مملكة تعيش على أمل (مكتمله)

البارت الاول

ابو احمد :ام احمد اني طالع ... رايدة شي
ام احمد :لا سلامتك
فتح ابو احمد الباب وشاف بت مكمطة وتبجي يم الباب شالها بسرعة ودخلها للبيت جانت البنت حيل حلوة من صدك الله تعبان بيها كل تفصيل بيها حلو .
ابو احمد :بصوت :ام احمد وينج تعالي بسرعة .
ام احمد :خير ابو احمد
.يا ! هاي شنو الي بيدك اسم الله
هاي منين جبتها
ابو احمد:لتحجين هواية تعااالي واخذي البت من ايدي
راحتله ام احمد بسرعة وأخذت البت منه ودخلتها ع الغرفة لان الجو جان بارد حيل

ام احمد :عيني ابو احمد وين  لكيت هاي البت
ابو احمد :باب البيت
ام احمد هااا..عزة منو الي عافها بهاذا البرد
ابو احمد :ديري بالج ع البت علما اروح للشرطة بلكت نعرف شي عن اهلها
ام احمد :بصوت يتململ اي اكيد ....قابل تضل يمنة جهالنا الي معيشيعا كافية علينا
ابو احمد:ام احمد بطلي سوالفج هاي .
وديري بالج ع البت علما نسلمها الاهلها بخير وسلام
ام احمد :بطرف عين :وشكلت اني ...ان شاء الله تروخ وترد بالسلامة
طلع ابو احمد وهو يفكر بالبت وبشكلها الملائكي وبالوضع الي شافها بي وبالشي الي ورة هاي البت .
جاان خايف حيل بشأنها وتوجه مباشرة لمركز الشرطة وخبر عن البت وسو كل الجراءات الازمة وضلوا حوالي شهر يدورون ع ادلة ومنين اصل الطفلة بس للاسف كولشي ماكو فنسدت القضية وجان لازم ابو احمد يختار يا ام يخليها بدار رعاية الايتام او يربيها ع مسؤوليتا
ام احمد:اسم الله عليك ابو اجمد شبيك ضايج .
ابو احمد:والله يا ام احمد افكر بسالفة الطفلة ما يهون عليا اخليها بدار الايت......
قبل ليكمل قاطعته ام احمد