بين الحب والنهوة

part_25_ والاخير

وبعدين انتي ليش كلشي اصدكيني ولج شوكت يصير براسج خير ومااصدكين كل الي ينكال الج

- هسه انت شنو ترزلني لو شنو مفهمت عليك

- اريد سلامتج وبس

حجه هيج وميل رايه ع متني وخرته وكمت

- اذا تعبااااان روح جيب خطيبتك ونام ع متنهاااا

رجع كمش ايدي بس هلمره ماجرني حجه واني مطيته ضهري
- بس اني اريد مرتي هي الي تريحني

- رسلااااان لا اصير جاهل كوم غسل اكيد الدم هذا من السم الشاربه

- لج بابا شبيج مصدكه انيي شارب خرب بيومج اي والله تعاي تعاي اشتمي بلا بيه ريحةة شرب مثلااا

باوعت عليه صدك ما بي ريحه مو طيبه بلعكس ريحتة كلش حلو وعطره الي دائما يحطه بس شبي هيج يصرف
رسلان كوم غسل يلا لا اصير مثل ليث ترا ملصدك اخلص من وينام تطلعلي انت كوم

- ياريتتتت والله هيج واصير مثل ليث وانام بحظنج ااااف من غيررر كلشي وطز بدنيا وبلكرامه وبل ناس وبل كبرياااء

- ايييي ولا تنسه خطيبتك هم طز بيهاا انت الي خسرتني ماشي وهسه عوفنا من هشي شوف شكلك رجع جرني صرت بصفه ليش هيج تتصرفين وياي

- اني لو انت رسلان لا تاخذ دور المضلوم ماشي وخر عني اكو مثل يكول الي يجي من ايده الله يزيده كلشي صار من ايدك وخر عني هسه

ردت اكوم مجلب بيه وحده من ادينه ع خصري والثانيه كامش بيها شعري من وره راسي

باوع ع عيوني وحسيته صار قريب ومامهتم لكلامي كله ضاربه بعرض الحايط ولا مهتم هاي اذا سمعني مبين رايح بغير عالم وعبالك سكران بس مابي ريحة شرب

بس حالته مدري شبيها حسيته صار قريب عليه ردت اكوم مكدرت بس نقذني صوت ليث وهو يصيح ماما

دفعته وهو راسااا طفر وكف ههههه باوعتله وضحك صحه كلشي مابي شكد لوتي طلع عفته وركضت للغرفه ارجف احس روحي طلعت من كلامه

وردت اضعف اله شويه بقيت يم ليث ماطلع من الغرفه بعد ولا هو اجه بس بقه بالي يمه

ثاني يوم كاعدين ليث يلعب واني انضف هو كعد استغربت وجوده عبالي بلمستشفى

جنت لابسه برموده واصله لحد ركبي وكصيفه حيل وكيمونه برغم من الجو بي بروده بس ماعرف اشتغل اذا مو هيج

هو بقه يباوعلي وعينه ماانشالت من عليه ومثل المطفي اخر شي عاط

طفرت من صوته وليث هم هو انتبه ع صوته عالي اجه بتجاهي كمش ايدي وجرني للمطبخ واني اباوعله مستغربه شبي هذا

- شنوو هذا لبسجج هااااا

- شبي كلشي مابي وحته لو اني وين بلبيت وحد موجود بس ابني وانت