ام شاكر دخلت للبيت صرخت صخام براسي وجت غرفت مسعود وج الحكي نبيه ركضت للحب شالت مي بالسطل ويه مركضت طشت المي على الغرفه طلع مسعود غرك بالمي مسعود شهك شبيج يوم شجاج عاينت ام شاكر على الغرفه ماكو نار ام شاكر ولك فهمني شنو هالنار المتحرك مسعود ولج يمه يانار هاذا الكلوب مال الكهربه رجع بدل دشداشته وهيه تخاف تدخل الغرفه ام شاكر يمه مسعود خوما تجوي مسعود دطبي لاتخافين هوه ضوه مثل مال الكازه على اكبر دخلت الغرفه صلوات على محمد والي محمد غرفة وليدي مثل غرفة الملك بيه كهربه مسعود يعدل بهدومه بفخر مسعود لعد شعبالج ابنج شويه بس يمه شهادة حق كرجيه رجله خضره على البيت صدك يمه شكالت على الريحه ام شاكر يمه غير طارت من الفرح الى متحجي خجلانه علمته شلون تبخ بس مرتين مسعود مبتسم جان كتيله يسلم عليج ام شاكر دسكت يمه شو اني كتله يسلم عليج وهيه كامت تنطي اللوان من الخجل مسعود يمه شلابسه ام شاكر يمه لابسه ثوب سموكه مشجر هسه معلينه وين شاكر شنو ممر يمك مسعود مسعود متبردين قلب المهم اجه اخذ فلوس وراح للجوبه يجيب طلي للعرس وتمن كال ماكو عنبر درجه اولى عدهم بس خضيري كتله جيب من وراح يتسوكلج ام شاكر خل يجي نشوف دخل شاكر جايب طليان اثنين هرفيات ام شاكر ولك شصخمت شنو هاي شاكر يمه بسعر الشبج الجبير اخذت اثنين صغارنوكلهن ونسمننهن ام شاكر ولك شيسمنهن منا للخميس الى تنفخهن امشي رجعهن وجيب شبج جبير ولايقشمروك وكلشي لاتجيب غير التمن كلشي عندي بغرفة المونه(غرفه لخزن الخضر والفواكه والبقوليات المجففه وغيرها من الاطعمه ) اكل يسد سبع عزايم طبعا ام شاكر مره معدله نادرا ما تطلع النفايات من بيته كلشي عده اعادة تدور راح نشوف شنو بداخل غرفة المونه هيه غرفه تحتوي على رفوف من ٣ جهات وجه بيه البساتيك او الخنابات
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
البساتيك طوله ٦٠سم تستعمل لحفض المربيات والطرشي والجبن المالح والمعجون وهاي تترتب على الرفوف حسب الاستعمال والخنابات يكون ارتفاعه متر او اكثر تستعمل لحفض البقوليات والحبوب والدهون والزييوت واللحم كانو يذوبون لية الخروف ويقطعون اللحم ويملحو ويقلو بدهن اليه ويخلو هوه واليه بالخناب ويغطو جيدا من الهوه كلما يحتاجون للطبخ ياخذون دهنه والحمه بالجفجير امل الخل فكانو يسوو من العنب والتمر والتفاح لما يصفو يكورون الفضلات ويبسووه على الشمس ويجمعوهه بكواني تستعمل للخبز كوقود للتنور وكل مخلفات الطعام مثل بثل الطماطه من يسوون معجون ايضا يكورو وييبسو ويستعمل للوقود والدبس كذالك حتى قشور البيض يغسلوهه وينكعووه بماء عشر ايام وينشرووهه تيبس يطحنوهه عند الاستعمال يضيفوله ماء ورد تكون مبيض وجه واساس للمكياج يسموهه سبداج قلاي يشترون الجوز اخضر من المزارع ويقشرو اوراقه يطحنوهه ويضيفوله شمع وماء ورد وسووه اصابع تنطي لون احمر على جوزي يستخدموهه احمر شفاه اسمه ديرم هاي الاشياء ومجموعة التوابل المحضرة بالبيت اما نوه التمر يحركو ويطحنو بعد ميتفحم يخلو بالمكاحل يستعمل كحل للعين ترص بعلب على الرفوف ويوجد بالسقف حبال غليضه يتعلق بيه عثك التمر وكلايد البانيه المييبسه وشرائح الباذنجان الميبس والفلفل والثوم والبصل ويوجد رف للعلاجات بي مختلف الاعشاب والبزورات الي تستخدم لعلاج الام والامراض مثل قشر الرمان المطحون للبطن والامه والورد الماوي لنزلات البرد والام الصدر والكجرات لعلاج الام الراس وغيرها والمطيبات تحفض بقوارير مثل الزعفران والهيل والماء ورد وقشور البرتقال واليمون وركن المعجناتالي بي الكليجه والكعك والحلويات مثل اللقم والساهون والمدكوكه والسمسميه وهكذا يحاولون يستخدمون كل شي يشترو لاخر شي بيه حتى مخلفات الباميه الكمع يبسو ويطحنو عند الاستعمال يضيفوله مي يصير لاصق ورقي ممتاز ورف صغير يستعمل للمنضفات مثل صابون الشحمي يصنعو من مخلفات القلي الدهن وصابون الركي للشعر بزيت الزيتون والحنه والكروص وهيه نوع من الطين يعمل على شكل قرص صغير يستعمل كمبيض ومقشر للوجه والاشنان وهو اوراق شجر لما تفرك بالماء تكون رغوه مثل الصابون يليفون بيه تشد البشره ونبتة اليف يستخدمون اليف بعد ما ييبسو للتليف بالحمام وهاذا يعلق بالحبل ويوجد رازونه صغيره هاي تستخدم للمبيدات الحشريه مثل النفط والزرنيخ وغيره كانت النساء متحتاج تطلع لان عده غرفة مليانه مونه وتتباهه النساء بتعدد المواد بيه لان كله عمل ايده البيتي حتى متكلف الزوج اكثر من طاقته وكان مفتاح غرفة المونه معلق بخيط برقبة ام البيت هيه الوحيده تدخل بيه حتى لاتنحسد ويحسبون مواده فتقل البركه ودائما تدخله وهيه على وضوء تسمي بالرحمان وبكل بيت قفص دجاج بالسطح حتى لايرمون الاكل ويه النفايات وتضيع البركه من البيت اما فضلات الدجاج وباقي الاكل من ينضفون القفص يجمعون الريش والباقي يحفرون بالحديقه يستعمل سماد ودائما توجد غرفه مترين بمترين هاي للخامات مثل الصوف والقطن والريش وقطع القماش الزايد والفراش الزايد ولوازم الخياطه والخوص وجريد السعف ٠نرجع لام شاكر دخلت غرفة مسعود نضفته وخلت اللمسات الاخيره بيه منست ركن العباده رازونه صغيره قطعته برف خلت المصحف والادعيه والثاني خلت بي السجاده والايزار والسبح شاكر يمه اني رايح اعزم اهل المنطقه ومناك اطلع الكرايبنه ام شاكر لا يمه اركب البايسكل لاتتعب شاكر يمه احير بي راح اكري عربانه وافتر لما اخلص وبدربي امر اجيبلج جداري الطبخ وبهيج ترتيبات انتهى اليوم واليوم التالي راح يجن حبايب العروس يفرشن غرفته
