##لست خائنه##

البارت السابع

صباح الخير احدى القارئات العزيزات راسلتني ع الخاص كالت ما انام اله تنزلين بارت واقرا
ولان انا بصراحه احبها واحبكم كلكم بس هي تتواصل وياي العيونها الحلوات وعيونكم هذا البارت
اتمنى يعجبكنم /تحياتي ❤❤انيين ##

//////////////////////////////
لست خائنه
بقلم آنين الليل
البارت السابع
/////////🌷🌹🌺////|||||||||||
وهذا بارت لعيونكم حتى تبقون تفكرون بالاحداث
مو عبالكم قصه اخ اخذ خطيبة اخو وراح يتقبلون هذا الشي وتنتهي لا لا لا
الاحداث البيها ما تخطر على بال احد
اتمنالكم قراءه ممتعه وتعايش مع الاحداث
//💓💓💓////////////
رضوى
لمن شمرت نفسي من الدرج جان ثاني يوم اخر امتحان الي انا كلش شاطره بس الامتحان الأخير انا جنت
فاقده بالمستشفى عرفت انو ما متت بس كسر ورضوض وجانو شاكين عندي فطر بالجمجمه
فواز جابني المستشفى اهلي وسوالي كل الفحوصات اللازمه بقيت بالمستشفى ما اعرف شكد من عرفت بسلام
أتزوج واتزوج منو كوثر انا ثاني يوم عرسه اصريت اطلع للبيت رغم انا بعده جسمي ياذيني وما انام
الا ينطوني مهدئ كتبلي الدكتور على خروجيه من المستشفى وطلعت
انا وفواز وامي اجينه تلاثتنا ساكتين انا ما اباوع بوجه فواز ولا حجيت ويا كلمه وحده من
يوم الحادث اشوفه طول الطريق وهو يدخن من وصلنه شفنا هواي ناس فواز كل آلامي

عمه راح انزل رضوى وانتي أخذيها هاج هاي مفاتيح غرفتي انا اروح أسلم ع الزلم

ودخلتني امي وشفت سلام شلون شايل كوثر وشلون حجى ع الشرف وسمعني شفت
امي إجت تبجي من فشلتها كوثر وهذا الشي خلاني اكره فواز وافكر اتخلص منه لان هو حطمني وذلني
هواي  صارت أمور انا أسبوعين ما شايفه سلام وهاي اول مره هلكد ايام ما اشوفه بس ارجف من اسمع صوته
يصيح على ولد عمي طاهر لو من يكعدون بالصاله ويسولف ويضحك انا ابقى بس ابجي لان اسمع صوته
وما اكدر اطلع احجي ويا لو اتشاقى مثل قبل وهو ايامر عليه سويلي اكويلي جيبي هذا حطي هذا
فواز نهائيا ما وصل للغرفه ما اعرف وين ينام يجي بس يجيبناالاكل ويدخل يبدل بالغرفه الثانيه
ويطلع ما يحجي وبس يدخن ولا انا احجي ويا

غرفة فواز عباره عن سويت مو غرفه هنه غرفتين فاتحهن على بعض باب الغرفه الثانيه  سلايد متصل
بالغرفه الرئيسيه
بيها حمام وداخل الحمام غساله فول أوتوماتيك وبيها لوندري مال ملابس علمود بس يطلعهن
من الغساله يكويهن انا ما شايفه غرفة فواز ابد الا وره ما طلعت من المستشفى لان عمه الله يرحمها جانت
تكلي انتي تنظفين غرفة سلام وعطاء تنظف غرفة فواز

امي راوت فواز شنو مسويات بملابسي وشلون كاسرات النقال وعلبة الذهب الفارغه
هو حاجى رقيه وطلعت ويا وره ساعتين أكثر إجت رقيه وهي جايبه جنطة ملابس ونقال آخر موديل
انا ما قبلت اخذهن امي كلتلي //اخذيهن يمه كدام الله والناس هو رجلج لو بيومها خالج صاحب راميج
جا فصل فواز فصلين واحد الأهل ابوج او واحد الطاهر تأخذه صبيحه ولو هنه اخذن اليردنه