ضحية حرب[منقولة]

الخامسة💔

#ضحية_حرب💔
#قصـة_حقيقية. >>للگآتبة: أودي آلشـلوي👑
#آلحلقه_آلخآمسةه(5⃣)
انا:اسلااااااام نا شن في شن الباقي اللي نا مانعرفه قولي صارحني سمعت اعميمه وهي تقولك شن الباااااااقي?
اسلام:اوووف منك مافيش حاجه ماتعرفيهش كله عارفته الباقي هلك فهمتي وسوست امهات فوتيها وماتشغلي بالك?
انا:شن ذنبي ناااا جيت هكي نا بروحي مانرضش ناخذك لانه الله اعلم مرات نبقي متجوزه شن عرفك اه ;
اسلام:حنسألو شيخ ; شوفي موده نا وياك حنجوزو ع ورق نا نرضي هلي وانتي تستقري ونا نوعدك من هنا لوقتها مانجيش شورك ونصبي معاك لنهايه لين نلقو هلك واتعالجي تمام ;
انا: بس نا ...
اسلام قاطعني: امي توا نقنعها والله توا نقعد عليها ...نا نبيك تقعدي هنا مانبيكش تحسي بروحك حمل ثقيل نبيك يكون اسمك من اسمي فهمتيني ?
انا:قبل كل شي اسأل شيخ ونا بجد عقلي متشتت وحاسه بروحي مش جاهززززه هلي وروحي ونا مش متذكره راااسي قريب يطير مني ;
ع خشت فاطمه بالدواء ;
فاطمه: اسلام اطلع بررررا ساد فضايح ;
اسلام:فضاااايح شنو يامي كنك انتي ?
فاطمه:مش خايف ع روحك خاف ع البنت بحت روحك كيف تصرف خاف ع سمعتها ;
انا ادموووعي ينزلن وانتبهت انه اسلام قريب مني بكل قريب ياخذني في حضنه فهمت ليش فاطمه تهزب ;
اسلام بحت لروحه لقاه اللقطه مش تمام بينا وخر لاوره: يامي عشان معش حد يتكلم وافقي بس ;
فاطمه:مش وقت كلام توا البنت واصله حدها اطلع توا وساهل بعدين ;
اسلام طلع ;
فاطمه:عطتني الدواء وشربتني امياه:غاااااده غااااده ?
غاده جتها تجري:نعم ياماما ?
فاطمه: تعالي صبي معاي موده ;
فاطمه وغاده صبني وشالني لدار وخشني لمرقدي لانه كرعي معش شالني ;
انا مجرد ماخذيت الدواء اغما علي رقدت ;
نضت ع اذان الفجر راسي ثقيل ;
صبيت خشيت توضيت ;
وصليت حسيت بروحي متضايقه شوي ;
لبست حجابي وطلعت لجنان قعمزت ع كرسي وقعدت نبكي ع حاااالي ;
#
#
اسلام متضايق ومش جايه نوم تعبان بكل يفكر في كلام امه كيف تبي تاخذ وحده .... كيف تبي اتقبلها متأكد من قرارك ;
بس نا البنت جذبتني معقوله نحبها لا مش لها الدرجه ممكن رأفت بحالها ممكن انسانيه مني بس.
