استيقظت في الصباح الباكره من نوم مر كالحلم لا ادري هل نمت ام استلقيت ام غفوت كل ما ادريه هو انني افتقدته ولكن كان هناك صوت بعيد كرنات هاتف او ما شابه😢💜 نهضت بخطوات متكاسله وحملت الهاتف ورددت: اهلا ، ولكن انقط الاتصال ( عربي فصحه كيف بلاي 😂🐸)فقلت ميتينك ياخ بتضرب مالك لو داير تقفل الخط 😒💔 ، لمن شفته الساعه لقيتها اربعه ونص صباحا مشيت اتوضيت وجيت قريت قرآن شويه لحدي ما الصبح أذن قمت صليت ورجعته سريري وبقيت بفكر في موضوع ماهر ده وهو لو عايز يرجع برجع واحسن اركز في حاجات تانيه وما اشغل بالي كفايه انو قلبي مشغول وبعدين انا لازم افكر اراضي ابوي كيف ويا ربي حيكون زعلان لي اسي ولا حيرضى 💖
طق طق اساور انتي صاحيه
انا: اي يا ماما صاحيه
ماما: صليتي الصبح
انا: اي
ماما: اتكلمتي مع ابوكي
انا: اي بس شكلو ما رضى وما عارفه اراضيهو كيف
ماما: امشي سوي ليهو الشاي قبل ما يجي من الجامع وما حيفضل زعلان اكيد
انا: خلاص تمام 💖
مشيت سويت ليهو الشاي وقعدته استنيتو لحدي ما جا : اتفضل شاي
بابا: تسلمي 💜
انا: بابا انت لي اسي زعلان
بابا: لالا بس ياريت ما تتكرر تاني
انا: حاضر 😭💖
بابا: بكرا خطوبه سمر بعدين بعد الضهر قالت ليك تجيها
انا: كويس
رجعته غرفتي تاني بالرغم من انو ابوي سامحني بس حاسه بالخجل وما عارفه اقابلو كيف ( شعور سيئ لمن تكون خجلان من زول وما قادر تقابلو وانت قاعد معاهو في نفس البيت فشنو حاولو تتجنبو الحجات الزي دي والبتخليكم تخجلو من روحكم 😇💛)
قمت ضربت لي سمر قالت لي ضاربه لي من الساعه خمسه مالك
انا: الساعه ما خمسه😒 خمسه وتلت
سمر: المهم دايره شنو
انا: خطوبتك بكرا وما مورياني
سمر: رسلت ليك في كل مواقع السوشيال بس ما بتردي
انا: اهاا اصلا مزاجي قافل وما نفسي ارد على زول
سمر: وتجي تشاكليني ، يلا خليني انوم
انا: خلاص قومي صلي 🌚
سمر: مؤجزه🐸💔
قامت قفلت الخط في وشي يا دوب حسيت بي امير لمن اقفل الخط في وشو 😂😂💜 والنوم طار طوالي التفته على المطبخ وسويت بسبوسه 😭💖 وجهزته الشاي لينا وفتحته اليوتيوب لحدي ما يصحو
.
بعد الضهر....
سمر: نورتي 🐸
انا: شكرا بنوري 😌😌
سمر: 😒
انا: اها يوسف وافق ولا الحصل شنو
سمر: الجمعه الفاتت بعد مشيتو اتكلم معاي في موضوعو والسبت طوالي مازن جا اتقدم وحددو الخطوبه بكرا لكن يوسف قال بي شرط اني اكمل الجامعه بعداك العقد والعرس 😐💛
انا: المهم وافق ي زوله وربنا يتمم على خير 💛
سمر: امين 💜
انا: هو وينو يوسف ده من ما جيت ماشفتو
سمر: راجلك المستقبلي بكون حايم في البيت
انا: مصره تقولي عليو راجلي
سمر: عليك الله عرسيو عشان اقول ليك مرة اخوي🙊🔥
انا: لالا شكرا خلينا كده احسن 😂
سمر: 😒💔
انا: يلا انا ماشه المطبخ اسوي لينا قهوة
سمر: عاد البيت بيت راجلك امشي ساي
انا: حاتجاوزك 😂💔
مشيت المطبخ وقعدته اعمل في القهوة وطبعا بغني حبيبي تعال تعال نتلم مدام الريد اختلط بالدم💃
يوسف: مدام الريد اختلط بالدم انا ذنبي ايه شيلوني الهم يا حبييبي 😂💃
قمت اتصلحته ووقفته زي الناس : اهليين يوسف كيفك
يوسف: كويس الحمدلله ، بتسوي في شنو مبسوطه كده
انا: coffee 😌💖
يوسف: سوي لي معاك
انا: من عيوني
يوسف: تسلم لي عيونك 🔥💜
انا: لي اسي في كسير تلجك 🌚
يوسف: منو القال ليك انا بكسر في تلج
انا: 🐸
يوسف: ممكن اسألك سؤال لو ما بضايقك
انا: اسأل
يوسف: انت عندك زول في حياتك
انا: حياتي ملانه ناس والحمدلله 😁
يوسف: انا جادي 😑
انا: زول زي شنو يعني
يوسف: boyfriend حبيب كدا يعنط
انا( الليله كتمت ما يكون سمع بي موضوع ماهر وجاي يحقق معاي احسن اقول الحقيقه): اي اقصد لالا ماف اي زول
يوسف: متأكده
انا: اي متأكده ماف زول
سمر: يااا مرااات اخوي 📣📢
انا: يخرب بيتك 😐💔
سمر: يوسف كيف
يوسف: اخوك منو 😕
سمر: لالا ولا واحد بغيظ فيها ما اكتر
يوسف قام ضحك ومرق
انا: ما عافيه ليك 😑💔
سمر: سووري 🙊
انا: اسي في داعي للفضيحه دي 😒
سمر: والله ما قصدي
انا: خلاص اتلهي
.
