نجمه والخلخال

ج 7

صباحكم..🌸 جوري

نجمة والخلخال

ج 7

دارجع سمعت صوت من يم الترك..
رحت ع كيف..

شفت الباب مردودة واكو ضوة برة

تقربت..

شفت هديه صاعدة ع البلوكات واكو رجال بالجهه الثانيه

جانت مادة ايدها اله و وجهه بوجه حجيهم
همس مامسموع

تقربت..
الولد شافني راسا دنج ونزل
وهديه انصدمت بيه
كالت.. نجمه هاي شنو شجابج هنا

اني مصدومه مداعرف تفسير للي شفته

اشرت بايدي هذا منو..

بقت تباوع عليه
صوتي علة

هذااااا منو وشدسويت هنا.. ولج هديه

اتقربت مني ولزمت حلكي اشششش لا تفضحينا

ولج شفضحج هذا منو احجي

جرتني من ايدي وطبت وسدت الباب

وكفت بظهر الباب

كالت شوفي نجمه اني مو رضوة ولا انتي امي

معليج بيه شسوي اسوي

ضربت ع خدي عزة بعينج..

شنو تقصدين..

كالت والله داكولج.. خليها ابالج اني ما اخاف عسا ما ابوية عرف..

تقربت منها ولج هذا منو

عاطت بيه شنو منو.. معليج انتي حيري

بوليد المكطم وعوفيني لو الج حلال والي حرام

فوك غلطها تستفزني

تقربت منها وجريتها من شعرها ولج هديه الا اكول لابوية انتي فدمرة صرتي

جرت ايدي من شعرها

كوليله واني هن اكولة

وشغله ثانيه اني خلدون يحبني

صفنت عليها ياخلدون هذا..

اكو ابو محل مال طيور ورة بيتنا بيتهم

وهو اصلا مزوج وعندة جهال

ولج يا خلدون هديه
هذا مزوج.. ولج يقشمر عليج..

والله الا اكول لابويه باجر بعد مابيها مجال
انتي بموتته امي فد مرة صرتي وتخبلتي..

بكل برود رجعت بفراشها..
وغطت وجهها واشرت الي سدي الباب
كعدت يم راسها
وبدايت ابجي لان ماعرف شصرف
اذا اكول لابويه يعني
ادمرها واحتمال يكتلوها
واذا اسكت تتتمادى

بقيت ابجي و اكولها حاجيني فهميني  وين تريدين توصلين

راح ادمرينا
شفتج اخذتي فلوس وين وديتيها