يوم الاحد قمت مشيت الجامعه وبقول يا رب ما القا ماهر في وشي بس للأسف لقيتو في وشي 😐💔
ماهر: السلام عليكم 💖
انا: وعليكم السلام ، دايره اسألك سؤال
ماهر: كترت اسألتك بس اسألي
انا: انت مش كان منعوك تجي الجامعه
ماهر: اي
انا: واسي بقو ما بسألوك
ماهر: انتي كلام المره الفاتت اثر فيك ولا شنو
انا: لالا ما كده
ماهر: المهم يا زوله بي طرقي الخاصه قدرته اقعد وما تتعمقي في الكلام
انا: كويس
ماهر: وبخصوص الكلام القلتو ليك المره الفاتت انا بعتذر
انا: لالا ما مشكله
ماهر: اسمعي يا اساور
انا: اها
ماهر: انا مستعد اسوي اي حاجه عشانك اسمع كلام ابوي واتعالج وامشي اقدم ورقي وافتش شغل وابطل الوهم الانا عايش فيهو ده وابقى مجنونك العاقل
انا: يعني انت كنت جادي في كلام المره الفاتت
ماهر: دي ما حاجه يهظرو فيها
انا: انت داير علاقتنا تكون كيف انا ما قادره افهم اي شي
ماهر: خلاص فهمت قصدك ، مع السلامه
احساس مشا من دون ما يخليني اتكلم حتى ، وانا نفسي سدت من اي شي حتى المحاضره ما كنت دايره احضرها وبقيت بفكر يعني لو هو مجنون حيحب كيف ويكون عيله كيف ويا ربي حيفكر يشتغل ولا هو بغش فيني ساي وورقو قاعد وين ويعني هو عارف مكان ابوهو وكان بغش فيني ولا عرف يداب كدي امشي اشوفو اختفى وين بقيت ماشه في الجهة الهو كان ماشي فيها ووصلت لحدي البوابه قلت يا زوله ما حنك احتمال يكون مرق بره لمن مرقته لقيتو واقف بتكلم ليهو مع زول وشغتو هو لكن الزول ده كان مديني ضهرو ما قدرت اعرفو بعد كملو كلامهم قام ركب معاهو في عربتو ومشا وانا بدت تقع لي يداب يعني هو ما زول هيين وكان بغش فيني ويا ربي هو نفسو الزول الشفناهو انا والبنات يوم داك والشفناهو انا وامي يوم العرس واسي انا اعرف كيف انو ده هو ولا ما هو خلاص حمشي اسأل ادم بس ما حيوريني هو ثقيل وغتيت اسي يمكن يكون متفق معاهو 🐸💔
وانا بفكر في الكلام ده كلو فوتا المحاضره قلت بصوت عالي : سجم خشمك يا اساور ابوك دافع ليك قروش ومدخلك جامعه وانتي تدكي المحاضرات
قمت مشيت سريع لي باب القاعه ولقيتها بدت وكنت عارفه كان نططته ما بدخلني قعدته بره استنيت المحاضره انتهت وجو الشله كلهم مارقين قالو لي مالك ما دخلتي
انا: اتأخرته بس 💔
محمد: هاك ده الملخص وسجلته ليك المحاضره
انا: كويس شكرا
ادم قعد يعاين لي بي ريبه كده قلت ليهو مالك بتعاين لي كأنك عارف حاجه
ادم: لالا ابدا
انا: اهممم تمام انا حرجع البيت بعد ده
هزار: ارح انا راجعه معاك الليله
انا: ارح يلا
مشينا البيت وغيرته ملابسي وهزار فضلت تقعد بي لبسها امي ادتنا مويه وعصير ومست خلتنا
هزار: يلا احكي
انا: احكي شنو
هزار: اساور بطلي حركاتك دي انا شايفاك ليك كم يوم ما على بعضك والليله شفتك جيتي من بدري بس كنتي بعيده مني عشان كده ما قدرته اتكلم معاك بس قلتي لينا اتأخرتي في شنو يا بت في شنو
انا: يعني اسي ما حقدر اكذب
هزار: ولي تكذبي
انا: خلاص حقول ليك ، كلو بخصوص ماهر كان قال لي انو هو مجنوني والليله قال لي حيعمل اي حاجه عشاني وانو حيسمع كلام ابوهو ويتعالج وحيشتغل
هزار: هو يعني قرا
انا: اي وعندو شهادات كمان واتخرج من الجامعه بس ما اشتغل
هزار: وانتي ما عرفتي هو عايش وين او أهلو عايشين وين والخلاهو يبقا مجنون شنو