حس اسلام بضيقه كبيره نزل يشرب في امياه لقاء باب الجنان مفتوح ;
استغرب ?من طالع توا برا هذا اكيد ايوب جاء يبي يكمل طريقه للكوجينه بس عقله ماريحش ;
طلع لجنان لقاني: مووووده شن تديري هنا ;
انا مسحت ادموعي وصبيت من مكاني: كنت توا نبي نخش ;
اسلام:موده ليش الدموع توا ليش هكي ساعدي روحك خليك قويه ;
انا:هك اضايقت شوي وتوا نبي نرقا نرقد ;
اسلام:ليش اتهربي مني كنك انتي ;
انا:اسلام وراسك خليني في حالي معش تطلع في طريقي خليني نعيش زي مانحب مانبيش منك تقيدني نبي نبكي نبي نطلع اللي في قلبي بالك انتريح مش جبل راني عشان نتحمل هذا كله;
اسلام:لكن ادموعك غليات عليا واعرات عليا نا مانبيكش تبكي قدامي ;
انا:عليش هذااا كله من نا عشان تخاف علي ممكن نا نبي نقعد مراتك بس هذا كله مايخليكش تمثل علي انا وحده مالاهش فصل ولا اصل ولانك عارف هلي وحياتي مرات لما تعرفني صح توا تغير رأيك ;
اسلام:مستحيل ;ماتحطيش في بالك الشي هذااا ; مستحيل انتغير معاك ولا...وسكت
انا:شنووو كمل /تضحكش ع روحك اسلام مانبيكش تنصدم في الواقع توقع جميع الاحتمالات ;
اسلام قرب مني ولف ايديه علي وحطني في حضنه قعدت كيف البيبي ونا بين ايديه غمضت اعيوني ونا نتنفس بالقوووه وهو نفسه اعلا مني ويحكيلي في وذني: مانبيكش تزعلي روحك وماتسبقيش الاحداث ;;خلي روحك هاديه ونبيك تستقري معاي عشان تذكري وتعرفي روحك من ;
انا دخت من بنت عطره اللي ملخطه بالدخان ;
فكيت روحي منه:خلاص اسلام نبي نمشي نرقد مرات يوعا حد ويشوفنا ويفهمنا غلط ;
اسلام كرني مع يدي وجت عيني في عينه:نطلقك لكن ابشرط  توعديني ;
انا قلبي يدلف بسرعه ونرعش كلي :بشنوووو  ;
اسلام:معش نبي نشوف ادموعك وهزلي براسه ;
انا مطبسه راسي: تمام حاضر ;
ارفعي راسك الزح وانت تحكي هي عشان نطلقك ;
انا:اوف منك رفعت راسي: تمام ;
اسلام يبحت في: غمزاتك يقتلن ;
انا:خلاص اسلام تصبح ع خير وخشيت نجري ورقيت فوق وخشيت  لمرقدي ;
#
#
عدن الايام ومافيش احداث جديده ولا حاجه تنذكر ;
اما اعميمه فاطمه مازالت مسكره راسها ;
بس وافقو ع خطوبة ايوب لانه مصدع روسهم ;
واسلام كل يوم يتقرب مني ع يوم اهتمامه بي لدرجة الذهول .
غاده: اسلام قال نمشو اليوم?
انا:بس نا والله ماعندي نيه وقلتها له اسلام قتله مانبيش دبش ?
اميمه:انتي مانكش عارفه اسلام اعناد وتسكير راس ;
انا:بكره اعميمه ماشيه تخطب ل ايوب صح ?
غاده:اها بكره ماما ماحتي راضيه لكن اهو ?
اميمه:ماما هكي توا اموقفه حالنا كلنا شوفي نا تعبت والله وشوفي اسلام ;
غاده: ماما هكي وانتي تعرفيها ديمه تخاف علينا ;
انا:ام وماحد يلومها ;
اميمه:والله نا مافيه عيب والا بينا 100كيلو مش من بعدهن يعني في السياره بسرعه مانوصلو ;
انا:مصيرها توا ترضااا او خليه هو يدز هله مرات لما يجو لعند الحوش اتغير نضرتها ;
اميمه:قولتك يعني نخليه يتقدم وبالك بابا يأثر فيها ;
غاده:ماما ماتأثرش وانتي تعرفيها ;
اميمه:ماهو ايوب اثر فيها غير اسلام يراجي في موضوع ايوب يتم وقال والله ندير اللي في يدي كلها ;
اسلام يدق ع الباب: قتلكن نرجا فيكن في السياره معاكن نص ساعه ;
انا:اووووف عليك سكنان يااسلام ;
اسلام نزل تحت وهو يرجا فينا ;
غاده طلعتلي لبسه منها: هاكي ;
انا : به خشيت ولبست قونة ليكرا سودة وبلوزة بودريه شيفوني ولبست عليها طرف طويل مخربش ولبست وشاح ليكرا وطلعت ;
لقيت اسلام مصبي: ساعه ونا نرجاااا فيكن ;
بحت في وقرب مني: شن اللبسه هذي تقول ماشيه لفرح ;
انا:بس نا ?
اسلام بحت في غاده: عدي عطيها عبايه ?
اسلام:كلمه وحده وبلا كلام زايد ;
انا طرمت شواربي كيف البيبي ورقيت مع غاده ?
غاده:عارفتها المشيه هذي مع اسلام حي وكان بحت فينا واحد توا ياكله اوكال ;
انا:كان هذا خلينا نقعدو معش نبي نمشي ?
غاده:تبي اسلام يقتلك توا يفلم علينا هيا ;
انا:به به ; لبست العبايه حسيت بمنظري زي الشحاته بس قلت يالله وطلعنا ;
بحتت في اسلام:هك تمام تريحت ;
اسلام كان لابس جاكه لونها نبيتي وسروال اسود ;
واشعره فوق وبنت عطره اللي تقتل ;
اسلام:ايواااا هك الواحد يتريح العقبه للخمار ?
