Neeew morning 💕
ناضت ميليسا بسيف لبست حاجة خفيفة كان شويا برد
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
رفدت ساكوزوها وخرجت دايرة كيت ماشي سامعة بناس ماهيش ف مود ديالها 😒
لحقت لافاك بكري غير العادة 🙂
قاعدة تكنكتي حتى لحق وقت شافت سلمة جاية مع عماد جات ليها سلمت عليها وهي ساكتة
سلمة تحكي معاها وهي غير ممم وي اوك
تقلقت: وشبيك ياطفلة ليوم راكي هكا ماشي عوايدك
ميليسا : والو والو سمانة جاية راهو جاي خويا ني نخمم برك
سلمة : تكدبي عليا ؟ واو ،،،،، وشبيك !! احكي والله نهبلك حتى تحكي 🙂🙃
ميليسا محبتش تحكي : ساكتة ........
س: اهدري حتهبليني وش صرااا بارح علبالي بلي رحتي لدار حسام ! حكالي عماد
ميليسا : بصح كي حكالك علاه راكي تسقسي بففف
س: بسكو ؟ يبقرة كون ميعجبكش ومراهوش في بالك متزعفيش كامل هكا من هدرتو :٤
م: مزعفتش من هاديك شوفي بارح مع من كان عندو صحبتو 😗 هو عاوني بسكو غضتو ماشي علجال نعجبو ولا حابني نكون معاه المهم هيا ندخلو عندنا TD
دخلو قراو خرجو يفطرو ميليسا بدات تاكل ومشنفة وتتفكر الهدرة تاعو تزيد تتقلق وتاكل
سلمة: يبقرة بعقلك راح تجيفي هدا كامل تقلاق
ميليسا : نووو ني جيعانة برك تاكل وغاطسة فماكلتها حتى تشوف حاجة كحلة فوق راسها كان حسام يشوف فيها مستغرب ؟
حسام : 😉🙁🙁 يطفلة وشبيك تاكلي هكا كارثة هههه
هي لابروميار فوا تشوفو يضحك غاست فيه تبسمت لا اراديا
م: هه والو ني جيعانة
مممم مالا نولي نجي نشوفك توجوغ تاكلي باش نضحك مسحلها بصبعو مايوناز كان فكوتي تاع فمها 🤓😉😉 ( غمزلها وراح )
: قعدت مشوكيا وتاكل وتخزر في صحبتها 🙁🙁 سمعتي واش قال اوو وش دار 😍😍 قلبي حايخرج وش قصدو
س : مم سمعت
م: وشبيك خرية -.-
س: دك شت عماد مع هاديك نور مشافتيش مي راهي نقلقتني هاديك طفلة لاصقتلي فيه -.-
م: قوليليو ميزيدش يهدر معاها
ففف تعي هي وهاديك كلبة تاع صحبتها تفكرت ميليسا فيديو اسمعي دك نجي راحت تحوس على حسام سقسات قالولها راهو في جنينة قاعد راحت ليه لقاتو غاطس مع ورق يرسم هي غير لحقت فاق خبى لورق باش متشوفش ...
حسام : غير خير توحشتيني ؟
ميليسا : هاها هاديك هي جيت نوريلك هدا فيديو بلاك يفيدنا مع قضية تاع خراي هداك
حسام بتعجب ؟ شكون !!
ميليسا : اه تسيت هداك جواد
حسام ؛ ممم يادرا وريلي تشو نشوف
وراتلو فيديو فرح بسكو كان حاب ينتاقم منو فرح عنقها بلا مفاق وشدلها يدها وجا حيديها معاه حتى فاق شافها متعجبة جبد يدو عليها قالها لالا مجيش منيش حاب تتورطي كتر يديرولك كاش حاجة متقدريلهمش متخافيش نا نحل الامور دك نروح لابوليس نعطيلهم كلش وهوما يتكفلو بيه نديلك حقك متخافيش ياك مينوشة ضحك معاها وقرصلها نيفها
هي قعدت مسمرة لتم حمرة طوماطيشة رجعت لصحبتها حكاتلها كلش بتفاصيل وسلمة تسوغ كامل خزرو فيها 😅😂😂😂
ميليسا : يبقرة هبلتي امشي امشي
—————-
راح حسام لابوليس يجري معاه فيديو دخل حوس على كوميساغ يعرفو دخل للبيرو ( منعرفش بزاف تسما الا غلطت فحاجة رام علبالكم ) 🙂
الشرطي : اهلا سي حسام واش راك هادي غيبو وباباك ؟ راهو مليح ! خوك 😛
حسام حمدالله لباس ميرسي عليك
شرطي : خير ماجابك ماشي عوايدك كشما كاين قولي
هو: وي وي عندي وحد قضية تخص جواد**** نرمالمو عرفتو قضية اغتصاب وتعدي 😡
شرطي : بصح عليبالك شكونو باباه مكاش كيفاش راك تعرف بزاف معريفتو صحيحة !الله غالب غير الا كان كاين دليل اعتراف هنا نقدرو تطلعوها لنيابة عامة ديراكت
حسام : وهدا شي لي جابني ليك عندي دليل قاوي شوف فيديو هدا تفهم بوكو دشوز 😏 ( قالو تخاف فرشة بوليسي باطل )
شاف فيديو وجابو امر باش يقبضو علي جواد ... وكيما كان حال راحو يحكموه لقاوه في دارو ومعاه بنات ومخدرات
زادولو قضية وحدوخرة عرفو بلي يخدم فتزوير ومخدرات وكي ستجوبوه صرح بكلش عتارف وجبد بلي رانية هي لي حرشاتو علي ميليسا باسكو خافت تديلها حسام وحسدتها علا جمالها ( بسكو هي خرا) 🤨🤪حكموها هي تاني خرجوها من لافاك ديراكت شافتها ميليسا فرحت بصح نعلبلهاش بلي مع جواد
المهم تهناو من مشكلة جواد ورانية اوووف علة وراحت ....
حسام فرح عيط لعماد وقالو يجيب لبنات عشية يديرو حفلة ف ديسكو فلاني**^^^
ويتعشاو كيفكيف 🤓(زعمة شويا ترفيه وخرطي)
_____________وهنا خلاصت حلقة غدوا نكملها 😎 تهلاو بلا منوصي كمنتاغ وفوط بونوي 🖤
