الحلقه 3
#اليتيمه_برنيه
انور.. لو سمحتي قيمي راسك نشوفك
برنيه بخجل كبير قامت راسها ..
انور.. افتحي عيونك
وفتحت عيونها وكان قدامها راجل جميل خلاها من شافت عيونه ترعش ..
انور .. بسم الله مشاءالله زين ربي يحفظك
برنيه.. شكرا
انور..العفو اني قلت اللي شفته انتي جميله الحق واني بختي سمح بتكوني حلالي
برنيه تحشمت ووجها ولا احمر عاخشت احمد يتنحنح ..
احمد.. هاياصاحبي انشاءالله اتفقتو
انور.. والله ياصاحبي عاخير انشاءالله بالنسبالي نبي العرس الخميس الجاي
احمد. هههه مستعجل ياصاحبي هلبا
انور.. راني ندوي بجد
احمد.. معقوله مانلحق نخبر خوتي ونجهزها ياراجل اقل شي شهر
انور.. صعب ياصاحبي لازم نسافر بعد عشر ايام
احمد.. بس بتسافر وبرنيه كيف بتخليها ولا شنو
انور.. لا بنرفعها
احمد... كيف مش تبي تأشيره
انور.. خليها عليا
احمد.. والله ماعارف شن نرد عليك بس اعطيني لليل نكلم خوتي ونشوف ونقولك
انور.. تمام اماله متفقين..
كل هذا وبرنيه واقفه تسمع فيهم ومبتسمه وساكته ..
وطلع انور واحمد وقعدت برنيه تفكر وتحلم بالسعادة مع انور وتبني في قصور ...
فاقت برنيه من حلمها عاصوت حنتها تنادي وتدعي ..
يافرخة ارزيني فيك وينك يعطيك جدري وووووينك ووووك بنموت تعالولي..
مشت تجري برنيه من غير ماتحس لحنتها ومن غير ماتغير لبسها خشت عليها..
برنيه.. خيرك ياجداي اللطف خيرك
العزوز شبحت لبرنيه وفنصت عيونها وقالت.... ووووواك وين كنتي بتهربي اشبح مع منو يعطيك جدري عارفه اني انك بتهربي وووووه وووووه ووووه تعالو بدير العار وووووه .
برنيه انتبهت للبسها نحت وشاحها ..
برنيه.. جداي اسكتي بنهرب شنو طلعت الكناسه برا لبست .. بنطلع بالتوته في الشارع خيرك ..
العزوز.. هادي لبست تطليع كناسه تحسابيني درويشه مانعرفش
برنيه.. هدا اللي لقيته قدامي لبسته.. عبايتي في الغسيل ماهو
العزوز.. طيح سعدك اي اي فهمت توا تبي يشوفوك الرجاله بيش تعجبيهم ياناري ياناري خزي عليك طالعه لي امك الصايعه.
برنيه.. اسكتي اسكتي ماتقوليش عاامي صايعه يسمع حد يقوا حق عيب ياجداي والله عيب انتي مراة كبيره ماتقوليش هالكلام وكذب.
العزوز ... كذب عقاب الوقت تكذبي فيا..
وطحت تعيط بعلو حسها ..وووووك ووووك ووووك ووووك تعالولي بتقتلني ياناس الحقوني بتقتلني بتحطلي السم بتذبحني وووواك وووواك قتلتني تضرب فيا وووواك .
طلعت برنيه وسكرت عليها باب الصاله وقعمزت عالدروج وتبكي وتدعي لربي امته تفتك منها...
قعدت العزوز تعيط نين تعبت .. وسكتت
طبعا الجيران كم مرة يفزعو ويجو مايلقو شي فاتعودو معاش يجوهم عاقد مايسمعو...
ومر اليوم زي اللي قبله .
تاني يوم بعد ماكملت برنيه حوستها المعتادة عالحوش وجداها .. قعمزت في المطبخ وشدت تلفونها اتصلت بي احمد..