انا فنصت فيه:ناقص غير هذا لا طبعا ;
اسلام:اركبي اركبي طالعلك السان رايح?
انا 😒😒😒ركبت ونزلنا ع محل:
اميمه:اوووووووه ديمه خاطري نخشله المحل هذا غالي بكل ;
اسلام بحت في وغمزلي:مايغلش عليكن شي ;
غاده اضغطت ع يدي: يادلالاك ياعم مين قدك ?
انا: بلا سماطه ?
خشينا للمحل وكل وحده  عدت الميولها في نوع اللبس ;
اما نا وقفت في مكاني; ماقدرتش نعرف ولا نحس بميولي ;
كنت تايهه وخلاص ;
اسلام قرب مني: تعالي الجهه هذكي فيها حاجات حلوات ;
انا ابتسمت ومشيت معاه ;
وقعد يركبلي ونا نشوف في الاسهار بس اسلام ماكان هامه اي حاجه حتي نحط عليها يدي ياخذها وهو يركبلي ;
اسلام:فكيني من الحشم لو نا اخترت حاجه مش عاجبتك رديها ;
انا:لا كله عجبني وذوقك حلو ;
اسلام بحت في الراجل بتفنيصه: ودك غير تقتله يبحت قريب يزقب بينا:
انا:اوووف اسلام خلينا نطلعو ;
اسلام بحت في البنات وهن جايات شورنا:كريتن المحل كله ;
غاده:والله كل وحده لبستين بس ;
اميمه:فرصه ماتعوضش ههههههه ;
اسلام:خوذن موده للطابق التحتي الخاص بالصبايا ; واشرنلها اللي ناقصها ;
انا فهمت ...عليه وانحرجت بكل;
اميمه:به ومشينا نا واميمه وغاده:;
وخذيت الحاجات اللي ناقصتني ;
ورقينا فوق واسلام خلص ;
وطلعنا ; اسلام نزلنا ع محل احذيه وخذيت اللي يلزمني وطلعنا ;
اميمه:اسلام خوذنا ايس كريم ?
اسلام معدل المرايا شوري: توا تمرضن مش كويس توا نجيبلكن سنترا ?
اميمه:جيبلنا ايس كريم نحنا وموده سانترا ?
انا:حتي نا نبي 😪
اسلام:يقلد في صوتي حتي نا نبي ; فيش انتي تمرضيلي هنا ;
انا:خاطري  نا 😒😒
اسلام هز براسه وصلنا عند كفي ;
غاده:نزلنا اسلام في صبايا الكفي ;
اسلام بحت فيها بخزره ورفع حاجبه:اياك الا هذي تبن اتقرنن بي ;
عدا اسلام ;
اميمه:ياريته نزلنا ;
انا:عليش نازلين بالنسبه لي كرعي وجعني ;
انا بحتت في الجهه لاخرا كان حوش كبير في اثار هدم انا لما شفت الحوش بدا راسي يبررررم وعيوني يحرقن وصارتلي كيف الحراره /
انا مسكت راسي واعيوني بدن يدمعن ;
اميمه بحتت في: بسم الله كنك ;
انا كرعي رقدن ومعش طلع صوتي ;
غاده:بت كنك ?وقعدت اتدور في امياه لقت شيشه امياه وقعدت تغسلي في وجهي وتشرب في نين نا رردت في ادروح ?
اميمه: ياروحي ايش تخسي بروحك،
انا:تماام توا احسن
عقلي قعد يوووج ونحس بررروحي في موج معش درت وجهي شور الحوش اخري ;عشان معش يوجعني راسي ;
قعدت نحكي مع البنات واسلام طول بكل ;
طبعا خواته قالن هذي عادته ديمه يدير هكي ;
طلع وجابنا كل وحده سانترا?
وقعدنا ناكلووو ونهدرزو لعند وصلنا للحوش ?
لما وصلنا لقينا سيارات ;
انا:من السيارات ?
اسلام:معتز وهذي سيارة خالي ونيس راجل خالتي ?
