#مآساتي 🔥 الحلقه 5 🔥 واقعيه 🔥
جيت وفتحت تليفوني لقيت عبدو باعتلي مسج علي النت وانا في عيوني لهفه بس انصدمت كاتب ... 😭😭💔💔
(معش تتصلي بيا وانسى حاجه إسمها عبدو)
انصدمت قعدت نرعش 😭 ونزلو دموعي وعلي طول اتصلت بيه بس سكر عليا قعدت نتصل واكتر من مره ويصكر
..بكيت 😭😭💔💔 حسيت روحي إني خسرت كل شي ونسأل في روحي عليش عبدو بعتلي هكي أنا في شنو قصرت معاه شن درت علي شان يعاملني هكي بكيت وقعدت طول لليل وأنا نتصل ونبعت في رسائل بس مافي اي رد
نضت الصبح صليت ودعيت ربي يفرجها عليا لبست ملابسي وطلعت لقيت كالعاده بابا مقعمز علي سفرت الفطور وزي كل مره تعالي يابنتي قعمزي جنبي قعمزت و يفطرني بيده ويشربني بيده كأني بنيته لصغيرونه ♥ وبعد الفطور️ لبست شوز وطلعت انا وبابا يوصلني للمعهد وانا وجهي شاحب ودمعتي علي طرف عيني وتفكيري كله في عبدو و اول ما وصلنا للمعهد بابا وقف السياره
وانا بحتت فيه ....
ندى ...خلاص بابا مسافه قصيره نكملها مشي ماتخشش في وسط الزحمه
سالم...ههههه بابا : وقالي باهي هي انزلي نزلت وانا ماشيه شور المعهد وسارحه فجأه نسمع صوت حد نداني بأسمي ندى استني ...
وقفت مكاني وكنت عارفه هدا صوت من غمضت عيوني وانا نبي نبكي خلاص
وهو مسكني من يدي
تلفتت .... كان احمد استاذي لو نسيتوه
شاف لعيوني وهنا يلمعو 😢
انا..ااا احمد شنو ادير هنا
احمد...ندى رايفتلك معقوله نسيتيني وانا
كنت نشوف لعيونه كيف مليانين حب نفضت يدي من يده ودمووعي شلال مشيت نجري للمعهد خشيت شافتني نجوى كيف داهشه و جتني أحلام
قالت... كنك ندوش شن صاير حضنت احلام وانا نشهق بالبكاء نبكي بصوت عااالي حسيت روحي فااشله لتمو عليا البنات كلهن ويلي يسأل كنها ويلي يألف من عنده شالتني نجوى واحلام للقاعه وهديت شوي حكينا مع بعضنا تريحت شوي ونهاية الدوام روحت طوول مسكت تليفوني وللاسف مالقيت رساله من عبدو كان يشوف في محادثه ومايردش لبست ورقدت ونضت مع العصر رن تليفوني لقيته عادل خطيبي... رديت بملل
ندى.. اهلا
عادل.. اهلين تبادلنا سلام بارد وسكر مني كنت مضااايقه بكل مع الليل تعشينا وبعد العشاء جوو خوتي وزوجاتهم يهدرزو وانا في المطبخ غسلت ماعين وفجأه كنت نبي نفتح الباب نخش عليهم
سمعت اسمي وخرت
امي... اي اختكم هذي شاطره غير في ... تليفون 24 ساعه
محمد...تكلم في خطيبها
منير... لا اكيد في هضك الكلب(احمد)
امي.. راجل واحد ولا اتنين اكيد واجد يلي تكلم فيهم
وكلااام وااجد قالوه عليا مستحيل نصدق إنه في هل يتكلمو علي بنتهم هكي وعلي قولهم
(كان ما جوزناها خير اكيد حا ادير العار ) وانا كنت واقفه نسمع وبس وخرت بخطوات مهدوده خشيت نجري للحمام حشاكم قعد تحت الدوش نبكي 😭💔 و مصدومه من هلي كيف يدوو عليا هكي شن درت ياربي لين ياخدو عني فكره سيئه هكي بكيت بشكل جنووني نضت لبست دبشي وطلعت نتقاطر من الميه لقيت الحوش هدوء خوتي روحو وامي واختي رقدن خشيت لداري طرحت الصلايه سجدت وانا نبكي ليش ياربي هكي قعدت قريب ساعه ونا نبكي نضت من صلايه قعمزت وانا مية سؤال في راسي فجأه دموعي جفوو قعدت سارحه وبعدين تلفتت لقيت جنبي مقص
......
#يتبع
......
زعما شنو حا ادير ؟ اكيد انتحار ؟
اه ياربي 😭😭💔💔 ربي يعينك يا ندى
......
تفاعلووووو
......
#قصه_واقعيه
#سلطانه_كوكي