يوم الجمعه الساعه اربعه ونص قمت صحيت برنات التلفون لمن رديت ماف زول اتكلم والخط قطع عاينت لقيتو نفس رقم امبارح شميت الوضع شديد قمت صليت ونمت شويه بعداك قمت صحيت سمر قلت ليها قومي اتنضفي الليله خطوبتك يا بت
سمر: لو ما كملته نومي من مكاني ما متحركه
انا: ياااا عمتوووو 📢📣
سمر: خلاص قمتا
انا: رايك شنو ترسمي
سمر: 😒😒
انا: اوه نسيت انتي عندك حساسيه من الحنه 🙊😂😂😂
سمر: ادقك
انا: لن تستطيعي 😌
قامت شبت فيني وبقت تخبط فيني بكل قوتها وانا اصرخ قدرتي جانا يوسف خاشي بي السفنجه وقال يا بنات ما تكوركو كدا
قمنا اتفرتقنا من بعض وانا قاعده بي جلباب مع الركبه بس 💔💔
انا: هوي اطلع بره
يوسف يداب لاحظ: اوه معليش ، وقام مرق
انا: اخخخ للمره المليون اتحرج قدامو انتي مالك معاي 😭💔
سمر: بري دي ما انا براك بتصرخي 🐸
انا: انتي دقيتيني 💔
سمر: دايره اقول حاجه
انا: اها
سمر: لمن يوسف جا جلبابك قرب يحصل بطنك
انا: 😭😭😭💔 كذاابه
سمر: بهظر بهظر 😂😂
انا: بكككرهك 🐸💔 ، يلا زحي من وشي
مشينا جهزنا المكان للحفله اصلا كانت في الجنينه الورا بيت حبوبه واحمد تقول كاتبنو عند شيخ وقت ما يشوفني يغير طريقو 😂 بعداك رجعتا لي سمر بقيت بونس في المره البتجهز فيها بعد جهزناها جبت ليها اكل ومرقنا انا ويوسف نستقبل الناس واي زول يجي يسلم يرمقنا بي نظرات ما مفهومه ومن بين المعازيم جات مرا كبيره كدا شكلها ام العريس سلمت علينا تماام وقالت لينا عقبالكم قربت اقول ليها عقبالكم بتاع عينك😂🐸 بس احترمت روحي وسكته اما يوسف قال ليها امييين ياخ امين🌚💖 قامت ابتسمت لينا ومشت
يوسف: خالتو دي شكلها ظريفه
انا: اي لكن انت شكلو عجبك الكلام
يوسف: كيف ما يعجبني 😂
انا: شكلك داير العرس
يوسف: لازم نتفكفك ولا شنو (ببقا ليك بنبي بعدين 😂💔)
انا: بس ما تقول لي عروسك ما جاهزة
يوسف: لالا جاااهزة وظبطه مع ابوها كمان 😌
انا: دسيس 😂💖
يوسف: 😂😂
.
بدت الخطوبه وكانت الانوار هاديه كدا والاغاني زاتها كانت هاديه وقفلوها وقت تلبيس الخواتم وطبعا سمر تشيل وتتكشم وتتخجل ومازن الابتسامه من الاضان للاضان 😂 ، بعد ما لبسو الخواتم قمنا ربيناها شويه واي زول فرتق بيتهم
