روايه حلم🌍❤️

رواية حلم :-البارت الأول ♾️🕊️

هلاووو اني اسمي زهراء عمري ١٨ سنه بيتنه بالحريه بالدولعي بنيه حلوه والحمد لله مو امدح بنفسي بس رأي العالم بيه هيج المهم

تبدي قصتي من جان عمري ٦ سنوات

يوم ١/٦/٢٠٠٦

بوكته جنت فرحانه كلشششششششش

استلمت الشهاده مال روضه والدنيه مواسعتني من الفرحه لان بابا كال اجيبلج كيكه اذا طلعتي الأولى

وبوكته جان عيد ميلادي بنفس اليوم مال روضه يعني اليوم يجيبولي كيكتين يعني شنو فرررررحانه كللللش.

رجعت للبيت اركض لكيت بابا واكف بالباب جان اجي شايله الشهاده واركض بحضنه وكلتله طلعت الأولى بابا وهو حضني كال عفيه بنيتي الشاطره وشالني عله جتفه وطببني للبيت فرحانين

بس مجان اكو كيك كلتله وين الكيك بابا كالي نسيت حبيبي اني كملت ابجي لان ماكو مجابلي كيكه كال يله العصر نروح نجيب كيكايتين يعني ٢ كيفت طبيت سبحت ونمت وكعدتني ماما العصر امشي روحي ويه أبوج جيبو كيكات

بدلت ملابسي وكملت ورحت ويه ابويه دا نشتري الكيك طبينه عله أطيب ابو كيك

واشتريته الوحده ب ١٠ آلاف وجانت كلش جبيره بالنسبه اليه وشترينه شموع وطربوش

طلعت من ابو الكيك وبابه كايدني وفرحاننننه كلللش

جان يوم كلش حلو

طبعا نسيت اكلكم بابا شنو يشتغل بابا انسان مثقف كلش وهو شيخ مال جامع لان كتلو الشيخ الأصلي ف هو صار ورا شيخ مال جامع وصار يخطب وامي جانت تخاف عليه كلش

المهم دنرجع ونتمشه

بابا كال ناخذ تكسي كلتله لا اليوم اله ارجع مشي افوت من يم صديقاتي اغورهن ههههه

بابا كال مينكدرلج ابد امشي يله

دنمشي ونغني اغنيه( بابا تلفون قلو مو هون) ونمشي وكالي شنو تتمنين باباتي كلتله كاتبه مشهوره اكتب قصص واصير ممثله هو ضحك كال نشالله حبيبي مابيه شي

وفجأة!!!!!!! اجتي دراجه عليه شخصين وكفو يم بابا ودنيه بدت ضلم وصارت مغربيه

وكفو يمه سألو وين بيت ابو فلان بابا كايللهم ما اندله جان الي كاعد ليوره طلع مسدس!!!!!!!

وضرب بابا ٣ طلقات وحده بجتفه وحده برجله وحده بطنه

والعالم كله كامت تركض وهمه نهزمو وبابا وكع واني ماعرف شصار بيه بذاك الوكت بقيت مصدومه وصافنه عله بابا وهو واكع

وكعت عله بطني حطيت راسي لان جان سمين

اصيح واكلهم تعالو بابا مات وهو يضحك ويكلي حبيبتي اسكتي محد رح يجي

جان يكلي باباتي اسمعيني واني ابجي وهو يمسح دموعي

جان يكلي باباتي بنيتي حبيبتي زهراء اسمعيني شويه

اريدج ديرين بالج عله اهلج لان ماعندج غيرهم اهم شي امج لان ماعده غيرج

اريد منج ٣ شغلات توعديني تسويه

جانت عنده كلمه وعد مقدس لازم يسويه يعني اذا كال وعد مقدس لازم يسويه لان حرام

كال اوعديني وعد مقدس وعدته جان يكلي

اريدج تضحكين العالم حته يجي يوم احد يضحكج

واريدج تسعدين العالم حته يجي يوم احد يسعدج

واريدج تحققين حلمج وتصيرين ممثله مشهوره وكاتبه مثل ما كلتيلي

اني كلتله ودموعي يصبن دم وعيوني حمر بابا لتسوي هيج أريدك وياي

اني كل الي بالي لو حلم لو يشاقه فتحت الكيكه كلتله زين هاك اكل اكل شويه شوفه شلون طيبه بالكرتون الي ياكل كيك يصير زين

وبده يشاهد ومات اني عبالي نام

نمت عله بطنه وغفيت

بوكته جانت طائفيه والي ينكتل محد يجي يمه لان خاف يصير انفجار لو ينكتل همات

كعدت ثاني يوم الصبح لكيت نفسي بالبيت كيفت كلت حمدلله هذا حلم شفت جهال هواي وياي بالغرفه بنات خالاتي وولد خالاتي كلهم نايمين باوعت ساعه ب ٦ الصبح طلعت من الغرفه اسمع صوت بجي مشيت شويه واني شايله الطربوش مالتي مال عيد ميلاد لان جنت لازمته بيدي ماقبل اهده طلعت بالطرمه لكيت تابوت وامي نايمه فوكا وتبجي وبيبي تصيح وتشك هدومه اني نصدمت لان طلع مو حلم اريد احجي ماكدر بس ابجي احس صوتي ماكو اريد احجي بس صوتي ماكو ميطلع اجتي امي حضنتني وتبجي واني اريد احجي ماكدر تخربطت ودوني للمستشفى بس اباوع ع العالم ماكدر احجي بس اباوع ع العالم وهاهيه امي تخبلت عبالهم بيه شي اجه الدكتور

عيوني بنتكم مكاعد تكدر تحجي من وره الصدمه وبعده صغيره ويه الوقت نشالله ترجع طبيعي بس حاليا ميصير تودوه بأجواء الفاتحه وخربطه الوضع كله خلوه ترتاح وبعدين تعالو

رحت لبيت خالتي وبقيت يمهم ٣ ايام ونفس الحاله ماكدر احجي وانام خايفه واكعد خايفه وكل ما اغمض عيني احلم بالموقف نفسه

تخربطت مره ثانيه لان بدون اكل

ودوني للمستشفى

الدكتور

عيوني بنتكم صارت بيه حاله نفسيه من وره الكوابيس انصحكم تودوه مستشفى مصح نفسي هناك يعتنون بمثل حالته احسن اله والكم

ودوني للمصح النفسي واستلمتني دكتوره كلش حبابه بحيث حسيته اختي من صدكك

وفجأة!!!!!!!!!!!!

يتبع.......