اسفه عل التأ خير بس جان عدي ظروف كلش صعبه والله ادعولي ان شاء الله الله يفرجه علينه كلش محتاجه دعائكم
يله نكمل
نور : كملنه صلاة وتغدينه رحت ارتاح بغرفتي واني فرحانه
علي : خذت نور للمستشفى وسوت تحليل وديناه للدكتورة جان طلعت نور من الدكتورة جانت فرحانه كالت اني حامل لو ما الناس جان شبكته بنص المستشفى ههه رجعنه للبيت وماما طول الطريق توصي بيه ووصلنه كالتله ما تحطين ايدج بالشغل وصلنه للبيت صلينه وتغدينه نور صعدت لغرفته ترتاح صعدت وراها فتحت الباب لكيته ستوه تريد تنام كلتله تنامين بدون حبيبج
نور: هههه يلا تعال
علي :جاي اني تفوتنه هيج نومه بس ابدل واجي
نور : هههه احبك
علي : اموت عليج
نور : اجه علي نام يمي ضل يلعب بشعري
علي : اكول حبيبي
نور : كول عمري
علي : شنسمي الطفل
نور : بكيفك
علي : اني اقول اذا الولد مصطفى واذا بنيه انتي تسميه
نور : يكلبي اني اكول اذا بنيه نرمين
علي : اي حبيبي
نور : ونمنه كعدت العصر لكيت علي كعدته : علي علوشتي
علي : هممممم
نور : يله كوم صار العصر شكد نمنه
علي : بس شويه (بنعاس)
نور : كوم اني نازله
علي : روحي اني انزل وراج
نور : نزلت جوه لكيتهم كاعدي بالصاله سلمت عليهم ورحت للمطبخ كلت اسوي عصرونيه سويت كيك وعصير واجيت للصاله لكيت علي كاعد اول ما طبيت غمزلي يمه فد انحرجت قدمتلهم كلهم
الكل : عاشت ايدج كلش طيبه
نور : بالعافيه
ضلينه عل هل الحال مدة ٣ اشهر وبهل الاشهر عبد الله حب بنيه وياه بالكليه اسمه ريتاج وخلاني اتعرف عليه طلعت خوش بنيه كلش حبابه وصرنه اني وياهه صديقات وكال خطبولياهه راحت عمتي. حاجت اهلها ووفقوا والاسبوع الجاي العقد مالتهم
نور : حبيبي علوشتي
علي : هم كلبي
نور : اريد اروح اشتري بدله للعقد مال عبدالله
علي : بدلي واخذج
نور : يمه فدوه رحت لحبيبي
علي : ههه مصلحجيه
نور : اني مصلحجيه روح زعلت
علي : لا حبيبي كلشي ولا زعلج اشاقه وياج
نور : هممم يله امشينا بدلت وكملت وطلعنه اشتريت فستان حلو مال حوامل ومحجبات لان علي ميقبل وشتريت همين كم شغله للبيبي ورجعنه للبيت صارت الصلاة صلينه وسوتنه ام محمد العشه واخذت لعائلته وراحت وبعدين الكل راح ينام
بعد مرور اسبوع
نور : اليوم العقد مال عبد الله جهزت نفسي وبطني طالعه شكله حلو ويه البدله
علي : يله حبيبي ماكملتي
حبيبي شنو هل الجمال
نور : يا منيلي ابنك لعب بيه لعب
علي : لا حباب ابني ولك مو تروح وتباوع عل البنات
نور : ههههه
علي : فدوه لهل الضحكه
نور : يله كلبي كملنه امشينه
علي : يله
نور : رحنه لبيت العروس طالعه كلش حلوه عقدولهم وطب عبدالله شويه وطلع وبده الدك والركص وكملنه ورجعنه للبيت هلكانين وكلمن راح لغرفته
رحت لغرفتي مسحت المكياج واجه علي دخل خطيه مبين عليه تعبان حتى حجي ما بي حيل يحجي نزعت البدله ورحت اسبح
علي : عقد اخويه سوه حفله صغيره لجماعته وركصنه ركص تعبنه حيل ورجعنه للبيت ميتين من التعب رحنه كلمن لغرفته رحت لغرفتي لكيت نور كاعد تمسح مكياجه وطبت تسبح اني هم اريد اسبح نور تأخرت دكيت عليه الباب يله نور شسالفه