برنيه . الوو احمد
احمد.. عمرك طويل يامنجوها كيف بنتصل بيك
برنيه.. اااه باهي انشاءالله خير
احمد.. خير خير ياوخيتي بنخبرك امس تلاقيت مع خوتك قلتلهم عالعريس موافقين كلهم مبروك
برنيه.. تنهدت من الفرحة.. باه كويس
احمد.. المشكله اهل انور بيجو كيف الحل
برنيه.. مافكرتش بكل في هالموضوع حقه كيف
احمد.. والله ياوخيتي شي لازم منه
برنيه.. باهي كيف
احمد...موضوع مافيش كيف نهربو منه
برنيه.. انت خبرت انور عاجداي
احمد .لا تحشمت الحق قلت بالك يحسابني نكذب ويقعد يقولي عيب وكيف
برنيه.. باهي ممكن تخليني نكلمه نشرحله قبل مايجيب اهله
احمد.. خايف يفهم غلط ويطير من ايدينا والله ياوخيتي مانبي يفوتك راجل مصنع منع
برنيه.. ماتخافش لو عندي فيه نصيب حايتفاهم
احمد.. تمام تو اني نخليه يتصل بيك ماتتصليش انتي عيب
سكتت برنيه عاساس ماتعرفش رقمه وهوا مايعرفش
برنيه.. باه
وسكرت من خوها وقعدت تستنا في اتصال انور..
مرت قريب الساعه..وبعدها رن تلفونها..
لقاته انور.
برنيه.. ايوا
انور.. مرحب كيف حال مرتي المستقبليه
ابتسمت برنيه.. كويسه تسلم كيف حالك انت
انور. بخير ومبسوط انك من بختي
برنيه.. شكرا
انور .. العفو ..
برنيه..كلمك احمد
انور.. اي واستغربت انشاءاالله خير قالي في امور خاصه تبي تتكلمي عليها معايا قبل مانجيب اهلي ونحكو رسمي
برنيه.. اي صح
انور.. بس عندك الرقم ليش مااتصلتي
برنيه.. لا لازم بعلم خوي
انور.. مشاءالله عليك كل مرة تزيدي في نظري جمال بشكلك واخلاقك
برنيه.. شكرا
انور.. لا حقيقه هادي مش مجامله تشكريني عليها ربي يحفظك بجد
برنيه.. الله يسلمك
انور.. ها وتوا احكيلي شن تبي تقولي
برنيه.. شوف انا امي وبوي ماتو وعمري سبع سنوات ومن هداك اليوم جداي جت عندنا وتزوجو خوتي وخواتي كلهم واخرهم احمد من سنتين قعدت اني بروحي مع جداي وجداي عزوز صعبه وقاسيه هلبا ماتتخيلش واعرتها وتصرفاتها معايا ومع الكل ..لدرجة معاش حد يجينا الا في الاعياد ولا بعد كم يجي واحد من خوتي ولا عمامي يجيبو قضية الحوش ويمشو
يعني جداي واعرة وكم مرة يجوني خطاب طفشهم طلع مليون عيب فيهم بيش مانتزوجش ونسيبها
وين يجونا الخطاب .. ماتخلي مادير تخليهم يبطلو ويروحو من غير مايحكو مرات
قص عليها انور....لحضه بس
برنيه.. تفضل
انور.. شن المطلوب مني اني شاريك ونبيك ومايهمنيش جدك. ولا تصرفاتها شن المطلوب وحاضر
برنيه.. المطلوب اهلك مانبيهمش يتعرضو لكلام من جداي ماعرفتش الحل
انور.. اسمعي انتي موافقه عالزواج
برنيه.. طبعا اكيد موافقه
انور.. خلاص ارتاحي وماتخمميش وكل شي حايمشي كويس
برنيه.. كيف
انور.. ههه ماتفكريش ابدا انتي طالما موافقه وخوتك موافقين الخميس الجاي بتكوني مرتي حلالي ومسكر علينا باب 😍
برنيه..😍😍 تمام
انور.. مبسوطة
برنيه.. اي بس اربع ايام مايكفينيش نجهز نفسي بكل حتي المزينه مش حانحصل بسرعه
انور... قتلك ارتاحي وكل شي يدبر لو مافيش مزينه راضي بيك زي ماانتي سمحة تهبلي
تحشمت برنيه ...باه
انور.. نجيها الخجوله
برنيه.. خلاص بنسكر جداي تنادي
انور.. ابتسمي واحلمي بيا ووتيلي روحك ولحياتك الجديدة معايا اوكي
برنيه..اوكي
.....يتبع
