الحب لا يعرف القيود

البارت الاربعون(🖐️🎅النهاية🤶🖐️)

لو خيروني بين البشر وشخصك
لن أتنازل عن حبك ممهما حصل

ساره. جنت يم اهلي وأركان راح للدكتور لان بغير محافظه الدكتور واني ما ابقى وحدي بالبيت
وصدفه امي مسويه قسم زينب سلام الله عليه
تطلب من السيد انه تهدي احمد وتيسر أمره للزواج لان احمد عزف عن الزواج بعد ما أبويه رفض زواجه من الي يحبه

اتصل ب أركان ميجاوب اكيد مشغول وي الدكتور واني اشتغل لتحضيرات السفره

ام ساره. ساره كومي سوي حلاوه للسفره واطلبي الذريه
ساره. هو اني أبالي
كمت اشتغل بيه وادعي انه الله يرزقنه وبيدي التليفون اتصل وميرد
أني كل فترة زواجي ما مليت من موضوع الطفل وكل شهر جنت اسوي اختبار حمل منزلي بحيث حفظت اسعارهن وأشكاله وكرهتهن هلكد ما يطلع سالب وي كل امل ابني وتالي يخيب فمليت وتركت الموضوع وره رب العالمين

واحنه صار اراجع على الأطفال سنه ونص وتعبنه من الأطباء والعلاج واصلاََ فد رحله متعبه موضوع الأطفال وممله وأركان هواي صرف على الأطباء والعلاج بس مفاد شي هسه هذا الدكتور لا اكو تحسن عليه

أركان. طلعت من الدكتور واني فاقد للأمل وما اعرف شسوي ووين انطي وجهي وشكله لساره وشحجي واعرف ساره تحب الأطفال بالذات بعد ولادة سهى حيل تعلقت ب رنيم وكلما نطلع تشتريله شي وادكلي لو صار عدنه طفل راح هيج البسه وهيج اسوي طموح كل زوجه انه يصير عده طفل وبالذات ساره تعبت ويايه كلش هواي من كل النواحي زواجه مني جان تعب كله وتحملت وصبرت لحد ما الله فرجه وهسه عود ارتاحت بعد ما خليت حد للكل والي يدخل اصده اله قبل لا تنطق بحرف واحد هي وبعدته عن اهلي هواي لان توافق ماكو وطبعاََ من جانب اهلي مو من جانبه هي تتعامل بلطف وهم لا يتربصوله فخليه بعيده افضل اوديه ازورهم كل ٥ أشهر مره وبحضوري ما احب احد يغثه ومتستاهل تنغث تعبت كلش هواي ويايه وضحت عليمن تنغث بس كل هذا وما اخلص من شهد لازم تغثه بس ساره عاقله تسوي نفسه متسمعه ولا تهتم اكثر من أحداث وفاة والدي حايره شمسويه بيه مكلتلي اله بعد مرور سنه من وفاة والدي أكله ليش ادكلي جنت بيا حال واكلك ومتسوه السالفه منا عرفت ساره مسالمه ومتحب المشاكل وسوالف كالت وكتله وبنفس الوقت شخصيه قويه تعرف تصرف

اما أني جانت طبيعة حياتي معتمده على والدي وبعد وفاته اندمجت هواي وي بيت عمي اهل ساره احس عودي قوه واحمد اخوه عرفني هواي شغلات بالدنيا غافل عنه جنت اصير صرت أقوى وأكثر جرائه

أركان. الووو ها حبيبي
ساره. هلو يروحي وينك مترد
أركان. جنت يم الدكتور
ساره. اي شكال
أركان. مكال شي بس يكول الله مكاتب الكم ذريه
ساره. شلون يعني
أركان. يعني اني ميصير عندي طفل
ساره. اها يله كل شي بالقسمه وبي صالح ماطول ما مكتوب معناته الله بعد عنه شر يله حبيبي وين انت هسه
أركان. راجع
ساره. توصل بالسلامه
سديت التليفون وبجيت بجي بحيث على صوتي اجو اهلي واني اخوط بالجزر كتله هيج الحجي
محمد. بابا اتقي الله قابل هو رب العالمين هو عبد حاله من حالنه ورب العالمين أكرم الأكرمين
ام ساره. لتخافين الله ميضيع احد وأركان انسان طيب وفقير. ماله احد ب الدنيا الله ميضيعه ويجعله مخرج وقابل انتي اول وحده اخر وحده ميصير عده طفل عادي اصلاََ وعود الله كريم الطب ديطور ولازم تلكين حل