_《انا لحبيبي وحبيبي الي ياعصفوره بيضا لا بقي تسالي》. كنت نازله ع سلم السنتر وورايا غاده صحبتي.
_ قالت غاده مازحه بس بقا هتلمي علينا الدبان.
_ عليت صوتي اكتر《انا لحبيبي وحبيبي الي..》سمعت صوت حمحمه وخبط جامد لرجلين ع السلم فعادي كملت غنا عادي لحد م صوت الخبط قرب وعليي فبطلت غنا لقيت شاب طلع من جمبي ع السلم كنت ساعتها من الاحراج نفسي الارض تنشق وتبلعني والله بعد ما طلع لفيت ورايا لقيت غاده فطسانه من الضحك...
_نهار اسود ياغاده ليكون سمعني.
_ ردت غاده هو اكيد سمعك.
_ ياشتات الشتات يابا رجدي انتي بتضحكي ع اي يامهزاه ده سمعني.
_ هههههههههه احسن مش قولتلك صوتك بيلم الدبان علينا كان نفسي تشوفي شكلك لما عدي من جمبك ياولاء والله عارفه الطماطم هههه كانت احسن منك هههههههه.
_بصتلها بقرف متضحكيش بس بقا بس والله اعيط ع بريستيجي اللي بقا ف الارض ده .
_ عادي حبيبتي انتي اصلا معندكيش بريستيج طبيعي
_...............
_ خلاص خلاص حصل خير يلا عشان حصه مستر عادل.
_يلا.
_ خلصت حصصي وروحت البيت وعلي م روحت كنت نسيت الموضوع تقريبا ونسيت بريستيجي انا اصلا واحده تافهه.
_وعدت الايام وفي مراجعات تانيه ثانوي كانت ورانا حصه ف السنتر بس حصه مجمعه ((مختلطه)) والعدد كبير فللاسف روحت متاخر والعدد كان كبير جدا وملحقتش مكان فالمستر رحلنا المجموعه التانيه فانا خلاص كنت مضايقه بقا واليوم طويل جدا وزهقانه ومستنيه الحصه تبدا والجو حر وحاجه فله رفعت الجيبه ورفعت رجل ع رجل زي الرجاله اللي بتقعد ع القهوه بقا والشروال الرجالي اللي تحت الجيبه بان.
_ غاده :يحرقك ياولاء اي اللي انتي مهبباه ده لو حد شافك شكلك هيبقي وحش نزلي الجيبه.
_لا
_ يابنتي نزلي الجيبه وبعدين اي الكالسون ده ههههه
_ ولسوء حظي نزل نفس الشخص وانا قاعده كده بس ساعتها مقدرش يمسك ضحكته وانا كنت خلاص هعيط نزلت رجلي بسرعه وعدلت قعدتي وهو سرع وهو نازل عشان ميحرجنيش.
_ متضحكيش.
_ بتحطي نفسك ف مواقف بااايخه يا بشندي وكل مره مع ناس مزز هههههه.
_ والله الواد ده بيراقبنب وبيظهر وانا شكلي زي الزفت ها والله اعيط.
_ ههههه معلش.
_ بدانا تالته وحجز تالته ومشوار تالته ودروس تالته. وروحنا عند مدرس تالته ف السنتر.
_ لو سمحت عايز احجز الحصه.
_ ٤٠ جنيه ياانس... وقعد يضحك اول م شافني م هو كل مره بيشوفني ف مواقف ززفت.
_ احم بإسم مين؟؟
_اتديته الفلوس وبصتله بارف -غاده..........
و -ولاء.............
_ طب معلش ياانسات ممكن تملو الاستماره دي وكل واحده تسلم استمارتها بنفسها وبيضحك اوي.
_ حاضر . وملينا الاستماره ودخلنا.
_ انا مستحيل هحضر تاني هنا ياغاده ده نفس الشاب طلع الاسيستانت بتاع المستر وكل مهيشوفني هيضحك كده .
_ الصراحه ليه حق.
_ بطلي رخامه بقا والله هعيط.
_طب اسمعي شرح المستر وبعدين قرري.
=..............
_ حضرنا الحصه وخرجنا منها.
_ ها هتسيبي المستر بردو.
_ رديت لا طبعا ده شرحه تحفه هكمل معاها وهستحمل الاسيستانت السئيل بتاعه وضحكه ده
_ وكملنا السنه مع المسنر وفضل الاسيستانت فتره اول م يشوفني يضحك كتير وبعد كده بقي بيبتسم عادي وبيعاملني زي باقي الطلبه . خلصنا السنه والتنسيق والتقديم والكليه و... و... وكل ده بسرعه.
ومبقيتش اشوف السمج ده تاني.
_ بابا ف يوم قعد معايا.
_ بكره جهزي نفسك جيلك عريس هتشوفيه عجبك وافقي ومعجبكيش ارفضي.
_ اللي تشوفه ياحج.
_ وجه بكرا وياريته م جه طلع العريس هو الاسيستانت.
_ بابا: يلا ي شباب هنسيبك مع بعض شويه.
_ انا مصطفي.
_ ..............
_ اي القطه كلت لسانك اتكلمي ياماما عايزه تسالي عن اي مش هاكلك يابنتي؟!
_جاي تتقدم بناءا ع اي.
_بناءا ع صوتك وكلسونك اقصد شروالك يوه روحك الحلوه.
_ بصتله بقرف.
_ اللي انتي متعرفهوش ان انا حبيتك من ساعه م سمعتك بتغني وكنت كل يوم بتعلق بيكي اكتر بس محبتش اكلمك الا اما تخلصي.
_ ........
_ ها قولتي اي؟!
_ طبعا وافقت واتعملت خطوبتنا ووقرب ع ودني وهو بيلبسني الدبله وقال:ها كنتي بتغني اي وانتي نازله ع السلم بقا.
_ اتكسفت وبصيت ف الارض وانا ببتسم.
