Nang Makilala Ko Siya (Completed)

Chapter 30

Naluluha naman sila na parang natatawa.

"Kahit kailan talaga baliw ang babaeng 'to."

Sabi ni Nikolla kaya napatango si Vivi.

"Naman. Mana sa atin eh."

Sagot ni Vivi.

'And I want you to know that you'll always be my sisters. Maybe not by blood but by heart. I love you. (Pwe. Kinilabutan ako, pero sige nalang.) Take care of yourselves, pati na rin ng pamilya. At saka hoy Vivi, h'wag mong kawawain si Gab. Saka ikaw Nikolla h'wag ka ring masyadong pabebe pagdating kay Brix. Basta iyon na iyon! I love you.'

Napangiti nalang silang dalawa matapos basahin ang sulat ni Yanella.

How they wished na sana maging maayos na ito.

Masyado na silang excited na asarin ito pagkagising niya.

Aasarin nila ito buong araw.

Hanggang sa magsawa nalang ito sa mukha nilang dalawa.

Napalingon naman sila sa paligid at napatigil nalang nang mapansin nilang wala si Calvin.

"Nasaan si Calvin?"

Tanong ni Nikolla at nagsiilingan naman sila.

Napabuntong-hininga na lamang tuloy sila.

* - *

Napalunok na lamang si Nana Jo habang papasok sa kwarto kung nasaan ang ina ni Yanella.

"Yannah?"

Tawag niya ritonat gulat naman itong napalingon sa kanya.

"Nana Jo!"

Sagot nito saka siya dali-daling nilapitan.

Napangiti na lamang tuloy siya.

"Napadalaw ka?"

Napatitig naman siya rito.

Mabuti nalang ay maayos ang lagay nito ngayon kaya matino niya itong makakausap.

"Alam mo ba kung nasaan si Yanella ngayon Yannah?"

Tanong niya rito.

"Bakit anong meron kay Isabella?"

Sagot sa kanya nito.

Agad niya namang inilabas ang photo album nilang mag-anak.

Inisa-isang tiningnan ang mga pictures para ipaalala sa ina nito kung ano na nga ba ang itsura ni Yanella.

Inilabas rin naman ni Nana Jo ang lahat ng sketches na bigay ng Mommy ni Yanella sa kanya.

Isa-isa naman nitong tiningnan ang sketches at agad na napatigil nang makita niya ang sketches na bigay niya kay Yanella noong araw ng kasal niya.

"Ba't 'to nandito? Bigay ko 'to kay Teacher Yannie."

Ani nito kaya napangiti nang bahagya si Nana Jo.

"Siya iyong Teacher Yannie hindi ba?"

Tanong ni Nana Jo rito saka ipinakita ang picture ni Yanella.

Itinabi niya ito sa picture ni Yanella noong bata pa siya.

Nakita niya naman itong napatitig ito rito.

"Ba't magkahawig sila?"

Tanong ng Mommy ni Yanella.

"Kasi si Teacher Yannie ay si Yanella, Yannah."

Sagot ni Nana Jo.

Nakita niya naman itong napaluha.

"Anong sabi mo?"