ميساء عندها اخت اكبر منها اسمها شادن والله ملااااك التقول ما أختها بس شادن متزوجه وساكنه في مدينه قريبه كدا من مدينتنا كانت هي ملجيء الوحيد دائما بحكي ليها عن نفسي وبفضفض معاها وهظار وونسه معاها
بنتظر جيتها بفارق الصبر
هي اكبر مني في مقام امي بس كأنها صحبتي
تفاصيلي كلها معاها هي اكتر شخص ارتحت ليهو مره من المرات كدا جات تتونس معاي وقالت لي عايزه افتح معاك موضوع قلت ليها اتفضلي في البدايه اتلبكت المهم قالت لي في واحد كدا صراحه عجبتيهو وقال عايزاك طبعا" اندهشت لانو انا في فتره ما بتخليني افكر ولا مجرد تفكير في حاجه ذي دي يعني ما عندي وقت
وقتي كلو مقضياهو مشاكل ونقاشات مع ميساء ذايد الخدمه والشغل اللي واقع فوق رأسي قلت ليها شافني وين علشان اعجبوو قالت لي صورتك العندي شافها قلت ليهاا اهاااااا قالت لي اها رأيك شنو انتي؟ قلت ليها اصلا" انا ما شوفتو ح اوافق كيف الشيء التاني الحاجات دي انا ما عندي ليها زمن المهم قفلنا علي كدا وانا بقي باااالي اليوم كلو مشغول يا تري الولد دا منو وهل شادن بتكذب علي ولا صادقه ؟ دي كلها في رأسي سرحت كدا وبعدها نمت
ح توافق قسمه ولا لا ؟
جات الاجازه وكان عندنا عرس في البلد قلت لي اخوي وديني اقضي الاجازه مع امي واخواتي كنت عايزه حاجه تشيلني من المكان دا باي طريقه عايزه اغير جو شوويه انا عديت سنين مكبوته حتى في الاجازه ماقاعده امشي البلد بيت اخوي بقى كانو بيتنا اقامتي كلها معاهو بقى كانو متبنيني امي مرات مرات بتزورني اكتر من 6سنه انا ما رجعت البلد ولا شوفتها بس ياهو قافله نفسي في القوقعه والدوامه دي لازم اكتم جواي مالاقيه زول يعطف علي بقيت فاقده كل شيء حنان ام اهل ضلعي كلو مكسوور ومافي بصيص امل جواي
عاايشه بس اكمل باقي ايامي دي من غير هدف اتحركنا وانا الفرحه جواااي خلاص ح الاقي امي اللي لي زمن ما شوفتها و ح اقعد مع اخواتي الحنين للاهل هو اللي كان بديني امل وبزرع السعاده جواي وصلنا الحمدلله وكميه من الاشواق شوفتها في عيونهم ياااخ غاليين بالجد علي ربنا يحفظهم وامي تشيل وتبكي معاي امي حنينه وبقيت احكي ليها عن المدرسه وعن صديقاتي والحياه هناك كيف بس نهائي ما جبت ليها سيره عن تعامل ميساء معاي بس هي حست لانو انا أثناء ما بتكلم عيوني بتلمع حزن قالت لي قسووووم انتي مالك يا بتي ؟ احساس الام مستحيل يخيب هي الوحيده اللي كانت حاسه بي بس حاولت اخفي منها الحاصل
ما عايزه اقول ليها اني بتوجع في اليوم ألف مره وبتقطع مليار مره من سوء المعامله ما قاادره اقول ليها اني شغاله خدامه عندهم ما قادره اقول ليهاا اني حااسه بفقد كبييير وانو جواي الف حاجه
عايزه احكي وافضفض ما لاقيه زول يحضني ويخفف عني انا اخدت حمل اكبر مني
بس قلت ليها مشتاقه ليكم علشان ما ازيد همها ما عايزه احسسها بالضعف وأنها ما قدرت علي او احسسها انو اخوي مقصر فيني يمكن تكون صدقت كلامي او حاولت تمشيني
قالت لي ربنا يوفقك يابتي وتلقي ود الحلال اللي يسعدك يارب
قضينا يومنا ونسه وضحك وطلعه عصريات بالجد كنت فاقده كل دا واتمنيت لو اقعد اكتر جاء عرس بت اهلي طبعا " نسيت اوصف ليكم نفسي انا قصيره بس ما شديد كدا لوني اسمر فاتح كدا شعري اسود طويل وكثيف ضعيفه بس ما شديد المهم قاعده كدا جاء
ود اهلنا اسمو محمد بقيت اتونس معاهو صراحه ارتحت ليهو وكل ما ارفع رأسي بلقاهو بعاين لي استغربت في قلبي قلت دا مالو بعاين لي كدا شكيت في نفسي بقيت بعاين في نفسي احتمال في حاجه ما ظابته ما لقيت شيء قلت اه انسيهو
فجأه كدا قال لي قسمه قلت ليهو نعم بأستغراب قال لي شادن ما ورتك انا نسيت الموضوع ذاتو افتكرتها بتنادي لي ولا حاجه بالشكل دا قلت ليهو بي شنو؟
قال لي لا لا مافي حاجه شكلها ما ورتك ومشي على كدا انا بقيت بفكر شادن شادن قالت لي شنو؟ اااااه يا الله اتزكرت يعني محمد دا الولد اااااه انا غبيه كيف صراحه من جواااي اعجبت بيهو اعجاب بس ما اكتر يعني بقيت ارتاح ليهو
كل مره بتلاقى معاهو بنمشي الجناين حسيت انو لسسسه في حاجه حلووه والحياه اللي كنت عايشاها دي يمكن تتبدل فكرت انو اخلي تعليم واقعد هناا
لاني بلقى حياتي وسعادتي كلها هناا
مره قاعدين في شجره كدا و محمد مقاصدني
انا كنت سرحانه وبفكر الف تفكير بس في شنو ما بعرف حاجات غريبه كدا جوااي يمكن محمد يكون لاحظ لشرودي المتواصل دا
محمد : قسوووم
قسمه : نعم
محمد: انا بحبك يا قسمه
قسمه : وانا برضو
لقيت نفسي رديت بس كيف ؟
من غير ما أشعر او ما ركزت هو قال شنو
ما عرفت قلت كدا ليه استغربت في نفسي خجلت وما عرفت اعمل شنوو بقيت مدنقره بس
معقوله حبيتو؟ الشعور دا اول مره يحصل لي
اعمل شنو؟؟ واتصرف كيف؟؟
النهايه ح تكون كيف؟؟
مرت الأيام واتأكدت اني بحبو ما قدرت اتحكم في مشااعري في فتره وجييزه حبيتوو
الحب الجواي زاد لي محمد وبقي مستوطن قلبي ذي ما بقولو يعني خلاص اصبح نفسي ونصفي الآخر والمواقف الحصلت بينااا يوم ويوم بقيت ما عندي غير محمد كلامي محمد اي شيء محمد حتي لما اكون قاعده مع نفسي بتزكر كلامو وبضحك ما كان عندي تلفون يعني فترتي القاعداها مع ناس امي كنت كل يوم لازم اشوفو
