ابو محمد : دكتور شلونها امي ؟؟
الدكتور : والله لحد الان ماكدرنا نشخص حالتها والمرة كل شوي وتفقد وعيها .... هسه كعدت وضعها طبيعي بس خلينها تحت المراقبه حتى نتاكد من وضعها
حيدر : يعني صحتها زين لو لا مفهمت ؟؟
الدكتور : لا صحيح هيه صحت بس وضعها مو مستقر
ابو محمد : خل اخابر دكتورتها الخاصه بلكي نكدر ناخذها لبغداد
حيدر : خابرها خويه
محمد : ( رفع بابا جهازة واخذ يتصل راح ياسين وعسل لحتى يسددون فلوس مال المستشفى لان اهليه ... شويه واتصلت بيه الماس ) الوو ها حبيبي
الماس : وينك يروحي اني بالشارع كدام المستشفى
محمد : ( اشرت لحيدر هسه اجي ونزلت واني احاجيها بالتلفون ) شسوين هنا
الماس : ضل بالي عليك من سمعت جدتك مريضه
محمد : منو كلج
الماس : اتصلت ع الارضي مال بيتكم من مارديت عليه انت وردت وحده من الخدم وكلتلي
محمد : هاا .... اني باب المستشفى وين انتي
الماس : شفتك بس خل اعبر الشارع جنت اشتري الورد
محمد : ( شفتها يم محل الورد ابتسمتلها ... اشرتلها تجي ... عبرت الشارع جان تجيلها سيارة طايرة دعمتها وشردت .... ضليت واكف مدهوش البنيه انشمرت متر ليكدام .... ركضتلها بهلع والناس تصارخ حولينها .... وصلتلها واشوفها من الصدمه فاتحه عيونه وشفاها ترجف ) الماس ... الماس
... : بسرعه صيحوا ع الممرضين خل ينقلونها
.... : لحد يلمسها احتمال عدها كسور
محمد : ( اجوي المسعفين رفعوها ع السديها ترددوا يدخلونها للمستشفى ) شنو شبيكم البنيه غاركه بدمها 😠
.... : لازم واحد يكفلها ويدفع دخوليه
محمد : خرررب شكد ناس جشعين البنيه تموت وانتم تفكرولي بالفلوس 😠
.... : اعتذر بس هاي قوانين المستشفى ....
محمد : دخلوها اني ادفع البنيه تقربلي
.... : اوووك واعتذر منك بس الموضوع خارج سيطرتي هاي القواني
محمد : ( رحت للاستعلامات كملت اجراءات التسجيل ودفعت الفلوس وصعدت غرفتها انتظر ... شويه واجالي الممرض )
الممرض : المريضة تقرباك ؟
محمد : اي رجاءا طمني عليها 😯
الممرض : خويه مااكدر احجيلك شي لان وضعها خطر بس نحتاج دم باسرع وقت ممكن
محمد : عادي اني اتبرعلها دمي o
