غنيت لك على وتر الجفا لحن

2

اللحن الثاني
-
نوف/هههههههه خفف من دعاويك غريبه نوره كلمتها تقول انك رايح لعمره ما قالت انك بتروح لزوجتك الثانـيه ..اووه لا تقول انها ما تعرف
ناصر برتباك/لا ماتعرف..نوف انتي تحبين نوره صح ما ترضين على زعلها..واذ عرفت اكيد بيضيق صدرها
نوف قاطعته/خلاص خلاص عرفنا..بما ان قلبي طيب وعشان اثبت لك اني بنت محترمه مو مثل ما تظن،، ما بقول لها بس بشرط
ناصر رص على اسنانه وهو يتصنع الابتسامه/ اللي هو!؟ هو!؟ نوف/ادخل واطلع من بيتكم وقت ما ابي ..ولا تمنعني..ها وش قلت
ناصر بغضب/مستحيل
نوف رفعت جوالها/اجل انتظر نوره تدخلك للبيت اليوم
ناصر شد على سنانه/خلاص مووافق مواااافق

نوف ضحكت /ههههههه اجل افتح الباب بسرعه مشتاقه لخواتك وزوجتك..ايه وسلملي على زوجتك الثانيه ههه
فتح لها الباب ومغتاض منها... دخلت لبيت ناصر وهي تبتسم براحه..
وكانها دخلت عالم ثاني..عالم نظيف بعيد عن الظلام والفسق والمعاصي بعيد عن الحقد والكرهه و الحرمان..عالم يلفه النور والايمان والحب والاخوه والصدق والمحبه..هذا هو بيت ناصر وخواته..
ابوهم وامهم متوفين وناصر هو المسؤال عنهم وولي لمرهم
ناصر35
نوره زوجة ناصر29
سارة21
افنان16
____
دخلت لبيتهم وهي تشوف نوره وساره جالسين في الصاله بزعل
نوف/سلااام
نوره وساره/نــــــــوف!؟ نوف/هههه ابشركم سمح لي ادخل ومتى ما ابي و وقت ما ابي
ساره وقفت وسلمت عليها/صدق كيف اقتنع!؟ نوف سحبتها وجلست /اتركوكم من الموضوع هذا..انا جوعانه متى غداكم
نوره تبوس خد نوف بقوه/حبيبت قلبي انتي تكه ويكون الغدا جاهز
نوف مسحت خدها بقوه/الله يقرفك..كم مره قلت لك محب هذي الحركات
نورة/هههههههههه وش اسوي خدودك مثل البزران ودي اعضها ههه
نوف/جعلك اللي منب قايله روحي خلصي الغدا
دخلت نوره للمطبخ .. ساره عدلت جلستها وبجديه/عطيني اخر التطورات صار شي وجهك مقلوب
نوف صدت عنها
.وبتهرب/وين افنان ما شفتها
ساره/افنان نوره قفلت عليها الغرفه لاجل تذاكر..ما جوبتي على سؤالي
نوف/هاا ..ما صار شي نفس الوضع عادي
سارة مسكت وجه نوف وسحبت
نظرتها/عينك بعيني..تظنين انك بنظارتك هذي بتخفين عيونك عني
نوف رفعت يدها على عيونها
وغمضتهم/عطيني نظاراتي ..عشان اقدر اتكلم
ساره وهي تقلب نظرات نوف
بين يديها تتمنى تكسر نظراتها..
اللي تحجب فيها عيونها "نظرات نوف من النوع اللي يكون مظلل من فوق تظليل خفيف وصعب تميز شكل عيون اللي يلبسها" -

-
تنهدت ساره وهي تلبس نوف نظرتها/بتتكلمين ولا اتصرف بطريقتي
نوف عدلت نظرتها وتكت بذقنها على ركبها/ابوي طلب مني اروح معه في مهمته
سارة شهقت بقوه/نوووف تكفين لاااا لا يانوف
نوف/مدري وش اسوي مرات اقول بفسد عليه واخليه يتورط وافتك منه بس انا عرفه اني اذ سويت كذا بيقتلونه
سارة مسكت نوف من كتوفها/نوف انا اعرف انه مهما كان في الاخير ابوك بس وربي يا موت ابوك اهون من انه يموت مئات الشباب بسبب شغل ابوك وتدميره لشباب
نوف شدت على اسنانها تكتم غيضها/انا عارغه كل هذا.. متصوره انه كان يرسلني بداله من كان عمري سبع سنوات متخيله انه يستعمل طفله في تـهـريـب المخدرات!! لاجل محد بيشك في طفله..وانا بكل غباء ما اكتشفت الشي هذا الا قبل ثلاث سنوات بعد ماصار لي الحادث...وكل هذا ما كفاه رجع يطلب مني اهرب بداله
سارة بخوف/وش بتسوين
نوف/اللى اعرفه اني مستحيل انفذ له اللي يبي ..لو يقتلني..ابوي غصب يبيني اكون ولد واصير مجرمه مثله..وكل هذا لاجل ينتقم من امي..طيب اذ هي ما تدري عني انا وش ذنبي اكون ضحيت كرههم لبعض!؟ ساره بحماس/صح امك ليه ما تروحين لها واسكني عندها وهي اذا عرفت اللي يسويه فيك ابوك مستحيل تسكت خصوصاً ان لهم واسطات ومركزهم كبير
نوف ضحكت بسخريه/هههههه من قال لك انها ماتعرف امي ما تطلقت من ابوي الا وهي عارفه بلاويه..وكان بامكانها انها ترفع عليه قضيه وتاخذني عندها بكل سهوله..لا كن هي تكرهه ابوي ما تبي شي يذكرها فيه ..هذا غير انها متزوجه ولد عمها اللي تحبه واكيد صار عندها عيال
ساره مقدرت تتحمل وبدون شعور غطت وجها بكت لحال نوف
نوف
نوف عقدت حواجبها وابتسمت/سارونه ليش البكى
ساره تشهق وبصوت باكي/قهروني ليش يسون كذا انتي وش ذنبك..يصبون عليك احقادهم وكرههم لبعض اذ هم مو قد الزواج ليش تزوجو!؟ نوف صدت عن سارة وعلى شفايفها بتسامه جاامده "هي كذا صعب تعبر صعب تبكي..ساره هي الوحده اللي تقول لها كل شي ساره وطارق هم اغلى ثنين على قلبها ..يفهمونها بدون ما تتكلم.. حبوها رغم سواء طباعها وجمودها" دخلت نوره بـ الغدا وشهقت بقوه /ساااره ليش تبكين
نزلت الغدا
وحضنت ساره/حبيبتي ساره وش فيك!؟ سارة ضمت نوره بقوه وبكت اكثر..نوره بكت معها وهي ما تدري وش اللي صاير
نوف طيرت عيونها فيهم..وقفت بسرعه وابعدتهم عن بعض/انهبلتو!!الحين انا اللي اشكي وانتي اللي تبكين!؟ وانتي (تأشر على نوره) ليش تبكين معها ..تتعازمون على البكى!؟ نوره تمسح دموعها/مقدر اشوفها تبكي وامسك نفسي
نوف بسخريه/.... -