يوم الثالث شاكر جمع اقربائهم واصدقائهم زلم فقط مسعود كشخ همس الكرجيه حبيبتي راح اشتاقلج كرجيه هزهه الحنين لاهلهه مسعود اخذني اشوف امي
مسعود يكرص خده بلطف بس تخلص السبعه اوديج تباتين وتشبعين شوف بيهم بس هسه انتي ميصير تطلعين
كرجيه زين سلملي عليهم هوايه طلعو الزلم
ام شاكر يمه كرجيه تعالي
كرجيه ها عمه
ام شاكر يمه هذا ثوبي والجرجف مالتي والفوطه غسليهن يكولون تلم كبرتكم اذا غسلت هدمتكم
كرجيه بعيني اخذتهن غسلتهن ورجعت كعدت يم عمته ها عمه شسوي بعد
ام شاكر كلشي متشتغلين الى وره السبعه عود نريد ندارتج هسه راقبي شلون نشتغل حتى تاخذين ذبتنه كعدن يسولفن اما الزلم دخلو البيت ابو كاطع ذابحلهم طلي وجامع كرايبه للتعارف بعد ما تعشو وشربو جاي وتكلمو بمختلف المواضيع
ابو كاطع عمي مسعود عمتك تريد تسلم عليك دخل للدار
سلم على عمته وباسه من راسه
ابو كاطع هاي صوبه علاء الدين تشتغل على النفط هاي هدية صبحتك وهاي الترجيه هديه الكرجيه سلملي عليه وعينك عليه تره هاي العزيزه مالتنه
مسعود يبوسه مشكور عمي ماقصرت وبعيوني بنتك اتفقو على يوم السبعه وكملت العزومه رجعو ومسعود يس يسولف الكرجيه ادق التفاصيل وهيه تسمع متشوقه
