Tula

Ang Aking Ama

Enjoy Reading~

ANG AKING AMA

Ang aking amang haligi ng tahanan

Nagtatrabaho't nagkakayod ng lubusan

Ngunit ang pag-aaruga samin ay hindi kinakalimutan

Kaya kanyang pagmamahal nais naming suklian

Ang aming amang sa amin ay bumuhay

Laging nandyan at nakaagapay

Hindi malilimutan kanyang mga gabay

At hindi ipagpapalit sa kahit anong bagay

Ikaw ang unang lalaking aking nasilayan

At unang lalaking naging kaibigan

Unang lalaking minahal akong tunay

Pinahalagahan at inalagaan ng higit pa sa iyong buhay

Salamat sa regalong bigay ng Dios Ama

Isang mabuting ama't mapagmahal na asawa

Magandang lalaki ang panlabas na itsura

At mabuting budhi ang sa puso'y nakatala

Aking tulang sa iyo ay inilaan

Iyo sanang tanggapin at magustuhan

Mga mensaheng nais sabihin nawa'y maunawaan

Ito'y aking pinag-isipan at totoong pinaghirapan

Aking amang laging nandiriyan

Pag may problema'y aking nasasandalan

Kahit anong mangyari ay hindi kami iiwan

Isang pangakong kanyang binitawan

Ito ang oras na ako'y mangangako

Sa iyo ama na saksi ang mga tao

Mga taong babasa nitong aking soneto

Na aking inilaan para lamang sa iyo

Aking ipinapangako sa aking sarili

Na poprotektahan at mamahalin ka oras-oras at lagi-lagi

Sa iyong pagtanda'y ako'y iyong laging katabi

Ang mag-aalaga sayo hanggang sa mag-gabi

Buong puso ko itong ipagmamalaki

Na ikaw ang aking ama na siyang aking kahalili

Sa lahat ng bagay , at sa lahat ng sandali

Eduardo C. Pongpong , aking amang sinasabi

****************

A/N : Hello guys :)) halata naman siguro kung kanino ko ito idinededicate diba? Ofcourse ! Kanino pa ba? Walang iba kundi sa aking love na love na Papa:))

* And also gomen ne ( sorry ) kung ngayon lang ulit nagparamdam :)

* So guys waiting parin ako sa mga gustong magpadedicate :))

* And guys dont forget to

VOTE COMMENT SHARE:-*
THANKS A LOT:))

~PrincessRoselle:-*