انا: قصدكم عيت نهله هنا ;
غاده:نار الغيره هههههه
اميمه:العب يلااااااا ;
اسلام: مرات خالي بروحه ورفعلي حاجبه ;
نحنا نزلنا ولقينا ايوب مقعمز ويحكي:
ايوب:تريحتي حبيبي خلاص بكره تقعدي خطيبتي ;
نور:حياتي نجك لي فرحانه بكل ;
ملك بنت خالهم اتفرج ع ايوب مع الروشن 😔😔😔اه ياايوب حرام عليك والله نا حبيتك مع انك تحبها من زمان بس قلبي مابش يقتنع ويمشي لغيرك ;
#
#
نحنا خشينا تفجأنا لقينا خالهم يونس وعيت خالتهم اللي راجلها ونيس قاعدين ;
فاطمه:وين هالعرم هذا فلستن ب اسلام ?
اسلام ينقل في الدبش بطرف عينه :مش اخساره فيهن;
نقل الدبش وخش لداره يدوش ;
طلع من الحمام لقاء نهله مقعمزه ع المرقد وترجا فيه ?
اسلام:ايش خشاك انتي هنا وكيف خشيتي انتي ماتخفيش ولا كيف شن يبي يقولو علينا برا ?
نهله بصوت دلع وقربت منه:توا اعميمه حكت معاي في موضوعنا ونا قتلها موافقه ?
اسلام:موضوع شنو ? شن الموضوع اللي بيني وبينك نا وياك مافيش بينا مواضيع ;
نهله:توا اعميمه قالتلي ايام وتنهو قصه ايوب وبعدها تبو تجوني نا تخطبوني ;
اسلام:امي قالت هكي ; وبعدين حتي لو قالت هكي تخشي لداري وتشخلعي بصفتك شنو ? انتي ماتحشميش ولا كيف عندك صحة وجهك ;ديمه اتلصقي ونا نبيش نجرحك بس تجيك الجرأه انك تخشي لداري وتبي تلبسيلي تهمه مش ماشيات علي تصرفاتك هذني;
اسلام مسكها من طرف دبشها: ونهله مصدومه يطلع فيها برا ?
#
#
انا صبيت من احذاء البنات: نبي نرقا ندوش وناخذ دواي ?
فاطمه بحتت في وتبيني نسمع: بعذ ننهي موضوع ايوب نبي نشقي بااسلام. ونهله خلاص عاد راجو الا واجد ;
انا حاجه اعصرت قلبي وجهي ظلم وانسود مشيت جري فوق ?
لقيت نهله دوبها طالعه من دار اسلام ?
لما شافتني تصنعت قناعها:كنت مع اسلام نخططو ل خطوبتنا قربت خلاص العقبالك حبيبتي ?
انا:ماسألتكش وين كنتي تهيالي حاجه تخصك ;
مشيت من قدامها ونا قلبي قريب يطير من مكانه وحسيت ب روحي واصله حدي قعمزت غ المرقد وقعدت نبكي: ااااااه ليش هكي ليش نااااا ليش حياتي هكي ليش نا مش عارفن روحي من ليش نا متلخبطه نا مكسوره قلبي خلاص سد القهر اللي نا فيه سد حياتي نا ليش ايزيدوني هم فوق همي لييش يكسرو في اخري  ;
خذيت دبشي وخشيت للحمام ولعت الدوش وقعدت نبكي تحته ;
طلعت من الحمام قعدت نبحت في عيوني المنفوخات ومنظري اللي حالته حاله ;
#
#
البنات يلمن في الحوسه ;
اسلام:يامي كنك انتي من جدك كيف تخطبيلي بنت من راسك كيف اتديري هكي انتي توا احرجتي روحك قبل ماتكوني احرجتيني تحسابي روحك زرطتيني بتصرفك هذا /من بكره نا شايله دبشي وماشي اخطبيها ل روحك وجوزيها ل روحك دامك تقرري من راسك ;
فاطمه تخيط في دبش: اسمعني نا درت هكي عشان مصلحتك يامي عشان تاخذ بنت ناس بنت عرب نعرفو هلها نعرفوها كويس وغير انها ماشاء الله عليها ;
اسلام:يامي نا ماندورش في الجو هذا نا عجبتني موده ونبيها ;ياموووده يابلاش ولو انتي مصره توعي في الصبح ماتلقيني:
فاطمه:عدي تربح طريقك بيضااا ع اساس امتي عمرك قعدت اتدير في روحك تكسر في ظهري ;
(اسلام:مانكسرش في ظهرك انتي يامي اللي تكسري في ظهورنا انتي كلامك تصرفاتك ?شوفي روحك وراكي لما تسمعيني متت تزعلي ?
فاطمه:طريق جدي هيووووا?
اسلام مشاء لداره وقعد يلم في دبشه ?
خش عبدالله ع فاطمه ?
عبدالله:كنكم ايش في ?
