصملله اشبيك وعليش هل خرا
لزمها من شعرها ويهز براسها اشعرفك انا وين اغوح
_اخ يمه غاسي اخ ول أبويه عوفني راح تشلع غاسي
_ولكي احكي لا تظلي تحربين احكي
_اخوي غشعك والقراعان ما طلعتوا ولاطبيتو
_اخوكي المصخم اشيعمل هونيك باب طوب
_مغف اخ يابه عوفني غاح اموت
_امشي هساع من خلقتي لاخالقي
_كله علمود نور هاكذ تسوي
_والله جيبين طاريها بعد اموتك خلاص
ظل يكسر بالغرض ويفشر عل نفسو وعل مرتو داخله يعرف ان غلطان وجاي يسويه أكبر غلط بحق مرته لكن هل شي مابيده
************
ظل عمر يحاول يستغل كل فرصه تصيرله ويروح يشوف انعام ويحاول يتقرب منها
ظل واكف گدام المرايه بدا يلبس ملابسه و رش عطره دخل عليه بلال
_ويصب غيح
_سهره عندي
_عمر عل شنو هل سواد
_لاتبدي بلال ارجوك
_عمر يكفي حزن وسهر وضيع عمغك
_هاي محاظره كلها علمود لبستو اسود
_لاع علمود سهرك وبعدك عن رب العالمين
_بلال لا كلما اطلع تنطيني محاضره اما لبسي سواد هاي حريه شخصيه
_اني اخوك والي صاغ قدر انت مالك ذنب
_يكفي يكفي مراح اسامح نفسي ابد ابد ولاتنطين أعذار اني مذنب سمعت مذنب
_طيب طيب مااطيق احكي معاك إذا مو تنفجر بيه
لبس ساعته وعدل شعر
_انا غيح ولاتقول لاامي عل سهري سلام
ماكدر يطلع فكره من باله لازم يروح ويشوفها ظل يمشي لمن وصل مكان عملهم وظل ينتظر خروجهم رغم قساوة الجو بس شوفتها تدخل لنفسه الدفو والراحه
الراحه الي فقدها من ترك العراق وترك امه صار بارد يحوطه الثلج بكل زواياه رغم دخوله للعلاقات عديده بس ظل بارد ويه الكل محاوط نفسه بالسواد كأنما هذا الوان يعبر عن ما بداخله من جمود وبرود
ظهرت كدامه مثل الشمس تبعث بنفسه الدفو
الحراره الي ذوب داخله من جليد ظل يراقبه بعيونه جليديه تقدم نحوها متأكد من نفسه بخطوات متزنه وثابته وصار گباله يوشحه السواد وعيونه تتركز بيها
_خير اشجابك هوني
_كيفكم جيتو بلا سياره قلتو جو باغد نمشي بيه
_دمك ثقيل والله! ديمه ان غيحه انتِ اغشي هل مجنون اشيغيد؟
لزمها من ايديها وكفها اتفاجات بتصرفه
_شهل وقاحة العندك لا طخني
_خلي نمشي شويه واسمعيني واعرفي ماطيقين تجاهلين
_انت وقح دفعته وظلت تمشي خطواتها الغير متزنه خلتها توكع عل ثلج
ظلت ديمه تراقبهم منظرهم دخل جواتها احساس فقدت من زمان قررت تعوفهم وتمشي
ركض عليها ومد ايديه يساعدها
اتجاهلت ايده وكامت عل حيلها ظلت واكفه وتشوف ديمه مشت وعافتها
_هاي صديقتج تركتج
_وشنو يعني قابل ماندل طريقي
_اشبيكي خلينا نحكي
_ماعندي حكي معاك
_ليش هل شراسه
_مادخلك ظلت تمشي وتتعثر ارتباكها وخوفها ان تظل وياه لوحدها زاد من توترها
_شنو سر هل حلقه باايدج... ولزم ايديها
_لا انت طوختها كثيغ لاتلمسني
_ليش تصديني... انا كثيغ معجب فيكي
