HE=MY FIRST LOVE [ကိုယ့်အချစ်ဦး ](Completed)

အခန်း(၃၁) - ဇာတ်လမ်းဟောင်းလေးPartI

သူသိပ်ချစ်ရတဲ့ထိိုကောင်လေးကသူ့ဘေးနား၌တစ်ချိန်လုံးရပ်နေတာတောင်နီးစပ်မှုတစ်စုံတစ်ရာကိုသူ့နှလုံးသားထဲကမခံစားခဲ့ရပေ။မိုင်ထောင်ချီပေါင်းများစွာကွာဝေးလွန်းနေတဲ့ပုံရိပ်လေးကိုလှည့်ကြည့်လိုက်ရင်းတိုးတိတ်တမ်းတစွာမေးကြည့််လိုက်၏။

ရှိုင်းလေးရေ မင်းလေးကကိုယ့်ကိုအရင်ချစ်ခဲ့ရတဲ့သူဆိုတော့လေ ကိုယ်အခုခံစားနေရသလိုမင်းလေးလဲခံစားခဲ့ရမှာပေါ့နော် ....

ခရမ်းရောင် Hoodieလေးအားထပ်ဝတ်လိုက်တဲ့ပုံရိပ်လေး၊အနက်ရောင်ဦးထုပ်လေးကိုခပ်ငိုက်ငိုက်စောင်းလိုက်တဲ့ပုံရိပ်လေး၊ပြီးတော့ လွယ်အိတ်လေးကိုလက်တစ်ဖက်ကနေကောက်လွယ်လိုက်တဲ့ကောင်လေးရဲ့ထိုပုံရိပ်တို့ကို မင်းခန့်ထည်ဟာ အသေးစိတ်ငေးကြည့်နေခဲ့ရင်းသူဘာစကားမှမဆိုခဲ့ပေ။

ရှိုင်းဇေယံက အပြင်သွားဦးမည်ဖြစ်ကြောင်းသူ့အားပြောလာတဲ့အချိန်၌လည်း သူကျေကျေနပ်နပ်ပဲခေါင်းငြိမ့်ပြခဲ့ကာအခန်းထဲကနေထွက်ခွာသွားတဲ့ကျောပြင်လေးကိုအခန်းထဲ၌ မလှုပ်မယှက်စွာရပ်နေရင်းလှမ်းကြည့်နေခဲ့သည်။

အခန်းတံခါးလေးကပိတ်သွားပြီး
ကောင်လေးကထွက်ခွာသွားတဲ့အခါ ရင်ဘက်ထဲကသူ၏နှလုံးစိုင်လေးသည်လည်းအေးစိမ့်တဲ့အမှောင်ထုထဲနစ်ဝင်ကျွံကျသွားခဲ့ရသည်။

တစ်ချိန်ချိန်တော့ သူ့ရဲ့ချစ်ရသူလေးကိုမြိုသိပ်ထားတဲ့ခံစားချက်တွေအကြောင်း သူဖွင့်ပြောပြမှာပါ။

ဒါပေမယ့် အဲ့အချိန်ကအရမ်းနောက်ကျသွားခဲ့ပြီးသူ့နေရာမှာအစားထိုးဖို့တစ်စုံတစ်ယောက်ကို ထိုကောင်လေးကရှာတွေ့သွားခဲ့ရင် သူဘယ်လိုလုပ်ရမလဲ ?

သူထိန်းမရအောင်ရူးသွပ်သွားလေမလား ဒါမှမဟုတ်ကွဲကြေနေတဲ့နှလုံသားတစ်စုံနဲ့အတူသူသေဆုံးသွားခဲ့လေမလား?

အနက်ရောင်ကျောပိုးအိတ်ရဲ့ဇစ်လေးကိုဆွဲပိတ်လိုက်ပြီးနောက် သူ၏ကျောထက်မှာတင်လိုက်သည်။

ရှိုင်းလေးသာအစားထိုးတစ်ယောက်တွေ့သွားခဲ့ရင်ဆိုတဲ့အတွေးတွေကို သူ့ရဲ့ခေါင်းထက်မှာနေရာလပ်မရှိအောင်တွေးနေမိတဲ့အချိန် ကကြီးပုံရေးရေးလေးကွေးနေတဲ့ နှုတ်ခမ်းသားတို့ကမျဥ်းဖြောင့်သဏ္ဍာန်စေ့ပိတ်နေပြီး မျက်ဝန်းတွေက ရေခဲချောက်နက်တစ်ခုအလားအေးစိမ့်နက်မှောင်နေကာစူးရှခက်ထန်နေသည်။