ملكت مشاعري

بوح بالعشق بعد فوات الاوان

#يعني اتجوزها فعلا
#اه ياكبير كتب اول ماخرج من هنا وبيتت عند ابوها وساب عليها حراسه معرفتش، اوصل لحد فيهم،،،،  تاني يوم راح خدها وكان معاه اخواته
حدق العمده بوجهه عزت
#دا حب بقي ،،،،،، المعلومات اللي وصلتني عن الواد ده ،،، انه ملوش سكه مع الحريم من اصله
عزت #طري يعني
#لاء طري ايييه مقطعهم ومحدش يعرف ليييه بس. غبي في شغله ظهوره اللي مش مريجني مش بالع انه حب بنت الطبال دا من عيله كبيره اوووي
عزت #اومال اتجوزها لييه انا حاولت اوصل لصالح بس اختفي هو ومراته والولدين الصغيرين ،،،، اللي اسمه فهد ده علم علينا ياكبير اخد البت من وسطنا
العمده #لاء وكانت حته مهلبيه،،،،  القصد خليه تحت عينك
عزت بارتباك #مهو ووووو
#في ايه ياعزت انطق
#كل اما احط حد عليه يراقبه يخلع منه دا عامل زي الزيبئ
فرك العمده ذقنه وقال
#الواد ده انا مش مطمنله
#يبقي، نشوفله سكه
#مهي دي المشكله الواد ده ملووش سكه وملوش نقطه ضعف نمسكه منها دا حتي اخواته سيبهم وقاعد لوحده
#انت جبت المعلومات دي كلها منين ياريس
#سالت عليه حبيبي جوه
عزت باندهاش #انت ليك حد في المكافحه
اطلق ضحكه عاليه وقال
# انا ليه عين في كل حته ياعزت لازم اامن شغلي كويس اوووي
# يبقي طلقه تجيب خبره بدل مهو معلم علينا كده
#يبقي اتهبلت واحد زي ده يفتح علينا كل العيون،،،،  عارف اللي قلقني انه ماسك قضيه محدش عارفها المهم جهزت كل حاجه
#زي كل مره ياكبير،
#الشحنه المره دي كبيره دي ضربه العمر كله
#وراك رجاله متقلقش
#اما نشوف
............................................................
#خد جومانة واقفو اشوية فى البلكونة
قالت جومانة بحنق
#اه خد شنطك وادخل البلكونة
دخلت الشرفة وجلست على السور
#عمر  ااقفل الباب لحسن خالتك لو شفتني كدا هترميني من هنا
أغلق الباب واقترب منها باسما
#انت عبيطة اوى انت ايه اللى مقعدك كدا
فتحت ذراعيها للهواء
#بحب ااقعد على السور بس انت عارف الشويش عطية مش هيرحمني
اقترب منها اكثرواسند ذراعاه الي السور  فقالت
#ابعد شوية علشان مضربكش برجلي فى وشك
انفجر ضاحكا وقال بصدق يمليء عيناه
#عارفة انا بحبك من امتي
#مش شايف انك متسرع شوية
#لاء- مرة كنت تعبانة اوى وهربت وجيت نمت جنبك
#فاكرة والصبح ماما رزعتك حته علقة علشان كان عندي الحصبة وخايفه عليك
ابتسم
#انت لسة فاكرة
#انا مبنساش بسهولة
#طب فاكرة قولتيلي ايه يوميها
#قلتلك لما نكبر محدش هيقدر يفرق بنا
تنهد بحراره
#ومن يوميها معرفتش اشوف واحدة غيرك بقيتي كل حاجة فى حياتي
شرد تفكيرها جاء اعترافك متاخر جدا عمر ياليتك صرحت
#طب ليية مقولتيش
#التردد ......كل اما اتشجع واقول اواجهها اخاف بس اتلقيت ان العمر بيمر فقلت استبيع واقول
قالت بجديه
#شوف ياعمر انت عارف انا بحبك اد ايه بس عارف كمان انا بحبك ازاي انا طول عمري شيفاك اخويا الكبير فمحتاجة شوية وقت علشان اقدر اغير دا جوايا
قال وعيناه تلمع
#هستناكى عمرى كله ومش هزهق انا طول عمري عايش على شان اشوفها فى عنيكي يا جومان
برغم علمها التام ان كلماته صادقة و نابعة من قلبه الاان قلبها ارسل لها صورة مامون عيناه اللمعه لمسته التي اطاحت بها 
#جومانة وصلتي لفين
ارتسمت ابتسامة باهته على شفتيها
#انا هنا هروح فين
اغمضت عيناها لما لاتستطيع رؤيته،،،،، طيف مامون يطاردها وعيناه تقف كحائل بينها وبين اى رجل آخر
#انت جميلة اوى .... اجمل حلم عشت جواه وحبيته
لمس يدها الموضوعة على السور فسحبتهابسرعة. فبتسم
#عارفة عمري فى حياتي ما حلمت بواحدة غيرك ولاشوفت واحدة غيرك ..نفسي قوى تحسي بحبي ليكى
من الصعب ان يخبرها رجل بحبه لها بهذا الصدق ولاتجد بداخلها سوى مشاعر الشفقة نحوه ورغما عنها ذهب تفكيرها مرة اخري لمامون ترى ماالسر وراء تصرفاته الغربية معها .....
#لاااااايلاندخل انا حاسس اني بكلم نفسي
رأفت لحاله اشفقت عليه فقالت بابتسامة
#معلش ياعمر  اصل دماغي بتوجعني شوية
#وهو اللي دماغة بتوجعه يسرح فى دنيا تانية
شعرت بالحرج الشديد واحمرت خدودها قال بالم
#جومانة هسالك سؤال انت فى فحياتك حد ...
بلعت ريقها بصعوبة
#حد ازاي يعنى
#يعني قلبك مشغول بحد
قالت بارتباك #_لاء- ..... ليه بتقول كدا
#بطمن بس ان سرحانك دا مش فى حد تانى ........
قالت بارتباك
#انا مش سرحانه ......انا بحاول بس استوعب
ابتسم #استوعبي بس عاوز احس انك جنبي مش فى حته تانية
#متزعلش لو كنت ضايقتك
#انا عمري ما ازعل منك انت قلبي اللى انا عايش بيه
قالت بشرود #للدرجادي ياعمر
#واكتر انت روحي كلها ياجومانة ... نفسي قوى تبقي ليا بقلبك زى ما انت عايشه فى قلبي
دمعت عيناها لهذه الدرجة رجل يهواها بهذا العمق ولكن تحجب مشاعره عنها قلبها ممتليء عن آخره بحب احمق لايراها
بعد انصرافه دخلت غرفتها كانت تبدل ثيابها عندما دخلت امها
#قرارك جومانة
#محتاجة شوية وقت انا طول ع مرة شيفاه اخويا وقلتله الكلام دا وهو وافق
زفرت الام بارتياح
#على الاقل دا احسن من الرفض انا كل اللى بتمناه اني اشوفك مبسوطة فى بيتك
#عارفة ياماما
#تصبحي على خير
#وانت من اهلو
ارتمت على فراشها حاولت ان تتذكر كلمة واحدة مما قالها عمر  ولكنها وجدت نفسها ماتزال تحيا على تاثير مامون اغمضت عيناها فرات عيناه اللامعة- وشفتاه المرتعشة وقبلته الشغوفة التى اطاحت بعقلها وذهبت فى احلام ناعمة بين ذراعية لم تستيقظ منها الافى ضوء النهار
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،