ضربولي ابرة مهدىء و شويه شويه بديت نهدا ونرتخي
//
//بعد شويه خش عليا دكتور كبير ف العمر >> انا دكتور عادل اخصائي نفسي نبيك تحكيلي كل شي صار معاكي
انا >> لو نعرف شن يلي صار معايا ماكانتش هذي حا تكون حالتي "ومسكت راسي"
عادل >> ذاكرتك موقفه من شهر حا نساعدك عشان تذكري شويه
انا >> من قالك موقفه كانت تشتغل ومذكرة كل شي هما ليش يتعاملو معايا هكي
الدكتور >> جسم الانسان تركيبة غريبة ماحدش فاهمه الا رب العالمين انتي دماغك رسملك حاجه و شفتيها وتحسابيها واقع بس هو كله وهم
من شهر درتي حادث انتي وعمك يلي مصبي برا و الخبطة للاسف كانت من عندك وسببتلك نزيف فالدماغ و خشيتي ب سببه في غيبوبه
كنت فاقدين منك الامل ، بس سبحان الله كنتي اقوي من الاجهزة وربي كتبلك عمر جديدلما حكى الدكتور كلامة بديت شويه نذكر شنصار
مسكت راسي و قعدت نذكر شن صار قبل الحادث يلي انا مش مذكرته اصلا//
//
بعد صراع مع ذاكرتيمن شهر كنت طالعة انا وعمو محمود لسوق نشري في كم حاجه ناقصتني ، لعرسي انا وكمال اه انا وكمال !
كنت مصبيه قدام المحل ومحمود خش يجيب في كم حاجه من محل شباب
بحتت عاليمين كانت في عزوز لابسه جلابية سودا و محرمة و شكلها مبهدل وجعتني طلعت فلوس من شنطتي ومشيت شورها نبي نعطيهن لها
قربت منها ومديتلها يدي اول ما قربت يدي مسكت يدي
انا >> ماتخافيش بنعطيك فلوس بس
العزوز ما عدلتش ع كلامي و حولتهن من يديوبحتت فيا >> زواجك مش حا يتم و لو تزوجتي حياتك حا تنقلب فوقي لوطي ، قدرك مكتوب بس الاقدار يتغيرن وربي قادر انه يغير كل شي
انا انصدمت >> كيف عرفتي اني ح نجوز
العزوز>> كيف ما عرفت انه جوازك مش ح يتمخفت من كلامها فكيت يدي منها وجيت نبي نمشي
العزوز >>حا تقابلي حب في حياتك ما عشتيه ، كمال مش توآم روحك صدقيني
مشيت بسرعة عند محمود و انا مصدومة بككككككككل كيف عرفت كمال وكيف عرفت اني حانجوز كلامها وكيف تحكي ونظرتها الغريبه وترني بككككككل و كلامها يرن في وذني وحسيت بشعور غريب
ركبت فالسيارة مع محمود و من بعدها معش نذكر شي
//
//قعدت نمسك في راسي و معش فهمت هل يلي تذكرته صح ولا برضو وهم
الدكتور >> تذكرتي ؟
انا>> شويه حاجات قبل الحادث بس
يعني يلي كنت نشوف فيه كله حلم ؟؟ والي تذكرته توا معقوله يكون وهم حتي هوا
أنت تقرأ
لعبة الحياة (رواية ليبية )
Romanceالكاتبة : أية صاحبة رواية المستشفي . رواية تتميز بقصة و لا في الخيال و احدات مشوقة و نهاية اتحداك ان تخيلتها
حلقة 30 🔥 النهاية 🔥
ابدأ من البداية