ليتني لم أكن

البارت الثاني ..

معقوله متعرفها ؟!

لا دا تحسسني هيه شي جبير

هههه لا خوش بنيه

متهمني

لتهمك ماشي

زياد امشي خل نروح لغير محل

من تعاند هاهيه بعد

تعرفني

رحنه اشتريت اكثر من زي رسمي لان من جنت ب الخارج مو لبس رسمي كاجول ..

..................

خلصت شغلي ورجعت للبيت المجمع مفتوح ووالدتي ب المجمع الثاني
رجعت ميته تعب دخلت للحمام اخذت شاور ونزلت اسوي غده الي

اتصلت والدتي

هلا ماما

هلا بنتي وين انتي

ب البيت رجعت صار شي ساعه

بنتي حبيبتي

ايي امي !

تكدرين تجين للمجمع يمي ونحجي

لا ما اجي تعبانه عندج شي كولي الي واذا تردين من تجين

اليوم اتاخر ب المحل

ماشي كولي لعد !

حبيبتي صديقتي طلبت ايدج مني تريدج لأبنها يزن

امي انتيي ارفضي من عندج تعرفين قراري شنووو !

بنتي انتي كبرتي ودخلتي سن الزواج وانتي متخرجه وعندج شغل مو صغيره ويزن دكتور وولد واعي

رجاءاً امي ارفضي ما اريد اتزوج لا هسه ولا بعدين هاي حياتي اني

يلا ماما اروح انام باي

سديت الفون والعبره خنكتني ..

ردت اتغده نسدت نفسي ماكدر

صعدت لغرفتي طفيت الاضويه واخذتني النومه للـ ٦ العصر

نزلت جوه امي موجوده

صح النوم

هلا ماما

اكلتي شي

ما اشتهي

شوكت اجيتي من المحل

مصار نص ساعه

اها

اي محتاجه شي حدخل ارتاح

لا سلامتج اني شوي واطلع

وين طالعه

امييي اروح اشم هوى شويه مختنكه

بيج شي حبيبتي

لا مبيه شي سلامتج

شكلتي على يزن !

ياااااللله امييي بعدج على نفس سيرتج ما اريد انزوج يعني اكتب لافته واخليها بركبتي يمعودين ما اريد اتزوج