علي : اجه اليوم اللي يجيبون بي الفصليه واخويه طلعنا من المستشفى وامي كل شويه توصي بيه ديربالك على البنيه وهي ما اله ذنب اني هم كلت البنيه ما اله ذنب يعني ما أذيه وإذا طلعت خوش بنيه ازوجه من صدك
نرجع لبيت نور :
نور : نمت واني الدمعه بعيني أقت المنبه الساعه ب ٨:٠٠ وكعدت الصبح واني خاطري مكسور
صباح الخير
ابو وام نور : صباح النور
ام نور : يله ماما بسرعه راح تجي مرت عمج تاخذج للصالون والسوق
نور : اي ماما ان شاء الله
ابو نور : حبيبتي نور مو ضوجين ان شاء الله كم يوم ونجيج
ام نور : اي حبيبتي لتلحين عليهم احنه كم يوم ونجي ان شاء الله
نور : اي ماما ( واني مكسورة خاطر 😢 ) اجتي مرت عمي وعمي
( مرت عمي حفظوه وعمي ابو ساره)
اندكت الباب واني كمت فتحت الباب لعمي ومرته
ام ساره وابو ساره : السلام عليكم
ام نور وابو نور : وعليكم السلام
ام ساره : يله حبيبتي نور كملي علمود نروح
نور : اي عمه بس اصعد ابدل واجي
صعدت واني اتمنه بيوم عرسي البس بدله وتسريحه ومثل باقي العرائس بس للأسف صار اللي صار بدلت ونزلت
ام ساره : يمه فدوه طالعه كمر
نور : هههه شكرا عمه حبيبتي
ام ساره : يله ابو ساره خلينه ناخذ نور ونروح
ام نور : الله ينطيج العافيه ام ساره اني انتضركم اسويلكم غده
ام ساره : اي حبيبتي احنه نترخص
ام نور وابو نور : الله وياكم
نور : رحنه نزلنه للصالون حفتلي ام الصالون ونظفتلي بشرتي واني على طول ضايجه وما الي خلك احد ورحنه للسوق تسوقنه كلشي يمكن السوك كله اخذته ههه 😀 رجعنه للبيت تغدينه وكملنه وعمي وابوي كالو يله بنيتي كملي علمود نروح لان الجماعه منتضرينه واني صعدت لغرفتي بدلت وكملت نزلت
ام ساره : يمه فدوه شكد حلوه والله لو عندي ابن ما خليج
نور : ههه عيونج الحلوه حبيبتي عمه
ام نور :ما ادري شلون راح افارك بنتي
نور : ماما لا تبجين اني هم ما ادري اشلون راح افاركم
ابو نور : يله بابا بسرعه الجماعه منتضرينه
نور : صعدت بالسياره مال عمي واني دموعي عشره عشره دخلنه بمنطقتهم وبيتهم كلش جبير ويخبل بي حديقه جبيره تخبل ونريد ننزل جان نلكه كومه زلم و واكف واحد رجال جبير ويه ولد شاب بصراحه ما باوعت بوجهم بس نزلنه وهذا الولد الشاب كالي امشي طبي جوه اني ودعت عمي وابوي وطبيت
ابو نور : ابو علي ما اوصيك انطيتك اعز شي عندي
ابو علي : ابو نور نخليه بعيونه وهاي بتنه
ابو نور : يله خويه الله وياك
ابو علي : الله وياكم
نور : طبيت الكه مره جبيره كاعده
ام علي : تعاي يمه تعاي هنا
نور : اني رحت يمه كلتله السلام عليكم ( بخجل )
ام علي : وعليكم السلام هله بيج يمه تعاي خلي اشوفج
نور : رفعت البوشيه
ام علي : اللهم صلي على محمد وآل محمد يمه شحلاتج كمر
نور : حبيبتي خاله عيونج الخلوه ههه
ام علي : يمه لا صيحلي خاله صحيلي يمه
نور : حاضر
ام علي : خلي اعرفج علينه اني ام علي وهاي المره ام محمد هاي تشتغل هنا عدنه وابني علي هوه زوجج وعبد الله اخو والحجي الجبير هذا ابونه اكيد شفتيه
نور : الله يحفظكم
علي : دخلت لكيت بنيه كاعده يم امي تخبل عبالك كمر تجنن 😍😍
نور : دخل ولد ما احجيلكم يجنن صاك🙈 ههه😅
ام علي : يمه علي تعال اكعد هاي مريتك
علي : اجيت كعدت يم امي واني عيني عليه وهي خجوله ولا رفعت راسه كلت لامي يمه حضري البنيه اجه الشيخ
ام علي : يمه يله البنيه ما عده شي
نور : دخل الشيخ عقدنه عرفت هوه هذا علي الحلو 🙈♥️
علي : عرفت اسمه نور بس خجوله حيل ❤️ بصراحه حبيته اول ما شفته كلت معقوله هاي البنيه حلالي 😍😍
نور : كمل الشيخ طلع رجعت كعدت يم عمتي العفو امي
ام علي : يمه روحي ارتاحي بغرفتج
نور : وينه ( ومتشوقه اشوفه.)
ام علي : ام محمد ودي البنيه على غرفته
ام محمد : حاضر حجيه
شفت البنيه عبالك كمر وديته على غرفته
تفضلي حبيبتي هاي غرفتج
نور : شكرا تعبتج دخلت للغرفه عبالك جنه كبل صعدولي الجنط واني اريد اصفط الملابس
انفتح الباب......
يتبع......
💛💛
اتمنه عجبكم هذا البارت