كلماته كانت مثل مطر غزيزه عل ارض قاحله متعطشه للارتواء
_اشتريد مني
_أسألك سؤال واحد وجاوبيني
_اشنو؟
_اكو احد بحياتج
وكفت وهو صار گبالها
_ليش تسال
_جاوبيني بس الله عليكي تحكين الحقيقه
_ماخصك انت
_قلتولكي مااطيق عل بعدج اشعمل وربي افكر بيج ليل نهار
_انت تحكي صدك
_وربي انا ماجربتوا هل احساس بحياتي كلها
ظل كبالها وحس بيها اتاثرت بكلامه حس باانصهار جليد داخله بنظراتها وعيونها تركزت بيه لزم ايديها
وخرت منه
_اسفه اني مرتبطه وحلقه باايدي أكبر دليل عل كلامي
كلامها وكع عليه مثل صاعقه.... تركته ومشت ظل هو متبسمر بمكانه غمض عينه وفتحها وهو يشوف ابتعاد خطواتها عنه صاح بعلو صوته
إذا كنتي تكذبين اعرفي انج قتلتيني
وكفت من سمعت كلامه.... وكملت طريقها لفت جسدها بمعطفها ونزلن دموعها حارات عل وجناتها البارده حست انها ذبحته بهل كلام... داخلها ميت لساتها مانست ميثم لساتها تذكر كل نظره وكل لمسه منه هيه لساتها مانزعت الحلقه من ايديها من لبسها الها هيه ماجرات ونزعتها..... وصلت للعماره بدل ماتصعد لشقتهم خافت من ان تشوف امها دموعها نزلت يم ديمه صديقتها بلا ما تطرق الباب دخلت وسدت باب بقوه وسندت ظهرها عليه وكعدت بالكاع تبجي شافتها ديمه
_اكيد خربتي كلشي
_ليش عفتينا
_خربتيها مو
_انتِ من كل عقلج اكدر انسه ميثم بكل بساطه
_لا ظلي لابسه حلقته وادفني روحج بالحياة
_ديمه مااكدر اقشمر عليه واكدر اعيش وياه واني لساتني عايشه بحب ميثم ولمسته لسه احس بيها
_العمر يركض بيج واني اشوف هذا الشاب مناسب ان تبدين وياه من جديد.... اكلج من صدك شسمه هو
_مااعرف.... يمكن اول مرا صعدنا وياه كال اسمه
_اي شنو جان
_مااعرف نسيت
_انعام حبيبتي اطلب منج ان تحاولين ويه نفسج ومراح تخسرين
_اني قتلولو اني مخطوبه
_صدك تحجين
_اي
_شسويلج كلمن عقله براسه يعرف خلاصه
_وانا مااسمح لااحد يحتل مكان ميثم
_انعام اني مضطره اكول لامج لعد
_ياااا صدك ليش
_اني اريد اساعدج وانت مجاي تقبلين
_اول مرا راح اكلج لا دخلين ديمه رجاءا
عافتها وطلعت واول مرا منذ ثلت سنوات يصير بيناتهن زعله
،،،،، ****************
اتحطم داخله وحس بروده داخله اتمنى ان ماملتقي بيها ليش هيجي حظه صح هو عنده علاقات هوايه لكن ولامرا حس بهل شعور اول مرا يحس بالدفو بعد سنين طويله من احاسيس المبعثره ركب المترو واتوجه لااقرب بار
ظل يشرب يريد يطلعها من عقله ميريد يفكر بعد بيها
مابيوم جان مخلي باله ان يحب وحده ويعيش حياته هو خلال خمس السنين الفاتت عاش حياته كله يهرب من حقيقه وحده ملاحقته انه جان بيوم سبب بموت اخوه الصغير .........
ام احمد
َّسأّمَحٌوِنِيِّ عٌلَ تّأّخَيِّر 😢
بين الجدران
ابدأ من البداية
