اريام بعد اتصالي بزياد رجعت عندي كل المشاعر والأحاسيس ورغبة والشهوة
رجع اتصل علية غلقت الخط بقيت صافنه واني كلي اشتياق ولهفه الزياد ما حسيت كل ليث يكلي خاله خاله وين رحتي شكو بابا بي شي اني صحيت كتله لا حبيبي مابي شي بس تلفونه مشغول دا يخابر خلي نتصل علي بغير وقت
ردت اسمع صوته مره ثانية ردت اشتم أنفاسه
اني دا افكر بزياد اتصل بسمر ماكو اتصل بسمر ماكو سمعنا صوت انفجار بالكرادة كانت بوقتها سمر طالعه هى صديقتها تشتري ملابس من كرادة طلبت مني اروح وياها بس اني جنت رافضة
من سمعنا صاير انفجار تلفزيون نقلت الاخبار شهداء هواي رايحة بالكرادة اني بابا ماما بسرعة وكف كلبهم نتصل على سمر ماكو
ياالله شلون اجانا اتصال من المستشفى انو سمر حالتها خطة رحنا بلى وعي ما ادري شلون وصلنا كانت سمر نايمة بالانعاش طبعا اني هنا فقدت بجيت
بلى وعي اصيح سمر سامحيني اني سبب دمار حياتج
طبعا ماما بابا ما منتبهين
بس محمد يهدي بيه اريام هدي مابيه شي
طلع دكتور كال منو اريام كتله اني كالي سمر طالبه اشوفج
دخلت يم سمر مراح انسى وضع الي هى بي كلت لازم اعترف الها عن كلشي
ردت إحجي دموعي مخنوكة من بجي كالت اريام اريد منج طلب
ماريد ترفضين مستعده ضحين بحياتج الخاطري اني بلى تفكير وعي طبعا سمر اضحي بروحي بحياتي بس تعيشين
سمر اريام اني حالتي خطرة مستحيل اعيش كلام دا ينحسب علية هسه اني دكتورة اعرف وضعي اريد اكول هذا كلام قبل لا اموت اريام لا سمر اترجاج لا تكولين هيج سامحيني سامحيني اني دمرت حياتج
سمر اريام شنو دمرتي حياتي اسكتي خلي إحجي اريد توعديني تنفصلين من محمد تزوجين زياد ماريد غريبة تربي أطفالي اريد أطفالي يربون يمج يم ماما وبابا
اوعديني تنفذين وصيتي
هنا سمر كامت ما تتنفس اسمع بس صوت الأجهزة اجوي دكاترة طلعوني بره اني ابجي
اصيح سمر سامحيني ماما بابا فاقدين ماما وكعت من طولها
طلع دكتور كال بقية بحياتكم بنتكم شهيدة
اني هنا وكعت ما حسيت غير محمد يمي هو بابا ماما بعد ما كنت بغيبوبه نتيجة صدمة اسبوع كامل بلى وعي اني
فاتحة خلصانة صحيت كلت الماما سمر وين ماما سمر وين الكل يمي يبجي
الكل حزين ومدمر الكل فقد سمر ماما وبابا أطفالها أصدقائها الكل حزين مكسور بفراق سمر بس اني عكس الكل اني الحزن الألم والكسران خسارة اختي الوحيدة كل هذا الآلم وألم خيانتي الها هذا كان أكبر وجع بقلبي
