بين الجدران

*************
حطت ابنها بفراشه وغطته زين اتمنت عدها مرايه وتشوف نفسها فتحت شعرها وبدت تمشط شعرها وماتكدر اذا ماتذكر الماضي الي يحل ضيف ثقيل عل صدرها

وكفت كبالهم امها وابوها واخوها  وكالت اي اقبل اني موافقه
ظلوا امها وابوها  ساكتين
امينه خليج شاهده عل كلامي اني نصحتها بس هيه مصصمه ان تستمر
_يمه بنتي بعدج صغيره
_يمه انتوا ردتوا موافقتي واني موافقه عليه
نزلت رأسها خافت من عيون اخوها الي جان ساكت ومتحامل عليها
_هاهيه امينه بلغي الزلم تجي
حست بحراره تصعد رأسها هيه تعرف انهم وافقوا عليه هاهيه السعاده كلها كدامها تتمنى ان تطير وتروح تبلغه بالموافقه
رغم ان ياسين ماعنده لا خوال ولا عمام جاب اخوه واخته وكم واحد من اصدقائه والشيخ  وقروا الفاتحه..... بذاك اليوم ظل ابوها متضايق لان عقدوا عل مذهب ابا حنيفه النعمان مو عل مذهب الجعفري من شاف ياسين توتر الجو گام وباس ايد عمه وحضنه وتشكر منه هوايه بلهجته ركيكيه حاول أن يمتص غضب عمه
بالنسبه الها من سمعت هلاهل اخته حست بفرحه عظيمه ودها تطلع وتركص من الفرح
واخيرا راح تصير ملكه وتكدر تحجي وتشوفه بلا اي قيود
مرت يومين وهيه تنتظر موافقه من ابوها حتى تطلع وياه بس ابوها ماقبل وبلغها ان يجي عادي اهنا وماكو طلع وحدهم
اخذت سماعه هاتف
_ياسين ماقبل نطلع
_ليش مو صرنا مخطوبين
_لازم نعقد بالمحكمه ووالدي يكول الا نشوف ورقه طلاگگ يله تعقدون محكمه
_اي ان شاءالله مابقه شي واطلگ ونطلع ونروح
_ياسين مهمها كان وضعنا اني ممصدكه ان اني وانت صرنا البعض
_كتلك اني مااياس وراح احارب لأجلك
_فدوة حبيبي المقاتل

مرت ايام بحلوها ومرها صح متشوفه هوايه بس فرحانه مرات يوصلها للمدرسه ويلزم ايديها جانت كلها عدها احله من العسل مرت أشهر وطلاك ما وقع أبين ياسين ومرته وبدأ ابو احمد يشك بالموضوع
_وينج ديمه ديمه
_بلي يابه
_هذا خطبيج كذاب لا اكو طلاق ولا شي
_منو كال
_ليش ماكو لحد هسه اي ورقه وشوكت يعقد محكمة
_يابه اكيد اكو سبب
_اي هو كلاوجي وشافنا سود عباله هنود اليوم يجي واحجي وياه
_صار راح ابلغها
_وبعد ماكو يوديج للمدرسه افتهمتي لمن يعقد بالمحكمه عود خليه
_صار يابه
بدت أمور تطلع عن سيطره اكثر من ياسين بذاك اليوم مااجه عل بيت ابو احمد وظلت ديمه تنطيله أعذار وتليفون ميشيله
استمر هل حال اسبوع ماكو اي خبر عن ياسين وابو أحمد قرر يفسخ عند السيد
ظلت هل ايام هيه بس تبجي ماعدها بس تدعي الله ويرجع ياسين وتعرف ليش اختفى عل غفله
جانت سعاد دائما تسمع ديمه كلام جارح لو تستغل جو مكهرب وتسالها كدام ابوها عنه ويتوتر الجو بالزايد كامت ماتطلع من غرفتها وحتى للمدرسه متروح
دخلت عليها امينه
_يمه شبيج هيج موته روحج عليه طز بيه وبعدنا احنه عل بر
_يمه لاتكولين هيج اني متأكده اكو شي خلا يختفي
_لو يحبج مايختفي ويعوفج
_متأكده يحبني واصراره عليه وقاتل علمود أبويه يوافق عليه كلها علمود اني
_اي افتهمنا بس هذا مو مبرر ان يختفي بلا سبب
_راح يظهر ان متأكده وراح احط اصبعي بعين كل واحد يريد يشوه سمعته
_يمه منج نصبر والله كريم ونشوف ياسين أفندي