باوعت الـ بابا گبل خزرني
أشر براسة يعني لتطلعين من الخوف گعدت بـ مكاني أرجف
ظل يباوعلي ويشرب
فجأة انفتحت الباب وطب عمو حامد سحبني من أيدي حيل اجيت أوگع على وجهي
- اشووووو گومي وياية اااااااني مو صحتچ
- عمو...
- اشششششششش
حچاها وسحبني الغرفتة
دخلت عمة شايلة الجهال تفتر بيهم وذولة مفرفحين من البچي حتى گلبهم راح
- حامد شلون هسة ؟!!
خطية الجهال جوعانين شسويلهم وأخوك ذب الحليب من الشباك الله ليوفقة
سحب عمو ملابسة من الزاوية وصاح
- رررررربي أخذة وريحني وريح هـ العالم من حقارتة
- يااااا وين رايح ؟!!
- وين يعني غير أدبر الهم حليييييب
- حامد صدگ تحچي !!
باوع ساعة ببيش صارت يا حليب بـ هالليل وين تحصل الله يخليك
- شسوووووووووووي لعد
حاچيني شسوي
يعني اخلي الجهال يموتون من الجوع للصبح واااااني اتفررررررج
- بس على كيف لتصيح
تعال شوووو الزمهم شوية... حچتها وخلتهم بحضنة
- وين رايحه نهاية
- هسة دقيقة وأرجع انتظرني ما اتأخر عليك
باوع عليهم حاير شيسوي ويسكتهم
ظل يفتر بيهم بلكي يهدأون بس ماكو جوعانين
شوية واجت عمة نهاية بـ ايديها أستكان مدري شنو بي
- هذا شنو بـ ايدچ ؟!!
- ماي وشكر
اسكتهم بي بين ميصير الصبح بلكي شوية يرتاحون علي وينامون
- يفيد يعني !!
- مو كلش لأن بعدهم أطفال أنفاس
بس أحسن من الماكو
خو ميظلون هيچ غير يموتون..... أسم الله أسم الله
- يلا دشربيهم لعد
وانتِ عمو طيوبة تعالي وياية انومچ بالغرفة يم صالح وصفاء مو احسن منا
هزيت براسي أي
أخذني الغرفتهم وأخواني ظلوا يم عمة
دخلت چانوا جهالة نايمين باوعت علي ونزلت دموعي
- عمو أخواني راح يموتون ؟!!
راح يموتهم بابا مثل ما موت ماما مو صح
بس حچيتها گعد بمستواية يمسح على وجهي
- لا عمو لااااا
شنو يموتهم هذا أبوكم ويحبكم اكو أب يقتل أطفالة
- بس بابا ميحبنة
متشوفة شلون ضرب أخواني وجوعهم
اني عادي اتحمل الضرب مالتة
بس أخواني خطية بعدهـم صغار ميتحملون كل هـذا
صدگ عمو سؤال
عود بابا هم چان يضربني لمن چنت بعمرهم لو لاااا
بس حچيتها دنگ راسة
- لا عمو بابا يحبچ وابد مچان يضربچ
حتى هسة ما قاصد يأذيكم
بس هو مو بوعية كلها فترة يحس على روحة ويتغير
مسحت دموعي بفرح مصدگة كلامة
باسني وطلع من الغرفة
تمشيت يم ولد عمي توني دانام يمهم حس علية صالح
YOU ARE READING
أبي لم يكن إنسانًا
General Fictionالأثار التي على جسدي هيَّ من أوصلتني إلى ما أنا عليهِ الآن أنا تلكَ الطفلة التي كبرت قبلَ أن تكبر أنا تلكَ الطفلة التي أصبحت امًا لِـ طفلين وهيَّ في السابعة من العمرِ فقط أنا من قالَ عنهُ الله في محكمِ كتابهِ العزيز ( فأما اليتيم فلا تقهر )....
البارت 3
Start from the beginning
