ضحية حرب[منقولة]

السابعة عشر❤️

ضحية_حرب💔
#قصـة_حقيقية >>للگآتبة: أودي آلشـلوي👑
#آلحلقه_آلسابعةه_عشر(17)
*******************************
تاق لأصدقائكم لوعجبتكم الحلقه😻ومشاركه 😍
اسعدوني بأرائكم الطويله 😻😍😍
       :(قــراءة ممــتعـه فـانـزاتـي 😻)
****************************

*
غاده:بت صبي نوضي حالتك هكي من امس خشي لدارك خلاص المفروض بعد مكالمة بابا تفرحي ;
انا بصوت مكبوت :مانقدرش نفرح الا لما نشوفه ?
غاده:بس انتي هكي تهلكي في روحك وتهلكي في امك اللي سهرانه عليك طول الليل ;هيا ي روحي خشي لدار وغيري دبشك ;وتريحي شوي ;
انا صبيت ونا تعبانه وجيت بنخش لدار لقيت فيها نهله اتبخرر ; انا لما شفتها :شنننن اتديرررري انتي هنا ومن سمحلك تخشي ;
نهله ب ربكه :اناااا انااااا;
انا:انتي شننننوووو كيف تخشي لداري بلا احم ولا دستووور ? كيف تخشيلها ونا مش فيها ;
نهله:نبخر فيها قاعده قلت مرات اسلام يطلع نظفتها وبخرتها ;
انا:من طلبها منك انا مرته ونا اللي انديره الشي هذا وانتي مالكش علاقه في اسلام يطلع مايطلعش انتي مالاكش علاقهه ;
نهله ابتسمت بحقاارة وغمزتلي:اسمعي هو يخصني أكثر مايخصك 😌 تفهمي ?
انا 😌 دا بعدك اكيد ?راجلي وحلالي وانتي احلمي بيه بس ;
نهلة بخزرة: توا نشوفو من اللي يحلم بيه ;
طلعت وسكرت الباب ; 
انا قعمزت ع المرقد حسيت بخنقه في صدري حسيت بالدنيا برمت بي حسيت بكلامها فيه حاجه مقصودة بس مافهمت عليها ;
*
اسلام وهو عليه الاجهزه ودوبه يحكي يبحت في هله: يامي ?
فاطمه:ياجنيني ياكبيدتي الحمدلله ربي ردك لي طيب ;
اسلام:يبحت في بوه وهو يبكي ;
بوه كان منهار بكل عليه ;
اسلام بشويش يحكي:بوي ن ا ك و ي س ا دموعك غالليات علي ;
عبدالله::والله ماتوقعتك اتعيشلي 😭😭😭نبكي من فرحتي وربي يعطيك اصحيحتك ان شاء الله ;
خش ايوب وهو اعيونه متدبرات ومنظره واصل حده: الحمدلله اللي وعيت الحمدلله انك انجيت
اسلام:الله يسلمك ?
*
ماما كملت الحوسه ;
بابا:ليش روحتي كنتي قعدتي معاها;
ماما:شغلتوني قلت نضم الحوسه وندير غداء ونرد اخري ;
بابا:كملي حوستك وعدي والغداء توا نفتحو حكة تن ?
مهند: يامي جواعه ديرينا حتي طاجين ?
مهيمن:😒😒ماتبيش تنهاس لو جعت يوم واحد اختك محتاجه امي جنبها ;
مهند:😒😒😒😒
بابا:عدي ي تهاني توكلي;
ماما:او باه انكمل الحوسه ونمشي ;
*
جهينه:ايوا كيف حالك ?
محسن:فكرت في كلامك ولقيته كله صح الصراحه نا معش نقدر نسكت اكثر من هك ولا عاد نقدر نذاري بس خايف معش نحق الضي:
جهينه:نا مليون مره قتلك الكلام هذا حرام عليك كيف ترقد وكيف يجيك نوم وفي ناس يتأذو من وراك وفي ناس اتغير حياتهم كله منك ;
محسن:نا قتلك والله نا بروحي كااااره روحي منقرف منها حياتي معش فيهااااا طعمه بالنسبه لي;
جهينه:تقدر تغير من حياتك حتي لو انحبست اهم شي الناس هذي ماتستر عليهم اطلب من ربي انه ينحيك منهم ومن شرهم بس والله نا باكيه ع حال ليبيا اللي تمه هك ;
*
اميمه تحكي بالتليفون:قتلك هلي لاهين في اسلام توا ?