نور : هسه حبيبي بس ابدل بدلت شويه ارتاحيت من سبحت طلعت من الحمام لابسه دشداشه قصيره ولفه شعري بالمنشفه
علي : علكيفج وياي تره تعبان وغمزلي
نور : ههه فدوة لكلبك حبيبي
علي : يعمري انتي
نور طب يسبح اني كاعده امشط شعري طلع علي من الحمام ضل صافن عليه كتله شبيك
علي : تكلي شبيك ولج بس كليلي شنو هل الجمال
نور : غير اني ما احجي
علي : احبج
نور : اموت عليك يله حبيبي تعبت خل انام نمنه وكعدت الصبح لكيت علي ستوه كاعد يكلب بالتلفون كتله صباح الخير
علي : صباح العسل يا عسل
نور : يله كوم مدري بيش الساعه هسه
علي : شسالفه بعده الساعه ب٩
نور : اي هم يله نكوم
علي : شعدنه
نور : اذا اضل اتناقش وياك منا لباجر
علي : يمه فدوة ل الله احبج
نور : ديله اريد اعدل الفرشه مال الجربايه
علي : كايم
نور : كام علي رتبت الجربايه ورحت غسلت وبدلت ونزلت
نور : صباح الخير
الكل : صباح النور
ام علي : يمه احنه تريكنه
نور : تمام حسوي الي ول علي
علي : حبيبي سويلي بيض عيون
نور : تدلل
رحت اسوي ريوك داسوي البيض ما احس الا وحد شبكني من ورة كمزت
علي : لا تخافين يكلبي هاي اني
نور : خرعتني
علي : يمه فدوة
نور : دوخر لايجي احد
علي : خل يجون مرتي وبكيفي
ام علي : صخام بوجهك هسه يجي ابوك ويشوفك شتكول
نور :( اني فد استحيت وهوه ولا عبالك )
علي : شمسوي هيه مرتي
ام علي : ولك عيب
علي : هوه شنو العيب غير مرتي
نور : علي كافي
راحت خاله وكملت الريوك تريكنه علي
علي : ها حبيبي
نور : مشتاقه لاهلي
علي : تدللين اوديج العصر
نور : يكلبي انت احبك
علي : اموت عليج
نور : كملنه ريوك كعدنه شويه سولفنه عن زواج عبد الله وسوالف بعدين اجت ام محمد تسوي الغداء ساعدته حطيه وحده بالرغم عمتي العفو امي ههه كلساع تكول كعدي لا تتحركين مو زين عليج التعب صلينه وصبينه الغداء وكملنه وراهه تعرفون جايات وحبشكلاته وسوالف لمن صارت ساعه٣ كملنه كلمن لغرفته رحنه اني و علي لغرفتنه نرتاح جان علي كال...
علي : هم يله حبيبي يرادلج ساعه تتحضرين
نور : هاي شنو لعيب عليه
علي : يمه فدوة
نور : كافي خل ابدل رحت للحمام بدلت وكملت لبست شالي مكياج خفيف ترتيبات صارت ساعه ٤ لكيت علي نايم
نور : علي يله اكعد
علي : همممم من وراج وين اكو واحد يبدل ساعه
نور : شنو وين اكو واحد يبدل ساعه اصلن اكو اكثر مني يطولون
علي : لا بالله خل اكوم ابدل احسبيلي ه دقايق اني مخلص
نور : يله خنشوف وقت المؤقت عاد اني بالخباثه استاذ ههه😈😈😈 صار ٥ دقايق وهوه كمل طبعا انتم الولد لا حجاب ولا شي طبعن ٥ دقايق
علي : يله انتي كادره بس عليه
نور : نننننن يله امشينه نزلنه كلنه عمي وعمتي وطلعنه ( للعلم اني واهلي يوميه نتخابر بس اني حيل مشتاقتلهم فرحتلهم) صعدنه بالسيارة وصلنه ابيت اهلي نزلنه اني وعلي كوه قنعته ينزل وياي دكيت الباب........
يتبع
حبايبي اتمنه تصوتون على القصه واذا عندكم قصه حقيقيه صارت وياكم كتبولي بالخاص واني اكتبه احبكم ❤️❤️❤️
