هتلر

#هتلر 7🔥 الجزء الثاني

ممنوع نقل الحلقه قبل ساعه .
للكاتبه اروى الطاهر المسلاتي قروب روايات بنووتة الشيخ(سري)

الاء:بوجه مصدوم ..نور😨
نور:يدها ع رقبتها تخفي في البوسه...اها
الاء:في حد يبيك برا
نور:منو؟
الاء:بلعت ريقها وتشوف لي مالك...تعالي شوفيه انتي في الصاله  ...ومشت بسرعه
نور:اففف اكيد امي تو بديرلي قصه
مالك:مسك يدها...تو نكلمها انا
نور:ضحكت وخبطاته ع كتفه بدلع...قريب فضحتنا
مالك:ع اساس انتي العاقله يعني غير نروحو تو نوريك
نور:اختفت الضحكه من ع وجها لما شافت يلي مقعمز في الصاله يستنا فيها!!
نورالدين:وقف ويبتسم...الله يبارك علي اختي مشاء الله قداش كبرت
مالك:طلق يد نور وع طول جاي بيضرب لاكن شده عصام
عصام:ماااااالك اهدا الولد في حوشنا متجيش عيب
مالك:فقد اعصابه ...الحقير السبب في كل شي ولد الكلب هااااذا خليني علييييييييه
عصام:خلاااااص عاد ياسر يلي فات مات الولد جاي يشوف اخته
نور:واقفه مصدومه تشوف لخوها ❤️..من كتر السنين يلي فاتت لين تغير هلباااا لدرجة انها معرفتاش ع طول
مالك:بعد شويه وقعد يساوي في جاكيته وهوا قاعد متكنطي ويشوف لي نور الدين بي نضرات تحرق
نور الدين:اسف ع يلي صار مكنتش نسحاب القصه بتوصل هكي مكنتش نعرف ان اهل البنت ممكن يديرو حاجه حقيره لدرجه هاذي في نور عشان ينتقمو
مالك:لا اعرف في الجديد واعرف ان حسابك معاي قريب
عصام:مااااااالك
مالك:سكت وهوا متنرفز
نور الدين:قرب علي اخته وحضنها....اسف نور نتمنى من كل قلبي تسامحيني
مالك:دفه...باعد عليها
عصام:مالك تعال نبيك برا
مالك:لا مش مسيبه معاها
عصام:خوها هاذا واطلع نبيك
مالك:شاف بي نضره تخوف لي نور الدين وطلع

_________________

نور الدين:مسك يد اخته...عارفك حرجانه ومستحيل ترضي بسهوله لاكن انتي متتخيليش شنو الحجات البشعه يلي مريت بيها
نور:وين كنت؟!ليش خليتنا؟ليش معش سألت عليا لا انت ولا حتى اختك ؟!فهمتي نور الدين عندي ليك الف سؤال
نور الدين:مسك يدها الاثنين وقعمزو ع الصالون ...هربت من كل شي في ليبيا خدمة بوك والناس يلي ادور فيه
نور:انت حتى لما توفى بوي مجيتش
نور الدين:مقدرتش لو وقتها سافرت معش نقدر نرجع
نور:والبنت يلي ضحكت عليها شن قصتها
نور الدين:افففف انا مضحكتش علي حد نور افهمو هيا اغرتني وقالت انها ارمله ولما طلعت معاي عرفت انه فخ باش نتزوجها واضطريت نهرب في جديد
نور:سحبت يديها....يلي درته شي مقرف وحقير وردوه فياااا!!...فيا انا يلي ملياش دنب في شي ولا نعلم بي شي اصلا
نور الدين:عارف والله عارف وبنقعد نتأسف من اليوم لعند سنه عشان تسامحيني
نور:ونقدر نفهم شنو يلي جابك توا؟متقنعنيش انك جيت تتأسف لو كنت نعنيلك حتى شويه انت واختك وامك مكانش صار فيا هكي
نور الدين:يحك في عيونه بتوتر وتعب....به عارف مش رح تصدقيني بس انا تعبت من الغربه وقررت نرجع لي عيلتي من لما كنتي صغيره نعرفك طيبه نور مديريهاش فيا توا وتخليني
نور:ساكته
نور الدين:الحمد الله واضح اوضاعك تحسنت تزوجتي هتلر مش عارف كيف متحملتيه لاكن واضح عليك مرتاحه ...متقعديش هكي معاي توا
نور:تشوفله وكأنها اقتنعت
نور الدين:هيا يافرخه حتى اسمنا زي بعض خوك حبيبك انا معقوله مستاحشتينيش
نور:ابتسمت ...انت عارف اني نيه وساهل الضحك عليا متقعدش ادير في الجو
نور الدين:قرص خدها...ياوخيتي نجيها الطيوبه