مرحبا يا احلى قراء
حابه اتشكر كل من دعالي واتمنى الي الشفاء سواء الي كتبولي ع العام او الي راسلوني ع الخاص اشكركم
من كل قلبي والله يبعد عنكم شر المرض اعذروني عذبتكم بالانتظار ومره ثانيه الف شكر ويارب ينصر
بلدنا الجريح ويحفظ اهلنا بجميع اطيافهم ومذاهبهم
كلمه بحق وطني
خلونا نتذكر من جنا زغار شكد شفنا ماسي من الحصار ومن كبرنا شفنا ماسي من اهلنا الي عبالنا بجالهم
راح نعيش احسن عيشه وننسى تلك الماسي لكن هذا الوطن راح يبقى شامخ تدرون ليش لان طيبة العراقيين
وغيرتهم هي الي كل الشعوب تحسدنا عليها هاي الطيبه والغيره هي الي خلفت الرجال اللذين هزمو الاعداء
واسقطو احلام الطغاة
يارب احفظ وطني واحفظ اهلي من الجنوب الى الشمال
///////////💛💗////////////💛💗///////////////💛💗/////////////
💟لست " خائنه 💟
انيين الليل ##
بارت 27
///////💓💕💙💓💕💙////||||
سلام
من تزوجت رضوى وشفتها شلون محافظه على نفسها يمكن جان ماكو احد بكدي فرحان وسعيد وعرفت اكو
مؤامره ضدها ما اجذب فكرت بكوثر وصبيحه بس كلت كوثر جانت ويانه بالمزرعه وصبيحه يمها ابنها اتمنيت
بس اعرف منو الي جانت ويه فواز ولبست التهمه الرضوى بقيت اروح للمزرعه هناك اشوفها وانا اشوف عدم
الرضا بعيونها بس هي ساكته الخاطري وبنفس الوكت انا اعرف صبيحه اذا عرفت ما راح تسكت وكوثر بت
امها اذا مو اتعس لذلك انا كلت الرضوى اشتري بيت الكوثر وانتي ابقي ابيتج واعلن زواجي منج هي وافقت
بس كلتلي هسه انتظر شويه على ما انا اكلك
وبقينا اكثر من شهر واحنا نروح للمزرعه هي بحجة المعامله او رايحه البيت عمها وانا من الشغل واروح
يمها لكن رضوى بهاي الايام جانت عصبيه وتشكي من راسها وما تتحمل كلمه مني انا كلت هاي كلها بسبب
الغيره من كوثر لان ادري رضوى ما تحبها وصارت تكرهها لان اتزوجتها وصادف عمي طاهر خطب
رضوى الابنه صلاح فديوم كلتلي كوثر انو خالها عازمهم ع الغدا وكايل الامها جيبي كوثر انشوفها وبنفس
الوكت عطاء عد خوالها وسهير يم اهلها لان عمي صاحب عنده شغل انا كتلها روحي كلت على مود اجي
للبيت وابقى يم رضوى
الضحى خابرتني كوثر كالت راحت هي واهلها البيت خالهم
اناالظهر ردت اطلع للبيت لكن اجاني صلاح ابن عمي وكعد يمي وهو ساعه ما عرفت عليمن جاي بعدين افتهمت
منه جايني على مود احجي ويه علي حتى رضوى توافق تزوجه
انا كتله راح احاجي علي بس ودي اكوم اكطع صلاح الي كل شويه وكلي
سلام اذا اعطلك لو عدك شغل انا اروح
بكلبي اكله /:دكووم روح شلزكت
واجه تلفون الصلاح فز وكلي اتصلو لان منتظرينه ع الغدا وراح صلاح اريد اطلع اجاني اتصال وقطع وبعدين
رسالة واتساب انا عبالي الرساله من رضوى فتحتها وشفت واحد حاضن رضوى ورضوى بين ادينه وهي هم
حاضنته انا من شفت هيج عقل ما بقى براسي صعدت السياره وانا اتوعدها من وصلت شفت علي ابن عمها دخل
للبيت قبلي مستعجل حتى بدون ما يدك الباب الي اصلا چان مردود وراح كبل الغرفتها انا دخلت رحت
الغرفتي طلعت المسدس ودخلت
هي صارت وره علي او يمكن هو خلاها ورا بعدين ردت ارميها وكتله
وخر هو وكف واتلاوه وياي واخذ المسدس وكلي
عرضنا يخصنا احنا نغسل عارنا
JE LEEST
##لست خائنه##
ChickLitهي قصه كاالاف القصص حصلت منذ وقت قريب يسيطر الظلم وحب المال والنزوه على الكثير من المبادئ والمثاليات التي يتكلم بها الكثيرون في وطني ولكن العكس هو السائد حينما نبيع كل المثاليات من أجل المال هكذا حالك يا وطني ومن بقي فيك صامدا فانه عرضه لانياب الضبا...
