لعبة الحياة (رواية ليبية )

حلقة 13

مروة>> نسيت تلفوني نجيبه ونجي

خشت مروة تجري

توزعنا فسيارات نحن و كنت نشوف في سيارة عز فاضية وقاعد فسياره يبحت مع الروشن ويضحك ويحكي مع محمود
السيارات مدرسات فالصور متاع الحوش

محمود >>خلاص يا عز طلع السيارة وخش الناصر سدن السيارات

عز >> تم ياطير

كنت نبحت فيه ومبتسمه

رغد >> كنك قريب تاكليه من هضا ؟
انا سكتت وبحتت في رغد😒👊🏻

انا مازلت ما قلتلهنش انه عز صاحب محمود هو لي نكلم فيه بس حسيت رغد شكت خصوصا الاسم لما شافاته عتلفون مسجلة عزو ونظراتي له ماتريحتش😪💔

//
//
كانت مروة فصالة تاخذ في تلفونها طلعو كلهم بسيارات وكانت سيارة عمر بس فيها بنات عمتي الصغار من لاوره الاثنين ومن قدام عميمه زهرا وبنتها

طلعت مروة تجري شافها عمر نزل من السياره ومشا شور الباب

عمر >> السيارات تعبن تعالي معايا وقدمي ام المحرمة علي راسك😑
مروة>> حول بنركب مع محمود😩
عمر>> محمود معاه البنات اركبي
مروة>> منبيش ومشت وسيباته

كرها من مرفقها 
عمر>> حتمشي ولا حنركبك بالغصب

مروة فكت يدها ومشت للسيارة وركبت

عمر ابتسم ابتسامة نصر وسقم بلوزته وركب

جدي >> وحده وحده فكوني من الهبال
محمود>> تم يا باتي
جدي>> والله ماخايف غير منك😒

معتصم>> ريحلي روحك وهديهن يامحمود وتوكل 😒
محمود >> زقوب🙂

طلعنا كلنا ومشينا شور الصالة و تبيب وزغريت

ومروة كانت راكبة مع عمر و راقيلها بكل ومتعقده

//
//

وصلنا ووصلت ايه وقعدنا معاها ونصورو عالمسرح
والفرقة دايره جو
وكانن اغلب الانظار عليا بما اني الارملة لي هضا اول عرس تحضره بعد سنتين حزن 🙂

انا مقعمزه عطاولة>> حاسة روحي غريبة😴
سارة>> ارخي روحك ماحد معبرنا والله كل حد لاهي
انا >> مش عارفه شعور بايخ
سارة>> فوتي فوتي وتعالي نعدو الايه

انا صبيت مع سارة ومشينا شور ايه قعدنا نهدرزو معاها ونحولولها فالتوتر

قدمت رغد علمسرح وقالتلنا ناصر جا وكان مايبيش يخش بستين الف واسطه بيش خش بشرط قال انه مايبيش حد يخش معاه ولا يسلم عليه ولا اي حاجه 😂💔

وفعلا خش بروحه وكانت خشته حلوه 

ركب عالمسرح وايه ترعش رفعلها الطرحة وحب علي راسها وقعمزو