شفت الحياه في عيونك

الجزء الثاني عشر (١٢)

جتني سمر تقول أشوى أنه انتي عندك عذر عشان ماتجين عرسهم أنا وش عذري انا و حظي و موعد السفاره حقي يصادف اسبوع الجاي ! المهم الهبلة كتبت هالكلام في محادثتها .. و سوت لنافسها سالفه ههههههههههههههههههههههههههههههه

ورد - هههههههههههههههههههههههههههههههههههههه قلبي بموووت فشله !!!

دينا - ههههههههههههه و تخيلو يعني ارسلت صوتها و هيا تتكلم لسمر و ارسلته لي و حاولت تقلد صوتها - أنتم ماتبغون تجون بكيفكم محد غاصبكم ! ليه تنافقون وتمثلون علي وأنتم وأنتم .. الخ

ورد - مو صاحيييين

وجدان و هيا الثانيه ميته من الضحك - و سمر شنو ردت ؟

دينا - هههههههههههههههههههه سمر كلمتني قبل شوي تقول مسوية نفسها ميتة ما ترد على هواشها .. بس تشوف الكلام هههههههههههه بس الحين توها رساليه لي بعد ما فقدت الامل من سمر .. قلت لها - عفواً مين انتي عشان تتدخلين في علاقتنا و شنو نقول و شنو نسوي ؟

وجدان - هبلة هالبنت! لا تردين عليها وأسفهيها .. كفايه المصيبه الي سويتوها

دينا - و هيا عقلها صغير أستغفر الله .. مشكلتي ما أحب أحش بأحد

ورد - اي والله بسم الله على قلبك ماتحبين تحشين أبد!

دينا - يعني بصراحه فيه ناس غصب يخلوني أحش ولا أنا ما ودي .. تحسين كأنهم يقولون لك تكفين حشي فينا

ورد - الحمدلله تخرجت .. ولا هل نوعيه من الناس ما اطيقهم .. يدورون مشاكل و بس

دينا - هذي بالذات !! جايه تهاوشني الحين تقولي كيف انتي صاحبة سمر و هيه ما حشمت الصداقه الي بينا و من هل كلام !!

وجدان - تخيلي في ناس تجي تقول اوميقاد .. كيف تمشين مع دينا لانها قالت عني كذا و كذا  ؟؟

دينا عصبت شوي - ياكلون تراب! الحمدلله صدق أني أسوي أشياء غبية في حياتي بس ماني قلق ولا نشبة ولا أهايط .. الله ياخذ سيرة الهياط ياخي تذكرني بناس وصخة

ورد - سبحان الله كل الناس وصخة ماعداك

دينا ماتت ضحك - أستغفر الله

--------------------------------------

في مكتب ابو سلمان

ابو سلمان -  لا كذا ما راح تضبط  ..  ما نبي اي شيء يثير شكه في فهد  .. "و اشر على الاوراق "...  راح يدخل فهد و يسمع لكل شيء يقوله متعب ..  و متعب راح يعطينا اسماء و بنطيح كل المجرمين بيدنا