نجمه والخلخال

ج 5

صباحكم ياسمين

نجمة والخلخال
ج 5

ودفع دفع طلعت مرمر بشارع بطرك
الدشداشه المشلحه

الجهال على صوت العياط يصرخون

وصوت سندس هرج المنطقه هررج

ركضت وراها..

وشلت بايدي عباية شمرتها ع مرمر.
مرمر جانت تحجي بس مقارنه بصوت شي سندس

لا شيئ

ضلت تسب وتغلط عليها
وجرتني من ايدي حيل

وركعت الباب بوجهه مرمر..
ورجعت بنص الحوش..

هذا ابوج الجلب وينه..
هذا هو باعها لبدريه سكنها كبور وارتاح هو

وعاطت بيه. وتقربت مني..
وجرتني من شعري حييل..

كالت ولج غبرة ليش مالابسه اسود ع امج

ولجن انتو شنو من بزر جعفر بزر اغبر

كتلها هدي شعري..

لابسه اسود منو كلج ملابسه وهذنيج مشرورات

شوفيهن..

اندفعت الباب
وطب ابويه

ام جاسب طلعي برة بيتي.. يلا

شدت عباتها بخصرها واندارت عليه

وينك عيني ابو بيت يلمكطم يالفكر
نسيت جنت جوة الرجلين.. وتبوس

ولحد ما اخذت تاج راسك
ولطمت ع صدرها بدريه يمه هذا الي النذل باعج

بوحدة من الشارع..

اباوع على ابويه وجهها احمر دم
كلها ام جاسب هاي مرتي ومثل ما المرحومه مرتي

ما اجاوز عليج انتي مرة

بس اعرف شحجي ويا ابو جاسب

اندارت يلا نجمه لمي غراضج انتي واخوانج

مالكم كعدة هنا ابد

وهذا البيت باسم بدريه

انت تطلع منه

بعز هالهوسه ضحك

كال ام جاسب  طلعي من بيتي وبيت بناتي وابني هوايه احترمتج

يلا نجمه امشي

كال شتمشي شبيج انتي طلعي ذني بناتي دتفتهمين لو لا

شنيييهاي..

ضلت تباوع عليه وع ابويه

يلا اطلعي..

اندارت كالت اني طالعه بس والله الا اندمك

ابن ابو البلاليع

وبصقت ع الكاع وطلعت.

واخدت الشارع للطول تشهر بابويه ومرمر