الحب لا يعرف القيود

البارت التاسع والثلاثون

ساره. بديت ابحر بحياة أركان بتمعن وبدون ما أثير الأنتباه لنفسي بهدوء تام حتى اعرف اتخذ القرار المناسب بديت اتقرب اكثر لعمتي بس بحدود كلش وقامت تحجيلي عن حياتهم السابقه شلون جانت
وافتهمت من عده انه عمي الله يرحمه جان مدللهم كلش وحتى خدامه جانت عده بحيث ماتشتغل هي ابد
اول شفره انفتحت الغرور هذا كله جاي على الحياة السابقه وهسه تريد اخدمه لان متعوده تمام
علاقته ب البنات زفت والسبب انه حمواتي جسرات كلش وواصله المرحله حتى يغلطاََ عليه
الشفره الثانيه العلاقه متوتره دائماََ بينه وبن البنات

أركان الولد المطيع الي ياخذ الكل لآخر الدنيا وميعترض ابد ومتعلم يخدم خواته وأمه وابو بدون رفض
الشفره المهمه الي هي انه أركان ملك الجميع واني مو من الجميع فيحسوني غريبه بنصهم وأخذت اخوهم تمام حلو
أركان يحب ابو بطريقه جنونيه ووفاته هاي صدمه كلش جبيره اله وراح تأثر عليه هواي

عمي الشخص المظلوم جان يسعى لسعادتهم كلهم بس عمتي مسعده ابد وشنو يطلب اسوي عكسه وهذا الشي أثر على صحته حيل لان شخص حساس هو كلش وما تحمل كل هل الصد والرفض من عمتي

حماتي الجبيره هي الشخصيه النسخه لعمتي ضبط بدون اي نقص وهي الي تحرك البيت بس مو بوجهه مكشوف تمام

شهد هي الشخص الي أقرب من اي احد لأركان وهي الي عده لسان لاذع بحيث يخافون من قوة لسانه وجسارته كلهم
اضافه إلى كل هذا هي نازله ضره على وحده لان زوجة رجله الأولى ميصير عده أطفال وهي صارت ام الأطفال فتعتقد انه الكل ضرايره وتحب تصير اهتمام الجميع

عرفت هواي شغلات من عمتي بكعده وحده وياه وعلى أساسه راح أسير حياتي

طبعاً وره ما خلصت الفاتحه حمواتي بقو يمنه وخلص السابع وهم يمنه وراح يبدي الدوام مباقي شي وعمتي تحوص متريد يبقون لان النهار كله هن يتعاركاََ بيناتهن واني هم انخبط بس على الماشي
كل هذا أني أركان ما اكله حرف واحد امشي الأمور طبيعي والده متوفي مو مال هل الشغلات وحتى لو ما متوفي مراح استفاد شي بالعكس اذا حجيت عليهم راح يتمسك اكثر بيهم ويحسني ضدهم او اكرهم والأهم أني بعدني ما متأكده منه هو شنو واني شنو اله إعجاب رغبه حب ما اعرف وما اكدر احكم من موقف واحد عليه لان الشخص يمر بظروف كل يوم اله نفسيه
بقيت بنصهم اخذ فقط وما انطي اي شي لا اتعارك ولا انقل الي يصير لزوجي متفرجه ينطخون بيه ارد بس بدون صوت عالي وعركه بكلمات قليله وقويه وخلص

صبا. الووووو شلون صرتي
ساره. تمام
بس صبا اكتشفت هنا بير من الأسرار وبديت احجي لصبا وهي تسمعني وتحجيلي عن تجربه وي عياله وشلون تصرف وياهم اسمع واخذ الي يفيدني وممكن اطبقه واتناقش وياه اخر شي قبل لا انهي الاتصال
صبا. اكلج أركان زين وياج
ساره. ما اعرف لان هو مصدوم وماكو موقف صار حتى اكدر احدد شخصيته بس الي اكدر اكوله الله يهدي
صبا. إن شاء الله يله باي