عنقودية الواقع (أجنة)

بارت 23

صفنت بعيونهه
جامدة وقسوة الدنيا كلهه بيهه
هنا ادركت ان خسرت
وخسارتي حيل جبيرة

فركت وجهي ووكفت حتى اطلع
كال المحامي

:وين لازم ترمي يمين الطلاق وتوقع
عمران:انت شعليك؟
السيد:عمران اطلع منهه بالمعروف
عمران:طلاك مااطلك ويمين وماارمي

كال المحامي

:بهالحالة تخلعك
عمران:سجني مامطول لان مظلوم بهالحالة اخلعك واخلع عشيرتك وياك
السيد:عمران عيب
عمران:عمي من الاخير طلاك مااطلك وحق جدك الحسين مظلوم ومابقة شي وتظهر الحقيقة وبس اطلع من السجن اني اجيك وارمي اليمين لان بعد مااريدهه

وكفت واقتربت
باوعت بعيوني

زهراء:اني اللي مااريدك

نزلت البوشية وطلعت
طلعوا وراهه
واجوا الحرس

غمضت عيوني وابتسمت
طاحت دمعة من عيني
دمعة خسارة ووجع

هسة حسيت شعور البشر من يفقد شي غالي
حيل متغيرة زهرتي
وماعادت مثل قبل

رجعت للسجن
كعدت ع السرير
كلشي انتهى

حتى لو اثبتت برائتي ماراح اتقبلهه
مو ذنبهه هي بنية وتتأثر
حقهه بكولشي
هي انقى منك

ذنب كلبك حبهه
وذنب الحظ ماكعد وياك
يلا عمران خسرت حياتك من زمان

من مديت ايدك ع اول دكان
وبكت منة علج
انتهت بذيج الليلة اللي انجبرت تشرب

انتهت من دخنت
ومن اكلت دجاجة
ومن ومن ومن

اعترف بخسارتك
وطلع زهراء من كلبك
من تظهر الحقيقة امام الناس
وان انت مظلوم
راح تفرح هواي

ويترمم الف شعور انكسر بداخلك
بوقتهه اترك العراق واهل العراق وهج
طير مثل الطير
من وطن قتل احلامك وقتلك

من حبيبة ماصاغتك حلم بليلهه
من اهل ما فكروا بيك
من دنيا ما حضنتك

فكر بذيج اللحظة اللي راح توكع دموع الفرح
وانت تتباوع للكل وهمة فشلانين
املي بيك ياربي جبير

ولازم اتعاقب ع غلطي
حتى اكون نقي
واولد من جديد

....
العمارة
الساعة ال9 صباحا
راسيل

كنت انظف الغرفة
سمعت شخطة سيارة
ركضت للشباك وفتحت عيوني مصدومة

شهم من جديد!!
لزمت كلبي
احس اختنكت

شفتة نزل واستقبلة عباس
دخلة للديوانية
واجة يركض للبيت
صاح ع خالي