عيد ميلاد سعيد يا احلى اخت وصديقة Gowgiw1237828
🔥🔥 سبرين امرأة من نار 🔥🔥
الحلقة الاولي
🌺🌺🌺🌺🌺
البداية من مصر
🌺🌺🌺🌺🌺🌺
فى منزل بسيط كان يجلس شاب امام أمه
الشاب : يا سوسو بس اسمعيني
الام : انا قولت لا يعني لا
الشاب : ليه بس يا سوسو
الام : عاوز تسبني وتسافر هو انا ليا حد بعدك فى الدنيا
الشاب بغمزة : قولي انك بتحبيني
الام : هو انا ليا غيرك انت إبني واخويا وحبيبي وسندي وظهري
الشاب بحب : ربنا يباركلي فيكى بس هى سنة لو استريحت هناك هبعت ليكي ونعيش هناك على طول احنا ملناش حد بعد موت ابويا
الام بحنان : خلاص يا بني سافر وربنا ييسر الحال ويرزقك
الشاب : انا هكلم يونج وهرتب معاه
الام : ماشي يا روحي وسلملي على الولد ده اصلي بحبه اوى
الشاب : بتحبيه وانا يا سوسن خلاص رمتيني مكنش العشم
الام : ونبي يا شادي ناولني الشبشب ده كده
شادي : اتفضلي
الام : قوم يا ابن القديمه من قدامي
جري شادي من ادمها ولكن هل يخيب هدف الأم المصرية وصل الشبشب فى ظهره
شادي بصوت عالى : حرام عليكي يا سوسن الشبشب جيه فى ظهري حرااااااام
سوسن : تستاهل روح اغسل المواعين
شادي : انا نازل سلام
سوسن : الواد مشي ربنا يستر طريقك يا بن بطني ويوقفلك فى كل خطوه سلامة ويرزقك بالمال الحلال وبنت الحلال الى تريح قلبك وبالك
🌹🌹🌹🌹🌹🌹🌹🌹🌹🌹
مرت الأيام واستطاع شادي ترتيب اوراقه والذهاب
الى كوريا الجنوبيه
جاء يوم السفر ودع شادي امه وابنه خالته وهي أخته فى الرضاعة واتت للعيش مع خالتها حتي لا تتركها بمفردها
سافر شادي الى كوريا واستطاع تكوين الأصدقاء بجانب صديقة يونج وعاش وشتغل لمده 6 أشهر و اشتري منزل جميل بالقرب من أصدقائه وكانو 4 أصدقاء وهم
1 - يونج شو كيونج : وهو ابن اكبر رجل أعمال كوري وتعرف على شادي عندما نزل الى مصر وتعرض الى السرقة ولكن ظهر شادي وانقذة من الموت واخذه الى منزله وعاش معه اسبوع وعندما علم بان شادي يحتاج الى العمل تحدث مع والده ووافق على مجيئه كوريا للعمل واصبحو اصدقاء بشده
2 - روي كي لويج : صديق يونج وتعرف على شادي فى كوريا وصارو أصدقاء وتربطهم علاقة الدم نظرا لان شادي يمتلك فصيلة دم نادرة وكانت ام روي تحتاج لنفس الفصيلة بشدة فتبرع لها ولن يبخل على ام صديقة
