#مآساتي 🔥 الحلقه 8 🔥 واقعيه 💔
عبدو..ندوش
أنا...عيونها
عبدو.. بنقولك حاجه
انا...وعدتك إنه مش حنخبي عليك شي و اي حاجه تصير معايا نحكيها لك
انا.. شن فيه حبيبي شغلتني
عبدو..تدكري في البنت يلي قتلك عليها كنت نحبها
انا .. علي طول عصبت ونحكي بعصبية..اها منال الدكتوره يلي حبيتها وخناتك مع صاحبك و
قاطعني.. عبدو ... خلاص خلاص إنتي تكرهي الواحد يحكيلك شي بغيرتك زايده
انا .. تنهدت باهي اسفه يلا احكي بس هكي لما تجيبلي سيرتها يركبني مية عفريت
عبدو..ههههههه مجنونه
انا..بيك احكي
عبدو.. خشتلي علي الخاص و تبينا نرجعو من لما شافت التاقات يلي درهتيلي كبدي بيهن😤😂
(طبعا أنا كل منشور ع فيس يتكلم ع حب نديرله تاق😅)
المهم طلب منال ان ترجع لعبدو بس هوا ردها قاللها يا تكوني صديقه يا تمشي في حالك وهي وافقة انه تكون صديقه له بس
... وانا من لما حكالي عليها علي طول بعتلها طلب وافقت علي شان تكون قريبه و تحت المراقبه😌
و كل يوم تزيد غيرتي عليه علي ابسط شي وهوا عادي مايغارش عليا واجد كان غامض شويه تجيه فتره نحسه يحبني وتجي فتره يكون بارد وجاف معايا واستمرت حياتي هكي كملت امتحانات المعهد وعطلنا كسدت ف حوش مرت فتره وكنت مانفكر غير في نتيجتي وندعي يارب ننجح ونفرح بابا وفي يوم كنت مقعمزه انا وخواتي وامي
ولاحضت اختي إنه لابسه الوشاح وخلاص وان ما سلحته
من راسي بكل قعدت تبحت فيا اختي وقالت : ندى انتي كنك لابسه الوشاح وخلاص شن دايره في شعرك انا...مادخلكش
امي..لو بس نلقاك قاصتيه نقصلك رقبتك وانا قلبت عيوني بملل..
باهي به فتت الجو ومشيت حياتي عادي في يوم كنت مقعمزه في جنان الحوش ونشرب في قهوتي كنت سارحه ونفكر في حياتي وجت نسمة هواء استنشقتها وطلعت مني تنهيده طويله فجأه نسمع صووت ورايا
فتحي..توء توء هدا كله طلعت من قلبك
(فتحي هدا ولد عمي و زى خويا نحبه واجد كان صاحب المرحوم واجد ومتعلقين ببعضهم واجد بعد توفى خويا زدت تعلقت بفتحي ونخاف عليه ونشوف فيه زي خويا الله يرحمه)
فتحي طبعا م٩٤ موصفاته ابيض طويل شوي نقشه رقيق عيون كبار سود لحيه خفيفه..يهبل القرد 😂♥️
المهم انا تلفتت علي ورايا لقيته هوا انا ضحكت تعال اشرب معايا قهوه
فتحي... اقلبي وجهك خشي جوا شنو اديري مقمعزه برا
انا .. نضت..خيتي سلمه يلي يغار عليا
....
فتحي جا بيضربني فردت شبشبه بس هربت 😂🏃♀️
خشيت اتصلت بي عبدو لقيته مشغول ع طول عصبت فتحت نت لقيت البنت يلي كان يحبها نشط حتى هيا
(وانا طبعا متعرفه عليها من قبل ونحكي معاها مره مره وهدا كله علي خاطر السيد عبدو علي شان نكون قريبه علي كل شي كان يخصه🤦🏼♀️💔)
المهم فتحت لقيتها نشطه شفت ايميله حتى هوا نشط مش عارفه لقيت روحي نتصل بيها ع ماسنجر لقيته حتى هيا مشغول عديت علي طول اتصلت بيه حتى هوا لقيته حتي هوا مشغول
عصبت معش عرفت شن نديرر وبعد ساعه خشلي هوا
الووو ونفس الوقت
خشتلي هيا بعتتلي هلا
انا... هنا تأكدت انه كان يحكي معاها
انا.. وين كنت مشغول لتووا
عبدو..معا مرتي التانيه
أنا.. عبدوووو
عبدو..غير توا سكري بعدين نحكو وسكر مني
انا.. عصبت منه بشكل كبير لدرجة حسيت مغص قوي في بطني جاني شويه وبعدها خف كان الوجع هدا كل مانعصب او نتوتر يجيني مافهمت شنو هضا بس معا هذا كلمته الليل اتصلت ماردش وقعدت مع عبدو علي هالحاله يوم يكلمني ويوم مايردش عليا وكنت كل يوم نعيش علي اعصابي منه علي بروده بيا مع هدا ميته فيه وأما خطيبي كنت مانحب حد يقولي شن حال خطيبك كنت نكره الكلمه هادي تصدقو كنت ناسيه اصلا انه انا مخطوبه استمر كالعاده يكلمني خمس دقايق ويختفي عادي اسبوع عشر ايام مايدورني وأما اهلي تعودت علي كلام المسموم يلي يحكو فيه من ورا ظهري خوتي واخواتي كانو مايتكلمو غير عليا أنا امتى نتزوج ويتريحو مني بس تعبت واجد منهم بكييت لدرجه خلاص تعبت من البكاه تعبت من كل شي قرت انه نخلي كل شي علي ربي
ربي الوحيد يلي عارفني شنو انا وشنو نحس ربي الوحيد يلي قادر يقلب حياتي من الجهنم لي نعيم
..........
#يتبع
ندى قالت 👇💔
خليهم يدعولي ربي يفرجها عليا ☹💔
..........
🔥 سلطانه كوكي 🔥
