اوصف ليكم محمد
محمد اطول مني مربع كدا اسمراني صوتو فيهو بحه تعاملو مع كل الناس راقي
اسلوبو في الكلام هادئ بحب امو شديد
تعاملو معاي دائما في حاله مكاواه وغلاظه
بحب يزهجني ويكاويني ....
جمعتناا المواقف الجميله اي موقف هو منحوت في بالي كل تفاصيلو انا بتزكرهاا
مره قاعدين انا وهو ومعانا بت عمو وهو كل مره بعاين فيني بت عمتو شغلت اغنيه
فاكر الكلمه القولتها لي وانت في لحظه سعيده هنيه واتعاهدنا علي الحنيه نقضي عمرنا محبه شديده احلى اغنيه انا سمعتها وهو معاي من خلال نظرتو لي عرفت انو هو برضو اتأثر بيهو واتزكر موقفنا التحت الشجره الكان قبل اسبوع
ايامي كلها بقت حلووه حتي نفسياتي نسيت كل أيامي اللي كانت مع ميساء هو بقي مصدر سعادتي وقوتي عارفه لما يكون عندك روح بتشاركها كل شيء وبتحكي ليها كل شيء صدقني لو مافي سعاده ح تلقاها يمكن ربنا رأف بحالي ورسل لي محمد يقويني ويكون سعادتي طبعا" اتغيرت خلاص من قسمه الحزن لقسمه الفرح بس الفرح ما كان صحبي وما وقف معاي كتير واهو انا راجعه تاني للعزاب والحزن يخيم جواي بس محمد طمنى انو ح يكون معاي في اي وقت
محمد : قسمه ما تزعلي كلها أيام وح ترجعي تاني
قسمه: ان شاء الله
محمد: يلا امسحي دموعك ديل ما عايز اشوف دمعه منك
قسمه: اوكي يلا باي
محمد : خلي بالك من نفسك يا قسمه
قسمه: وانت كمان
فارقت كل الاهل فارقت محمد بالضبط فارقت سعادتي اول مره اعرف انو بالجد في حاجه إسمها ارتباط روحي انا حبيت محمد كانو نفسي ويمكن اكتر
حبيتو ل درجه في اي لحظه لازم اتزكرو وما بفارق صلاتي نهائي دنيتي الكانت عزاب حاسه في امل بدأ يجي حبيتو بكل حواسي ل درجه العمى
خيالاتي كلهاا محمد وزكريااتي كمان معاهو
رجعت مدينه(..) ونفس العادات القديمه ح تحصل بس ما مشكله هساا جواااي قوه غيرتني اللي هي حب محمد
في امل انزرع جواي حاجه كدا بتديني دفعات...
وانا برتب في حاجاتي
لقيت صندوق كدا استغربت الدخلو شنو فتحتو لقيت فيهو سلسل فضه صغير كدا وجنبو ورقه مكتوب فيها
" الي تلك الفتاة التي بإمكانها أن تجعل العاصفة تخجل من نفسها وتغدو نسمة .. الي تلك #السمراء التي إذا ابتـسمت
رفرف لها حمام السلام أمـلآ؛
وإن تكحلت؛ غنت لها الأغصانُ خجلاً..
احبك"
غمضت عيوني وبديت اتزكر ..
ااشتقت ليهو مرات افكر اني اوقف حياتي كلها عشان بس اكون معاهو ما عايزه شيء من الدنيا دي غيروو بشتاق لما اتوجع ...
لازم يوميا ابكي.. بقى في جدولي ثابت
عايزه اكون معاهو ب اي طريقه
الشداني ليهو يمكن حنان ابوي اللي فقدتو من انا صغيره ...
بعدهاا
واصلت دراستي عادي ومحمد لسه حبو زايد كنت متواصله معاهو بي تلفون شادن يعني مافي زول عارف علاقتنا دي غير شادن زادات علاقتنا مع بعض بالرغم من انو ما بنتكلم كتير لانو انا ما عندي تلفون علاقتنا استمرت سنه وشهور تقريبا" حسيت ميساء عرفت لانها طوالي بتحكي لي عن محمد بفكرات سيئه اصلا ما اشتغلت بيها لاني عارفاها اصلا" ودا غير انو لو الزول حب شخص مستحيل يرضي فيهو او يصدق فيهو كلام
ميساء : قسمه
قسمه : نعم
ميساء : بكره ما تمشي المدرسه ح يجونا ضيوف
قسمه .......
طبعا انا خلاص من جواااي عايزه اموت ليه كل الانانيه دي يعني انا اهدم مستقبلي علشان ضيوفها هي مواقفي معاها صعبه جدا بس بتحملها وبكتم جواي من غير ما ارد أو اقول حاجه لانو عارفه الحوار والنقاش معاها ما بفيد
قلت ما مشكله ومشيت علي كدا
يوم جيت من المدرسه واخوي فتح معاي موضوع انو محمد اتقدم لي وعايز يشوف وجهه نظري انا كنت في قمه سعادتي وكانت إجابتي القبول علي كدا الناس كلها عرفت بي علاقتنا
احلى يوم في حيااتي كان عاملو لي مفاجأه يعني ما كلمني انو جاي يتقدم او يفتح مع اخوي الموضوع
انخطبنا بس ما خطوبه رسميه بي دبل وكدا حبي ليهو زاد اضعاف أضعاف اي واحده بتكون حست بالشعور دا انو اللي حبيتيهو يخطبك
سعاده وكل واحده بتتمنى اللحظه دي وبتحلم ليها
مرت الأيام وكنا مخططين انو لما اخلص دراسه نتم الزواج وهو اصلا عايز يسافر بره يكون نفسو وكدا
كنت شغاله إمتحانات جيت من المدرسه وتعبانه ميساء ما سألتني اني اشتغلت كيف طوالي قالت لي امشي غسلي العده ونضفي البيت صحباتي جايني زعلت بس كتمتها جواي مشيت نضفت وغلست العده وجيت علشان اقرأ ما لقيت مواد التاريخ اللي هو نازلينو بكره فتشت لما رأسي سخن وخفت وما عرفت اتصرف بس خليتها علي الله ومشيت المدرسه الحمدلله قدرت اطلع منه لما رجعت البيت سألتني
ميساء : اشتغلتي كيف
قسمه: الحمد لله
في بالي قلت البت دي منفسنه ما اشتغل بيها
اتخيلو جيت انضف لقيت كل مواد التاريخ تحت فراش سريرها معقوله في ناس حاقده للدرجه دي معقوله في ناس ما بتتمني الخير بكيت لاني بالجد زعلت
ليه تتعامل معاي كدا؟ انا عملت ليها شنو؟ ليه كل الحقد دا جواها تجاهي بس مشيتها ليها وإحداث كتيره حصلت لي معاها مواقف للعدو الزول ما بعملهاا بس بمشي فيهااا
مرت الأيام....
