الدكتور >>دماغ الانسان شي غريب بكل توقعي منه اي شي ، بس اللي تذكرتيه توا هو المزبوط
يعني مش وهمطلع الدكتور وخشتلي رغد قعمزت جنبي ع السرير وبحتت فيها
انا >> رغد فهميني كل شي
انا حا ننجن حا نخش في عقل مش عقلي
حاسه كل يلي صار حقيقه مش خيالرغد >> اهدى بس شن تبي تفهمي
انا >> انا ما تجوزتش كمال ؟؟
الحادث امتي صار
و سارة ما انخطبتش
وايه وابراهيم
ومروة تحب عمر
وعمو ناصر اجوزرغد >> اهدي اهديييي انتي ناسيه هضا كله
انا <<رغد جاوبيني والله حا ننكلب مش فاهمه شي مليون فكرة ف راسي
رغد >> اهدي بس تو نحكيلك
الحادث درتيه من شهر
يومها كنتي ماشيه للسوق انتي ومحمود
درتو حادث شين بكل و خشيتي في غيبوبه
ومحمود عشان هكي ما سيبكش بكل حاس ان هوا السببوكمال ! من بعد الحادث كانو كل يوم يجو
كان المفروض الشهر يلي فات عرسك بس الحادث غير كل شي
بعد فترة هل كمال معش جو وامه كلمت ماما وقالت لهاوسكتت رغد
انا>> كمال عنده سرطان فالدم
رغد انصدمت>>كنتي تعرفي
انا >> بدون ما تسألي كمليرغد >> خلاص وفركشنا الخطبه انتي الدكاترة ما عطونش امل انك تعيشي وكمال هله زرو عليه وسافر البريطانيا يتعالج
وسارة قاعده زي ما هيه ادور علي شغل
وايه فسخت خطبتها من ابراهيم
وكل يوم يسااالن عليك ومقهورات عليك بكل
ومروة مازالت تحب عمر بس من طرف واحد
وعمو ناصر كانو يدوروله بس اجلو الموضوع بعد الحادث
وبس هضا يلي صارانا >> يعني كل اللي كنت نشوف فيه حلم
رغد >> شن صار معاكي من اول ما نضتي وانتي مش طبيعيه
انا >>رغد خليني بروحيطلعت رغد وحسيت راسي ثقل بكل
كمال ما ماتش و عز ما يعرفنيش
لما درت الحادث وخشيت في غيبوبه بديت نحلم اول شي ب يوم عرسي
كانه الحادث صار عشان عرسي يتفركش
وكانه الحلم يوري فيا حياتي كيف كانت حا تكون لو العرس صارراسي تلخبط ومعش قدرت نفكر
//
//جو هلي للمستشفي وماما تبكي وبابا يضبط فيا
ودراما و بكاوانا مصدومه مش عاطيه اي ردة فعل
ويحكو حذايا ويهدرزو وفرحانين وانا مذهولة ب يلي صايرفالليل الدكتور قاللهم اني بكرا نطلع وحالتي مستقرة وما فيا شي
//
//
ثاني يوم جا محمود خذاني من المستشفي
صبيت ع المرايا قبل ما ننزل
كنت ناقصة بكل عشان ماناكلش طول فترة الغيبوبه عايشه عالمحاليل وجي باين فيه المرض
YOU ARE READING
لعبة الحياة (رواية ليبية )
Romanceالكاتبة : أية صاحبة رواية المستشفي . رواية تتميز بقصة و لا في الخيال و احدات مشوقة و نهاية اتحداك ان تخيلتها
حلقة 30 🔥 النهاية 🔥
Start from the beginning