يركض في الممرات يبي يوصل لفصله ليلحق على اختباره بعد ما هزأه الوكيل لطول شعره الي بيوصل لعيونه .
يدق الباب و هو يحاول يلقط نفسه
- ادخل
فتح الباب و التوتر بيذبحه
: آسف أستاذ امير كنت مع الوكيل .
أستاذ امير ؛ رح اجلس مكانك يا دوب تخلص حل
راح لطاولته الي كانت قريبه من طاوله صديقه و بدا يحل مباشرة .
رن الجرس و انتهى وقت الاختبار و هو لسه ما خلص حل
أستاذ امير ؛ عنان عطني ورقتك أو خليها معك
سلم عنان ورقته و كان باقي له سؤال .
دخل أستاذ الرياضيات بعد ما خرج أستاذ الكيمياء من الفصل .
- رتبوا ادراجكم بسرعه ورانا درس طويل مره
بعد درس ممل
ينطق الباب و يدخل طالب : أستاذ عبد الرحمن المدير يبي عنان
أستاذ عبد الرحمن : طيب ، عنان قم المدير يبيك .
رفع عنان راسه : يا صبر الأرض على هاليوم
نزل عنان و راح لمكتب المدير و دخل .
عنان : شتبي ثامر مو فاضي و الله
مسك ثامر اذن اخوه بعد ما نزل شوي له
ثامر : يالقزم كلمني باحترام شوي
عنان : آهه و الله اسف فكني ثامر
فك ثامر أذنه : شكان يبي الوكيل ؟؟؟
عنان يرفع شعره : هاوشني لشعري و يقول انت بنت ، و يقول حتى بنتي شعرها اقصر
ثامر : طبعا رديت عليه ما راح تسكت
ضحك عنان : قلت له أظن ان بنتك ولد
ثامر : بكلمه في الموضوع و ترا انت مو الوحيد الي شعرك طويل ، يلا لفصلك .
عنان : طيب
رجع عنان للفصل و دخل قبل الأستاذ .
دخل و بدا يتكلم مع صديقه و مو مهتم للدرس ابد
أستاذ حمد : عنان ، مؤيد عندكم شي مهم مره الظاهر ، كملوه برا عند المدير .
عنان : يليل مطولك ، شفيهم علي اليوم ابي افهم
مؤيد : قم يلا كل ذا بسببك
نزلو لغرفه المدير
طق مؤيد الباب و انتظر ثامر يرد
عنان : مسوي محترم يعني
فتح عنان الباب و دخل و كان ثامر يكلم بالجوال و مره مندمج .
راح له عنان وحضنه من وراه .
فزع ثامر و عرف اخوه من ريحه عطره
ثامر : اكلمك بعدين طيب ، مع السلامه
بعد ثامر عنان عنه : ليه إنتوا هنا ؟؟
عنان : اشتقت لك ثامر
تنهد ثامر و سأل مؤيد : مؤيد ايش صاير ؟؟
مؤيد : أستاذ حمد طردنا من الحصة لان عنان ما يسكت ابد
جلس عنان على مكتب اخوه
عنان : كذاب هو الي يكلمني
مؤيد : انت الكذاب ، أستاذ ثامر عادي تروح تقول لاستاذ
حمد يدخلنا
ثامر : امري لله ، قم عنان يلا لفصلك
عنان : مابي
ثامر : قم لا أذبحك