انا: هو اهلو في قطر وهو من ما ولدوهو عندو مشكله نفسيه او يمكن انفصام في شخصيتو او شيزوفرينيا ما عارفه وجا قرا الجامعه هنا
هزار: هو مدام عارف مكان اهلو لي قاعد هنا
انا: قال عندو مشاكل مع ابوهو و اهل ابوهو
هزار: في شي ما منطقي في الموضوع
انا: اي حتى انا لاحظته ، تخيلي بعد ما قال لي الكلام ده لقيتو ركب مع واحد في عربيتو ومشا
هزار: متأكده انو ده هو
انا: اي متأكده وكمان كان لابس قميص اديتو ليهو بواسطه ادم
هزار: وادم الدخلو في الموضوع شنو
انا: ده كمان حكايتو براهو
هزار: اها ده كمان مالو
انا: مش كان لقينا واحد بشبه ماهر لمن كنا ماشين عزا يلا تاني لقيتو في عرس وحده بتبقى لي ادم وبت صحبه امي يلا لمن سألت ادم نكر حطب
هزار: يمكن يكون ما بعرفو
انا: اي ما بعيد ، المهم هسا انا اتأكد كيف انو ده هو ولا ما هو
هزار: ما تظلميهو ساي يمكن بالجد ما هو ، كدي افتحي النت نشوف عن مرضو ده
انا: كويس ،، اهو فتحتو
قمنا فتشنا وما لقينا اي عرض بناسبو او حكا لي عنو او يثبت انو عندو واحد من الامراض ديك
هزار: شكلو مخو ضارب ما اكتر صفي النيه
انا: هزار شكلو كدا ماف شي وتاني ما اديهو وش بس
هزار: يمكن يكون بحبك جدجد
انا: انا ما ناقصه خليني اكمل جامعتي
هزار: 🌚🌚
انا: خيير
هزار: على حسب معرفتي ليك انتي الزول لو حاول يكتلك ما بتشتغلي بيهو وبتقولي مشكلتو هو لكن ده بس مجرد ما حسيتي انو كذب عليك قمتي تفتشي عنو وتحاولي تعرفي مالو ، مع احترامي ليك شكلك بتحبي المجنون ده
انا: 😒😒 باين مع احترامك لي
هزار: 😂😂😂 خلاص الزمن اتأخر حرجع البيت
انا: دقيقه اتغدي بعداك
هزار: من قبيل مستنياك تقولي كدا 🐸💔
انا: 😂😂 معليش بس اخدني الكلام ، ارح اتحشي
.
.
قمت ضربت لي امير
امير: الو السلام عليكم هل صاحب هذا الرقم عايش
انا: لالا ميت
امير: اخبارك يا زوله ومالك ما بتسألي
انا: كويييسه بس مع زنقه الجامعه
امير: اها خير مالك ضربتي 🐸
انا: كتر خيري اتذكرتك 😒
امير: لالا ياخ معليش 😂😂 ، لي اسي شاماني
انا: انت ما عرفته حصل شنو بسببك 😒
امير: احمد سوا شنو 🐸
انا: ابيت ما بوريك 😛 ويلا باااي
قمت قفلت الخط في وشو يعني شبه اتفشيت فيهو 😂😂 وعارفاهو بهناك حيكون متغايظ شديد
.
.
امي جاتني في الغرفه اها الجديد شنو قلت ليها لسا ماف مستجدات تذكر لكن لو في بحكي ليك 💜 امي مرقت بيجاي امين جا داخل بي جاي
امين: 🌚🌚
انا: خير مالك
امين: بكرا في شنو
انا: عيد ميلاد ابوي
امين: والليله في شنو
انا: عيد ميلاد امي
امين: بكرا نسوي ليهم شنو
انا: حاجه بسيطه وما نعزم ناس كتغير وكدا
امين: اي ممكن
انا: ونخليهم براهم يتذكرو ايام زمان 💜
امين: اي نعمل ليهم جو رومانسي 🙊
انا: اي كويس 😂😂
.
الصباح مشيت الجامعه حضرته محاضراتي وما لاقيت ماهر واشتريت هديتين وطورته وقبل ما اصل ضربت لي امين قلت ليهو اخلي المنطقه
امين: ابوي مؤثر فيك ولا شنو 😂
انا: اي😂💜 يلا انجز
بعد وصلته دخلتا الحجات براحه ومشينا زينا الصالون عشان ماف زول بجي جنبو 💖 والمكان بقا حلو وبسيط وقفلنا الباب بالمفتاح ومشينا قعدنا معاهم زي الما حصل شي 😂🙊 بعد العشاء بعداك عملنا ليهن الحفله الصغيره وعلى قول امين نخليهم براهم 😂😂 واي زول فينا مشا غرفتو ونمنا