هو:اصلا نا سمعت انه هلك مش راضين حتي قبل قصة اسلام سمعت بيها ;
اميمه:شن تحكي انت ومن قالك هكي اللي قالك هكي كذاب ;
هو:قتلك ماعندك عليش
...............طوط علي انتي وهلك فوتيني وانسيني خليهم ياخذولك ولد الباشااااا ;
اميمه:حبيبي كنك انت والله هلي مازالو ماسألو كويس وجت قصة اسلام و
هو قاطعها: نا عرفت كل حاجه مافيش داااعي لل لف والدوران ;
اميمه:حرام عليك والله مانلف ولا ندور بس هلي توا مش فاضيين;
هو:لا خلاص مش بجوهم 😒هي انتلفي ومعش نبي نحق وجهك /
اميمه:ليش كلامك هذااا والله نا مانكذب اسأل حتي  غاده هاكها ?
غاده فنصت فيها: فكيني من وجه 😒
هو:لا غاده ولا شي رقمي تنسيه وقبل ماترفضوني نرفضكم قولي ل هلك مافيش نصيب هي تشاو?
اميمه:لكن نا هو سكر في وجهه ماعطاهش فرصه تكمل ;
اميمه بحتت في غاده وهي دموعهااا شلال:لا يكذب صح ? لا لا مايديرش في ههكي ;
غاده:ياريتك تقتنعي انه هذا واحد مايناسبك واحد بدال مايتمسك بيك بدال المفروض لو هلك ارفضو ماسيبك المفروض حاول ;
اميمه تبكي بصوت عالي:اسكتي انتي شامته فيا تريحتي هكي اه خلاص سيبني قولي ل ماما اتريح خلاص اللي يبوه صار اهو سيبني اهو انكسر قلبي نا خلاص متت نااااا خلاص قلببي انحررررق انكسررر بخاااطري ;
غاده قربت منها وهي تعيط: خطووووووني ماتقربوش منننني;
ملك خشت عليهن: كنكن صوتكن عالي ?
غاده عيونها يدمعن وتبحت في اميمه اللي منهاره ?
ملك:بنات شن في اسلام سيرتله حاجه كنكن ?
غاده:اميمه ياعيوني ماتزعليش روحك والله توا تشوفي بكره لما تعرفي انه كنا نبو مصلحتك حتشوفي شن تقولي ; تقولي الحمدلله انه صار هكي ;
اميمه:خطوني بس مانبيكمش معش نبي حد منكم تريحتو تواااا خلااااااااااص اطلعوووو ?
ملك:قربت من اميمه:كنك شن في شن سايرلك ?
اميمه:مقهورة نا خلاص تعبانه معش عندي نيه في شي ;
ملك:ياروحي نا وضمتها ;
واميمه تبكي بصوووت عااالي ومنهااارة بكل ;
+
انا طلعت من الحمام ولفيت الفوطه علياا ;كنت تالفه بكل وماعنديش جهد انفكر ولا نحكي كان عقلي وروحي مع حبيبي حبيبي 💔💔😓😓😓ااااه شنو صحتك توا كيف داير 💔مع انه طمنا عمو لكن قلبي ناررر عليه ;
قعدت نبكي ونا خلاااااص وحاطه ايدي ع قلبي مغمومه مقهورة ااااه يارب يارب فرحني بجيته ;
*
:نهله في الكوجينه وتكلم ب الفون وبعدها خذاها الكلام وطلعت قعمزت في الصالة:اسمع يافيصل نا مش شوري شور العزور اللي جاتك ;
الراجل:المهم اتممنلي المبلغ نا مش شوري بيكم ;
ماما اتدق ع الباب اللي برا كان مفتوح ; خشت وسكراته وراها ;
وهي خاشه سمعت نهله:
نهله:اسمع بكرة حيوصلنك 1500 وبعد نشوف النتيجه يوصلك الباقي ;اما توا ندفعلك ;افرض 😌 ماصار شي وكبد عليها زي قبل ?