*
*
ع نزلت اسلام من فوق بشناطيه ?  وهو واصل حده ?
عبدالله: كنك ياليد وينننننن ماشي في هاليل ?
اسلام:اسأل امي اسألها ?اخطبتلي ودارت اللي في راسها مشت اخطبتلي اكره بنت عندي بنت مانقبلهش بكل تي كيف تفكرو انتو كيف نبي نقعد معاها في موش واحد ?كلا قولولي ?
عبدالله:اسمعي يافاطمه تسكير الراس مايوصولش لدرجه هذي ولوكان انتي تبي تسكري راسك بس ماتجي تاخذ في قرارت ع اولدك ?
لكن انتي هكي كسفتي روحك ?
اسلام من اليوم خطبتله موده وانتي ماليكش علاقه ;
فاطمه:عبدالله كيف هذي كنك انت ?
عبدالله:عاجبك باهي مش عاجبك عدي العيت اختك واقعدي عندهم ?
فاطمه صبت: اطرد في ياعبدالله ;
*
*
ايوب قاعد في الصاله لما سمع امه قالت اطرد في  ياعبدالله صبا يجري ;
ايوب:كنكم شن في ياهوو وسعو بالكم ;
اسلام:خليها تقعد نا ماشي وتعيتها تجوزها هي ;
ايوب:اسلام تجوز من ?كيف صار فهموني ?
فاطمه:خلاص ياعبدالله جوزهم ومبروك عليكم ونا ماشيه لداري نبي نقعد ع خاطر ايوب بس الا غيره ننشي وماعاد نروح ?
طلعت فاطمه لدارها ;
اسلام:ماشي نا يابوي تبي حاجه ?
عبدالله:عدي كم يوم نين يهدا الوضع توا نكلمك ;
اسلام:يستر الله وطلع ايوب الحقه ?
ايوب:اسلام اقعد واستهدي بالله ?
اسلام:الله الله في موده عينك منها;
ايوب:ياساتر كنك تودع ?
اسلام:مع السلامه حط الشناطي في السياره وعدا جري ?
*
*
غاده:اسلام عدا لشغله ?
اناقلبي زاد انقبض من جوا واعيوني يبن يدمعن ;
اميمه:هذن رايات امي خليها توا خليها توا تبقي تقول مغير يروحلي ?
غاده:مشت حكت مع نهله في موضوع الخطبه وماحسبت ل راي اسلام ?
انا: كيييييف ?
غاده:امي حكت مع نهله وقالتله نبي نخطبك ل اسلام ومشت عمتك نهله تلصقت ع اسلام في داره وحكتله وهو طردها من الدار ?
انا 😨😨😨😨 وقلبي زاد نبضه والحراره بدت فيا ;
وجعتني كيف ظلمته وكيف حسبت انهم كانو مع بعضهم ?
عدا اليوم هذا ونا واصله حدي كيف يبي يمشن الايام من غير اسلام ; كيف نبي نتنفس ? نحس بانه الحوش معش لي مكان فيه; الامان راح من عندي ;
*
*
جاء ثاني يوم ورفضت اني نمشي لدكتور ماجش في خاطري اني نطلع معش عندي طاقه ل شي ?
واعميمه فاطمه في دارها وماطلعتش بكل ;
في العشيه مشو اخطبو ل ايوب ;
ايوب فرحان والفرحه مش سايعته مشت امه وخالته ومرت خاله وفي نفس الوقت عمته ومش اميمه ?
وروحن ودرنا العشاء. وتعشينا نا كنت نمشي في يومي وخلاص نبيه ينتهي ع رنة تليفون ايوب:
ايوب رد: الو ها ياولدنا?
الرقم:معليش صاحب التليفون هذا دار حادث وتوا شلته للمستشفي ولقيت
ايوب عيطت كيف شن تحكي انت اي مستشفي به ?
الرقم: في مستشفي ...
ايوب طلع ومش حاق ولا سامع ?
ايوب رن ع عبدالله ;
عبدالله في الدار:ها ياليد كنك اترن ?
عبدالله:يابوي 😭😭 اسلام دار حادث وشالوه لمستشفي............💔💔💔
عبدالله:رد علي وتعال خوذني ?
ايوب:هيا اطلع بس مازلت اقريب انذهبت شيرتي طلعت وخلاص ;
عبدالله:يبكي ;
فاطمه;كنه اسلام ايش في ?
عبدالله:دااار حادث تريحتي اهو مات اهوورر تريحتي ?
فاطمه:يارب اوليدي نااا وقعدت تعيط ....يتبع