انثى_في_معتقل_الخطيئه
بقلم ...مريومه...
زمن .. طلعت من غرفتي .. صارت بوجهي زهره گالت هاا لگيتي العلبه
گتلها .انه اريد احاجيج بهالخصوص . شخبار بنتج الي نطيتيهه للقابله تشمرها ..
زهره .. شنووو
زمن ...صفگتها راشدي معدل .. فريتها فر وفيت نذري وكله ومافااخ گلبي احسه ينبض حقد بلحظتها لزمتني من شعري وگالت. . نسيتي نفسج حقيره تعاي اربيج تعااي انت شنو ومنو تضربيني لزمت ايدها نبتت اضافري بيها وهي لازمه ايدي گتلها عندي دليل عليج تردين افضحج هنا لو بغير مكان نتفاهم ...
زهره ...تركتها .. گتلها امشي واني مصدومه امشي واتعثر .. شمعرفها هي ومنين تعرف ..
زمن .. دخلنا لغرفتها دفعتني على السرير ..وتابعت كلامها وهي مرتبكه ومتوتره ومصدومه وجها شاحب
زهره... خلصيني زمن .. العلبه وين
زمن .. بح زهوره بح .. تقربت مني ولزمتني من رگبتي خنگتني
زهره .. ادمرج اشمرج بالشارع خلصيني ..العلبه ومحتوياتهه ووين ..
زمن .. دفعتها .. وتابعت كلامي .. مو خايفه منج لان ماعندي شي اخسره ابد واذا تردين إسألي قياد من وين جابني .. لذلك ممهتمه لشي .. ولازم تنفذين كل كل حرف من كلامي واالا راح تصير فضيحتج على كل لسان
زهره .. هه متكدرين مو بالسهوله ومحد يصدكج
زمن .. هههه لا عيني عندي دلائل واثباتات ومعرفه شخصيه ببنتج
زهره .. جذابه
زمن .. بنتج تشتغل عاهره وبيت دعاره الي معرفه شخصيه بيها .. واذا متصدگين اسالي قياد .. منين جابني ويگولج .. اني جنت وياهه بالبيت وتعرفت على قياد وعجبته لان اشبه ورده وهسه رجعتله ورده ورح يعوفني احاجيهه ببرود وهي تفتر رايحه جايه بالغرفه ومكتفه ايديهه
اذا ماتزوجني قياد راح افضحج بكل مكان وادمر حياتج وحياة اهلج كلهم
زهره .. نجوم السما اقربلج تتزوجين قياد مو للعاهرات امثالج
زمن ... ههههاي .. اني عاهره وانت حالج من حالي بس الفرق بينه اني عندي ضمير ممفكره ولاراح افكر اتخلى عن قطعه مني واشمرها كأنها زبل اما انت بلا ضمير انانيه حقيره وان تزوجتي بالسر وزواج شرعي لكن حالج من حال العواهر .. تزوجتي رجل متزوج اولا وبدون معرفة اهلج ثانيا استغليتي كونج ارمله ومشيتي وره غريزتج واخيرآ تخليتي عن قطعه منج وانطيتيهه لامراه متعرفيها حتى ولافكرتي بيوم تسألين عليها ..
زهره .. البنت وين هسه ؟؟
زمن .. تقصدين بنتج هه وتستنكفين تكولين عنها بنتي .. هههه (متستاهلين اكولج ان اني بنتج مستحيل حتى وان كانت عندج ذرة غريزة امومه متستاهلين اكولج .مدام ماحسيتي بيه من اول مشفتيني مراح اكول .. )گلت هالكلام بقلبي وگتلها فكري زين ماشي ... وطلعت عنها مذهوله ومصدومه وجها اصفر ممصدگه كلامي
محد يستاهل الرحمه مني .. لان محد رحمني واول شخص راح يتعاقب هو قياد لان حبيته وكسرلي قلبي بكلامه وراح اخلي يتندم ... ويحس بغلطه
رئسا رحت بوجهي لهوائل .. الي اعرفه ان هوائل تكره قياد لان الشيخ يفضله على الولد كلهم وتريد الزله عليه .. حتى متخلي يستلم الشيخه من ابو .... شفتهه بالصاله تاكل كيك بالشوكلاته .. بإيديهه عبالك طفله . گتلها عمتي هوائل .. شلون گولي للشيخ خلي يتزوجني قياد ونزلت دموعي وابجي يمها ..
هوائل .. تلوچ وتحجي. ... ها ولج اي اي اريد اكله راح يخزينه وياج هذا
زمن .. لعد شون .. عفيه عمتي كوليله
هوائل .. اي اگله بس ساعديني انت ..
زمن ... تدللين بس فدوه عجليلي مو راح يروح .. هالكم يوم ...
هوائل .. ان شاءالله تعاي كعدي يمي نخطط
زمن ... خططنا اني وهوائل ... الوجهه الثانيه جانت مازن ... اي هو مازن لازم اروح اله واستعين بي ..
ورده گالت بيتهم هنا .. ومايضيع. . طلعت من البيت تلثمت ..بلثام اسود ميطلع بس عيوني وكحلتهم حتى. محد يتعرف عليه . واخذت نسخة عقد الطلاق. وخبيتها بملابسي .مشيت بطريق ترابي ضعيف وبصفه نهر زغير مشيت بمحاذاته وطلعت منه صارت گبالي مقبرة اطفال جفلت كلش بس بعدها تمنيت لو ميته واني زغيره ولااتصرف هالتصرف بس فكرت ان اني خسرت كل شي واصلا ممأمنه على حياتي خلي اقاوم لاخر نفس بيه وانتقم لنفسي من كل شخص سبب اذيتي . ورحت امشي واتلفت وخايفه و اسأل على بيت الشيخ عساف ..ابو مازن ... دلوني عليه قريب مو بعيد .. دكيت الباب طلع الي رجل سئلته كتله هذا بيت الشيخ ابو مازن ..كال اي كتله اريد الشيخ مازن عفيه كال هسه اشوفه ..بقيت انتظر دقايق .. اجه الرجال .. كال الشيخ مازن بمزرعة الخيول هناك ..كتله عفيه وديني محتاجته گال امشي ورايه ... مشيت وراه كان بستان .. وبعدهه وصلنا للمزرعه وبيهه سياج خشبي .. وخيول مربوطه .. كال اوكفي هنا .. طب الرجال لمكان يمكن حضيرة للخيول وكفت انتظره .. طلع الرجال ووياه شاب طويل اسمراني لابس زي الخياله وبيده السوط الي يضربون بي الخيل .. شكله هيبه .. اني واكفه اباوع اله شون يمشي باتجاهي .. اني لابسه عبايه اسلاميه ولازمه اللثام بثنين ايديه ليوكع وبس