الراجل:عيب عليك انتي ماتعرفينيش ;
نهله:اكيد مانعرفكش اهم شي يكرههها ومعش يحبهاااا وهك انت اعيوني واللي تبيها انديرها لك ;
ماما حطت ايدها ع صدرها:ياساتر 😥😥انظر شن تبي تدير 😣😣😣 ومنهي راقدت الريح اللي تبي تخرب عليها ;ازعمااا انخش عليها ونوريها اني سمعتها ;
ماما:مش شوري مرات ترد ع بنتي وتديرلها شي حاجه ;
*
ماما ردت لاورة ودقت ع الباب;
نهله لما سمعت الباب سكرت الفون  طلعت طول:من ?
ماما:افتحي معليش?
نهله:استعباط هو ما الباب مفتوح 😒
ماما 😳 :معليش يابنتي العتب ع النظر. ماشفت انه مفتوح;
نهله: 😒😒😒😒وخشت سيبت ماما برا;
ماما:قليلة تربية خزي والعنت 😏
*
ماما خشت جوا ; ورقتلي فوق ;
ماما:خشت علي لقتني نبكي وحالتي حاله ونا لابسه الفوطه بس ;
ماما جتني تجري وضمتني:يااامي معقوله هكي كنك انتي اساع تمرضي هكي ;
انا:حاسه بروحي نبي نموت معش نقدر حتي نتنفس ;
ماما:بعيد السو ع ابنيتي بعيد السو عليها ;تعالي نلبسك ادبشك. ونجففلك اشعرك ?
انا نهز براسي بمعني لاااااا ?
ماما:بلا اهبال ليش تقتلي في الراجل ;الراجل كويس وصحته تمام ;بوك كلم صاحبه ووصاه عليه وسأله قاله كويس ;بفضل ربي رصاصة وحده خاشه فيها الباقي مش خاشات وداروله عمليه بسيطه *
انا:بس هو بعيد علياا توا هك نا نفهم دوبينه بعيد عليا ونا هك حتقعد حالتي ;
ماما:ياعيوني نا لدرجة هذي ?
انا:هو كان لي اب واخ وكل حاجه كان لي الامن الاماااان هو كان يبيني نرضااا بس ;
ماما وجعتها وحست بغصه:ااااااه والله يامي شن نبي نقولك كيف بنخفف عليك فعلا هو صبا معاك في وقت مالقيتينا جنبك كان ديمممه قلبي خالبني عليك كنت بس نفكر فيك كان عندي امل اني نلقاك واني لقيتك عارفه انه ربي كريم اااااه وخلاص ;
*
ايوب:انور ضروري نعرفو من وراء هذاااا كله نبيك تحقق ;
انور:وسع بالك ي راجل وخلي اسلام ايصحصح بس عشان نعرفو منه مرات هو يعرف من ?
*
بعد مرور اسبوع:
فاطمه:لميتله ادبشه كله خلاص رانا جاهزين ?
انور:عمتي قبل لا تمشو نبي نحكي مع اسلام ;
فاطمه:انراجو فيكم في السيارة ;
انور:تمام ياعمتي ;
انور:اسلللاام نبي نفهم شن صار معاك ? ليش ماتبيش تقول هما من ?
اسلام:نا قتلك انه حنتعرفلك بس لين نطلع من هنا ;
انور:نبي ناخذلك حقك ياراجل ;
اسلام:توا تاخده لي وناخذه معاك بايدي وندمرهم وحق ربي ;
انور:اسلام ماتحاولش انك تلعب معاهم شكلهم مافيه اللي دارو فيك هكي ;
اسلام:توا مش وقت كلام نبي نروح للحوش تالف ;
انور:اللي تريحك بس نا نبهتك ;
اسلام:ماتخفش عليااا ;
*
ماما:سالمين نصبت خلاص الرز قريب ايطيب ;
سالمين:خلاص قريب يجو قول البنات يجهزن السفر ;
ماما:ردينه ردينه /
انا  نحكي مع البنات. ونسيت اسمي بكل ومش منتبهها;
غاده:مودة امك تناديلك ;
انا:صاح وصبيتلها ومشيت نجهز وكنت فرحانه عشان بنشوف *نبض قلبي*
ماما:اعيونك يلمعن😍😍😍
انا:انحرجت منها وطبست راسي ;*
بعد اشوي دق الباب ;
خشو وكان الحوش مليان حسن بالغداء والحفله اللي دايرينها ;
ونا عقلي كله برا كان خاطري نطلع عليه ;
*
بابا في المربوعه وخايف من حد يعرفه ;
ع خشت واحد يعرفه بابا +شيخ قبيله+ سلم ع بابا بحرارة بابا كان خايف منه ;!