على جرف الذكريات

part 10

حور يلله امشي نطلع للبستان وتكمليلي

لا مااطلع

ليش

احسن مااريد اشوف ابن عمج رادت تحجي گتلها اششش لاتدوخيني مااطلع تعالي نسوي كيكة وبعدها نطلع للحديقة اكملج

اوكي خبطت كيكة وحطيتها بالأوفن وطلعنا للحديقة اني وحور وكل شوية اگوم ع الكيكة اشوفها ستوت طفيتها ودخل حسام

؛ هاي شنو الريحة الطيبة حور وعلا ومنتهى ضحكن گالت علا دگول جوعان لاتضل تشمشم ههههه

لا والله مسوين شي اني احبه موو

اي سويت كيك

عليج الله صدگ؟

اي والله

يلله اني بغرفتي من تبرد بقن حصتي مو تاكلنها كلها

لا روح اني اشيل حصتك ع صفحة

اي عفية بعد اخييج ذني هوايش ميخلن شي شكو گدامهن يعلفنه

راح لغرفته واحنه بالمطبخ گاعدين اتصل قصي حجيت وياه ووية البنات وسديته بردت الكيكة وگمت قطعتها واخذت قوطيتين ببسي ووديتهن للديوانيه برة سيف ومصطفى گاعدين والبنات اخذو حصتهم وگعدو بغرفتنا يم امي وخالتي بعدني بالمطبخ گاعدة دااحط حصة حسام أجه هو گعد بعد حطيتلهيا ع الميز وگعد ياكل واكفة اني ومنتهى يمه بالمطبخ

حسام :- زهراء اريد اخطب شنو رأيج؟!

اي شكو بيها تستاهل كل خير انت البنية من اختيارك لو ع معرفة خالتي ؟

لا اني ببالي وحدة بس خايف افاتحها بالموضوع وترفض

ليش ترفض انت شاب دين وأدب وأخلاق وجمال وكل بنية تتمناك قليلين الشباب الي مثلك بهذا الوكت

مااعرف

جرب مخسران شي اذا متحاول وتروح البنيه من أيدك تتندم بعدين

الله كريم اريد باجر افاتح ابوي بالموضوع واشوف،

اعرفها البنية شي؟

اي تعرفيها

منو هي

بعدين مو هسة اگولج

براحتك اتمنى يكون اختيار صحيح وموفق ان شاء الله جر حسرة وگال الله كريم

هاا من هسة حسرات هههههه ضحك وگام

يلله تصبحون ع خير

تلاگي الخير احلام سعيدة طلع وگتلها لمنتههى منو ياترى ضحكت

يجي يوم وتعرفيها وتنصدمين بأختيارة صفنت بعدين گتلها الله يسهل وتكون قسمته مرة تستاهل طيبة گلبه ،، مر اسبوع والروتين نفسه ماكو اي تغيير بس الي فاجأني رائد من يوم الي رديته اختفه مشفته بعد اكيد حس ع نفسه شافني مو مال لعب وانسحب لكن جنت غلطانه بتفكيري بيوم خابرو عياال مروة گالو مروة ولدت بنية (لأن هي جانت حامل 5 أشهر من احنه رحنالهم )