_ياخراشي جميل اوي اوووي
كنت قاعده في المترو عشان راجعه من الجامعه ولقيت ام شايله بنتها الصغننه ف كنت بلاعبها وللاسف ملقتش غير العربيه المشتركه هي اللي لحقتها.
_اثمك اي ياجميله ها ياصغننه اثمك اي؟؟
=ملك اسمها ملك ياانسه.
_استغربت شاب قاعد بعيد عني شويه ورد عليا. بصتله ومردتش.
=طبعا مستغربه انا عرفته ازاي ابتسملي وقال انا كنت بلاعبها قبل م تخشي المترو بخمس دقايق.
_ .......................
= ها يالوكه قولي للانسه اني مش بعاكس ولا برخم والله .
_عن اذنك ياطنط .
= اذنك معاكي ياحبيبتي.
=اسالي الانسه يالوكه رايحه فين؟؟.
_سلام عليكم.
اي ده اللي حصل ده انا مش هركب عربيات مشتركه تاني حتي لو فيها تاخير للنهايه ها .
=ترن...ترن.
_ هو راح فين ده كمان.
=.....................
_ وعليكم السلام ورحمه الله .
=....................
_ هو لسه مبداش طب كويس عشان انا نزلت من المترو وهركب واحد غيره.
=.................
_ معلش يا بنتي اما اجي هحكيلك سلام عشان المترو جه.
=...............
_سلام.
_ والحمد الله اليوم عدي بسلام جدا وطبعا ميخلاش من ضحكي مع صحابي ومعاكستي للمزز البنات ف الدفعه .
واديني مروحه .
= هتروحي ع طول.
_ لا همر ع دار التحفيظ اسمع وهاخد الجديد الاول.
= طيب انا هنزل هنا.
_ في رعايه الله.
= ابتسمت سلام
_ انا فتحت مصحفي وقعدت اقراء شويه لحد م اوصل م انا اخر محطه في المترو بقا ومكنتش واخده بالي من اللي نازل واللي طالع.
_ وروحت نمت وعدي اسبوع بنفس الشكل ده تقريبا مواعيدي ثابته مش بتتغير .في مره كنت متاخره ركبت بسرعه وفضلت واقفه عشان مفيش مكان لقيت نفس الطفله ملك بتمشي كده وجايه ناحيتي.
_ يالوكه ياحلو انتي فاكراني تعالي ياصغنن .
= بصتلي بصه بريئه ومدت ايديها بورقه فتحتها ببص فيها لقيت مكتوب كده.
____"الم يحن الاوان لتلاقي طرقنا المشتته"____
والامضاء تحت بااسم شاب محمد. ممكن رقم بابا.
_ بتاع مين الورقه دي يالوكه.
= شاورت باايديها نحيه نفس الشاب وهي بتقول دادا.
_بصيت بذهول :الورقه دي وقعت من حضرتك .
=لا ياانسه الورقه دي تخصك.
_ فتحت عيني وبصيت بذهول اكبر .
=بقولك ياانسه مش مهم رقم بابا انا متابع حركاتك بقالي اسبوع وعرفت مكان بيتكم واتفقت مع بابا ان انا جاي الاسبوع الجاي وبالنسبه للطفله فاانا خالها ومتنسيش تصلي استخاره. عن اذنك يلا يالوكه .
_ مع كل كلمه قالها كنت مذهوله وفرحانه حلو لما تلاقي حد مهتم بتفاصيلك كده فضلت فتره مصدومه لحد م استوعبت:مجنون. نزلت من المترو ومدتش اهتمام قولت اكيد كذاب عايز يلفت انتباهي مش اكتر روحت بيتنا واحنا بنتغدي بابا اكد كلامه.
-غاده.
_نعم ياابابا.
-في عريس جاي الاسبوع الجاي.
_احم احم اتخضيت اسمه اي ؟؟
-محمد هتقابليه؟!
_بصيت كده الموقف ده لا تحسد اي بنت عليه الصراحه كموقف بتبقي محرجه تقولي ايوا ومحرجه تقولي لا اممممم هصلي استخاره يابابا وارد عليكي.
-ربنا يكملك بعقلك .
_نزلت لتحت براسي بوست ايده دعواتك انت يابابا.
عن اذنكم. ابتسملي فقومت.
دخلت اوضتي كنت زي المجنونه رايحه جايه بكلم نفسي انا حتي مشوفتش شكله بس هو خطف قلبي بااخلاقه وتدينه من زمان اوي نفسي في حد ياخد بايدي للجنه طردت الافكار دي من دماغي وقولت اصلي استخاره. ونمت.
_صحيت تاني يوم مرتاحه وبالعكسس مش متاخر زي كل مره وروحت الجامعه فريش .روحت بعد م خلص يومي قولت لبابا موافقه.....وعديت الايام وكل م كان بيقرب الميعاد كانت راحتي بتزيد وسعادتي بتكبر كنت فرحانه جدا جه اليوم لبست فيه دريس مشجر وخمار ابيض.و.....
- يلا ياغاده.
_يلا يابابا.
دخلت باصه ف الارض.... قعدت ع كرسي تقريبا جمب الكرسي بتاعه سابوني معاه ومشيو كنت متوتره جدا وسعيده جدا......
=انا محمد من عيله((.......))عندي 26 سنه مخلص كليه هندسه وشغال تبع شركه ((......)).
_.....................
=طب عرفيني عن نفسك طيب....ههههه.
_احم انا غاده عندي 21 سنه في كليه زراعه باقي ليا فيها لسه سنه وعايزه زوجي يبقي حافظ للقرءان يمسك ايدي للجنه ونفسي يبقي عطوف مع اهله عشان لو كده هيبقي عطوف معايا انا واولادي و...
=عارف كل اللي هتقوليه بس انتي مسمعتيش للاخر اولا ياستي انا كنت في مدرسه ازهريه فحافظ القرءان وعارف يعني اي بر الوالدين وان شاء الله اقدر اخد باايدك للجنه بس انتي وافقي.
_اتكسفت وابتسمت خدودي احمرت جدا وسخنت انا عارفه.
=يبقي موافقه انا عارف.
نادي بااعلي صوت ياعمييي الانسه غاده موافقه نخلي الخطوبه ع الاسبوع الجاي.
_اتكسفت اكتر فخدودي احمرت اكتر .
بابا جه ها ياغاده رايك اي ؟!
_جريت من قدامه وانا مكسوفه.
-خلاص يامحمد هبقي ارن ااكد عليك ميعاد الخطوبه.
=ماشي. عن اذنكو.
-اذنكو معاكم.
_دخلت اوضتي كنت فرحانه ومبسوطه جدا بس مكسوفه جدا بابا دخل اخد موافقتي وقرروا الخميس الجاي.
وجه الخميس الجاي وطبعا كانت حاجه علي الضيق صغنونه كنت لابسه درس مناسبات بينك وطرحه من نفس لونه ومش حاطه اي حاجه بس اتفاجئت لما لقيت محمد جايب الماذون.
_ ها .
=ها اي موافقه ع كتب الكتاب دلوقتي.
_اتنهدت بسعاده موافقه .
وكتبو كتابي انا ومحمد.
=مقولتلكيش انا ياانسه طماطم ان شكلك بيبقي حلو وانتي حمرا.
_ اتكسفت .
=احنا لو هنفضل نتكسف كتير جدا فاانا مضمنش رد فعلي.
_اتكسفت وضحكت. ههههههههههه
=هو اليوم بقا احمر وحلو كده ليه.
#ياسمين_محمود
#الم_يحن_الاوان_لتلاقي_طرقنا_المشتته💙👑
